عرض للطباعة
الحمد لله ركبت تكييف لعربيتى لادا2105 موديل94 والماتور1200سي سي وتكييف ساندن يابانى واحمد لله والشكر لله العربيه زى الفل التكييف شغال تمام والحمد لله انى مبعتش عربيتى لانى كنت حندم العربيه سحبها زى الفل بتسخن شويه بس شغال زى الفل ولو في اي استفسار انا تحت امركو وعلي فكره السعر كويس جدا
ركبت التكييف بكام ؟؟؟
وعند مين ؟؟؟
متـــــــــــــــــــــــ ـــــــــــــــــــــــــ ــــابـــــــــــــــــــ ـــــــــــــــــــــــــ ــــــــــــــــــــع
التكيف اتكلف كام ؟
وياترى الأداء عامل ايه معاك
وعملت عزل للعربيه ولا زى ماهى
لادا وردة فلة شمعة مكيفة طب ازاى
ياريت نعرف التكاليف علشان انا معاك السنييييييييييييييييييييي يييييييين
وازاى ؟؟؟؟؟؟؟؟؟؟؟؟؟؟؟؟؟؟
ركبت التكييف في مدينه نصر رجل ممتاذ بس بتسيب العربيه24 ساعه عنده والسعر2500 بس
الاداء جيد جدا بس العربيه بتسخن سنه صغيره ومركبتش عازل حراري ولا اي حاجه وكله تمام
2500
ياريت تقولنا تفاصيل الـ 2500 لو تعرف لانى اسمع انه بـ 1500
واهم حاجه هل درجة سقعيته كويسه ؟؟؟؟
يعنى انت ركبت الكورى او اليابانى قبل كده وشوفته عامل ازاى ؟؟
ما تقييم عربيتك بالنسبة لهم
ممكن تقولي 1500ج ده فين ولهو كلام وخلاص اقل تكييف3200 عند المركبى في جسر السويس
والمكونات هى السربنتينه+ الكباس+قعدة بتتعمل عند الخراط+الكويل اوالثلاجه ومنها نوعين الاول ثلاجه كمله مسؤله عن التكييف وممكن التحكم منها والثانيه بتبقي وراء الطبلوه ودى علاشان توزع عن طريق فتحات الطبلوة بس انا ركبت ثلاجه امامى ولغيت موضو الطبلوة+9متر خرطوم+فلتر+مروحه علي الربنتينه+التركيب+مكانيكى لظبط الماتور هي دى التفصيل وشكرا
شكلها اة الى بتركب على الطبلوة
اولا شكرا على ردك الى فى منتهى الذوقاقتباس:
المشاركة الأصلية كتبت بواسطة عبدة البروف
وثانيا انا اسف انى دخلت اصلا على موضوع انت كاتبة وضيعت وقتى فيه
يـــا أفندم الكلام بالراحة شوية يمكن هو مستغرب بس من السعر مش أكتر .. عامة ألف مبروك وعاوزك تقولنا على تجربتك في يوم سواقة طويييل ساعتين عالأقل بالتكييف فالشمس :)
مطلوب من صاحب الموضوع
تفاصيل كاملة والاسعار كمان
ومطلوب صور للتكيف فو حوض العربيه بالتفصيل
وطلوب تقييم لتبريد التكييف داخل الصالون
هو صاحب الموضوع قرفان ليه!!!
براحه شويه في الاسلوب يافندم
ومتزعلش مني الموتور كده مش هيكمل معاك سنه
يعنى ايه قرفان متحترم نفسك واكلم باسلوب احسن من كده مفهوماقتباس:
المشاركة الأصلية كتبت بواسطة ahmed_nubira
وبعدين مش حكلم في الموضوع تانى علاشان خطرك
يا جماعة صلوا عالنبى و إخزوا الشيطان. الناس الحلوة اللى هنا مبيتأخروش عننا فى أى حاجه و كلنا بنتابع بعض و نأخد خبرة و تجربة و معلومه و أكيد فى يوم هتحتاجها, و طبعاً الأجر و الثواب مش من حد غير الله.طبعاً نراعى الأدب و الذوق و أكيد أى حد بيتعب نفسه و يضحى بوقته و جهده و يكتب تجربته لنستفيد منها , أكيد مش محتاج مننا 2 جنيه سلف و لا حاجه. نرجو أتساع صدر الجميع
كل مادخل استفيد من موضوع الاقيه قلب ضرب نار عموما بانتظار التقييم ياصاحب الموضوع ولك الشكر
الاخوه المحترميين انا كنت ناوى ماشركش في لاالموضوع بس التقييم
التكييف اكثر من رائع
سحب العربيه ممتاذ
سخونه العربيه عاديه
الماتور1200سي سي
مفيش اي مشاكل
ولو في حد عاوز اي لامعلومه
انا تحت امر المنتدى
مش هرد عليك وانا الحمد لله محترم غصب عن اي حداقتباس:
المشاركة الأصلية كتبت بواسطة عبدة البروف
وتتكلم متتكلمش برحتك انت هتمن علينا
قلبت عركة بدل من الاستفادة لكل الاعضاء
سلام الله عليكم ورحمة وبركاتة
ارجو من حضرات السادة الاعضاء الاصدقاء المحترمين التحلى بالصبر وضبط النفس
وارجوكم محدش يزعل من التانى احنا كلنا هنا بنتبادل الاراء ووجهات النظر وبذلك بناكد على التواصل الاجتماعى والمحبة بين الجميع
ارجو اعادة النظر فى الردود اللى بتكتب خصوصا واحنا داخلين على شهر الرحمة والمغفرة والعتق من النار، كل سنة وحضرتكم طيبين
معلش هو ممكن الحر بس بيخلى الواحد بيخرج عن شعورة دة اللى بحسة وانا سايق الادا 2105 1200 سى سى وسط الزحمة المميتة تحت اشعة الشمس الحارقة وربنا يعينا بأذن الله
انا اكتشفت ان العربية دىة عربية ذكورية شتوية شتوية شتوية
وعذرا للاطالة
شكرا لصاحب الموضوع جزاك الله عنا خيرا
انا محتاج من حضرتك عنوان او نمره الراجل اللي ركبت عنده التكييف عشان اروحله لأني من سكان مدينه نصر
انا اعرف اتنين المفروض كويسن بس ما جربتهومش....فبما انك جربت فانا عايز اروح عند اللي انت رحتله
فياريت ما تبخلش علينا جزاك الله خيرا
الف مبروك وربنا يكفيك شرها ويحميهالك
ممكن نعرف مكان الراجل الطيب ده فين فى مدينة نصر وطلب منك تشترى حاجه ولا انت روحت لقيت كل حاجه جاهزه وحاجه تانيه كل الاجزاء جديده ولا فيها استيراد مهمه النقطه دى وشكراً على الموضوع
ياريت لو فية صور يبقى جزاك الله خيرا
اية يا جماعة الخير لية بس كدة موضوع التكيف دا بيختلف غلى حسب انت بتجيب المكونات جديدة ولا استعمال خارج وهو فعلا بيتكلف من 1800 لحد 3500 حسب الحجات اللى بتركب جديد او مستعمل وكمان انواع يعنى لو بتشترى كمبروسر بتاع المانى مش زى اليابانى وكمان فى الجديد فيه انواع كمان بس طبعا فى كلة مفيش احسن من تبريد اليابانى ثلاجة زى ما بيقولوا بس اللى عاوز استفسر عنة هو التابلوه عندك فية مراوح ولا لا ؟؟ ولو مفيش فية عملت اية ؟؟ كمان استهلاك البنزين مع التكيف عامل اية والعربية فى المطالع وانت مشغل التكيف ومحمل عاملة اية وعلى الطريق السرعة اتأثرت ولا لا وشكرا جزيلا ليك وعقبال البور ان شاء الله انا سمعت ان علبة الدريكسون بور موجودة فى التوكيل بس مش عارف سعرها كام وعملية ولا لا