اخيرا تقرير عن عربيتى الماروتى الجديدة..
http://a7.sphotos.ak.fbcdn.net/hphot...83898769_n.jpg
أخيرا وبعد طول انتظار وتأخير شهر وشوية..
تقرير عن عربيتى الجديدة ماروتى 2012 ..:ma(36):
انا اولا كنت هجيب العربية من المصرية رحت واتفرجت لقيتها عامله 217 كم تخيلوا!!يعنى معنى كده انها جاية من القاهرة ابو رواش لاسكندرية ماشية..
وفى اعضاء بصراحة خوفونى من المصرية وغشهم وتعاملاتعم اللى مش دوغرى..
رحت توكلت على الله ورحت لأحمد مرعى مكان محترم وموزع معتمد للسوزوكى والنيسان ولقيت العربية عاملة حاجة واربعين كم ..فقلت ادى العيش لخبازه ..وعملولى نفس الخصم اللى المصرية عملتهولى وهو 250 جنيه:F_eyeb1[1]:..يعنى بدل 39750 بقى 39500 بس محطوليش فيها قشاية حتى الدواسات معطوهانيش يعنى من الاخر معطونيش اى هدية على انى اسمع فى صالات بتدى غطاء او دواسات او حتى ميدالية..:argue2:
http://a4.sphotos.ak.fbcdn.net/hphot...78956236_n.jpg
المهم العربية قرفتها حلوة الصراحة وكل ورقها مشى صاروخ حتى المرور عملنالها ملف ونمر وكل شيء فى ساعة وشوية ..
هو ملاحظاتى على العربية طبعا هى جميلة وخفيفة وشكلها جميل والاهم من ده كله انها زيرو..
بس الصراحة حاسس ان عربيتى القديمة كانت اعفى منها كتير ..
هو انا كان معايا سيات 133 حمارة شغل طلعت عين ابوها مكنش ليها اى طلبات غير حبة البنزين اللى بتاخده و وشوية المية كل كام يوم والزيت كل سنة تقريبا..يلا الله يرحم ايامها بقى بس صراحة مفتقد دوشتها وصوت مكنتها العالى جدا جدا وعداداتها اللى مش شغالة:Copy of m-s5::F_eyeb1[1]: بس ادى سنة الحياه ..
بس بجد الماروتى عربية بسم الله ما شاء الله عربية تقييمى ليها انها ممتازة جدا وادى صورتين كمان ليها ..http://a6.sphotos.ak.fbcdn.net/hphot...77479678_n.jpghttp://a1.sphotos.ak.fbcdn.net/hphot...07770694_n.jpg
ودى صورة اختها الكبيرة واقفة وراها..:Bravo:
http://a7.sphotos.ak.fbcdn.net/hphot...32611091_n.jpg
أرجو إن موضوعى يكون خفيف عليكوا وأنا بهدديه للأخين العزيزين ..
Axel و </B>waelgam2005