انا عامل 45 الف كيلو بالعربية في صيانة ال 40 الف ما رضيتش اغيرة عشان ناس حذرتني من تغييرة
هل يتغير و لو غيرتة احط مكانة اية
في ناس قالتلي ازودة بس الناس متناقضين في القول
و انا عايز اعمل الصح
اغير و لا ازود
انا عامل 45 الف كيلو بالعربية في صيانة ال 40 الف ما رضيتش اغيرة عشان ناس حذرتني من تغييرة
هل يتغير و لو غيرتة احط مكانة اية
في ناس قالتلي ازودة بس الناس متناقضين في القول
و انا عايز اعمل الصح
اغير و لا ازود
طبقا لكلام الهندس هاني اللي كان شغال في التوكيل و طبقا لمهندس تاني
المانوال بيتغير علي 40,000
يتغير مش يتزود !
هم 3 كيلو أولا عن أخر و هيتبقي منهم كمان !
انا كشفت عندى على زيت الاوتوماتيك الفابريكه لقيته ماشاء الله لزج ولونه فاتح و مقاسيه كويس
بس الباشمهندس كريم قالى لازم تغيره لما اشوف هعمل ايه
أنا هاطلب منك طلب
هيخليك تعرف فعلا ان الزيت سواء مانيوال او اوتوماتيك لازم يتغير
عاوزك تتوكل على الله وتروح تغيره وهو بيفك طبة الزيت التحتانية ابقى خدها منه فورا وبص عليها
الطبة عادة بيبقى راكب عليها مغناطيس... هتشوف ساعتها كمية برادة حديد من خبط التروس في بعضها ومش هتصدق عينك
تروح فين البرادة دي لو مغيرتش الزيت... وهل لو فضلت موجودة تعتقد مش هتصنفر التروس والاويلسيلات وتخللي الفتيس البقاء لله
راجع كتالوج العربية وهتلاقي فيه المعاد المظبوط