مطلوب نصيحة ضروري من ملاك المازدا 3

**Seifmando** · 12-06-2012 10:40 AM

السلام عليكم

انا كنت بفاضل بين كذا عربية مستعملة والمازدا 3 داخلة دماغي اوي بس خــايف من كذا حاجة وعاوز اعرفها الأول:

1- انا معايا 80 ألف أول عن اخر بس لازم اعمل حساب الصيانة للحاجات الاساسية اللي لازم اعملها اول ما اجيبها (طقم السيور والفلاتر والمساعدين وتيل الفرامل والزيوت) وممكن لو طنابير او اي حاجة تانية فى العفشة تستنى شوية فأنا عملت حسابي في حوالى 4000 جنيه من الــ 80 اللى معايا يعنى كدا هيتبقى حوالى 76000 جنيه ممكن اوصلهم لـ 78000 جنيه. ولما سألت لقيتهم يجيبولى موديل 2007 أو 2008 (الاتنين اوتو) فالمبلغ دا يجيب انهي فئة فى المازدا 3 وهتبقى فبريكة برة وجوة ولا جوة بس

2-تكاليف العقد المسجل فى الشهر العقاري للموديلين 2007 او 2008 بكم. يعنى البومة لما اشتريتها كانت مو 2008 والعقد كان بـ 1300 او 850 على ما اتذكر

3- تكاليف الترخيص كام فى السنة الواحدة

4- اكشف عليها فين وبكم لانى بخاف جداً من زعل الفتيس الاوتوماتيك فعاوز حد ينــكـتـلـي العربية من اصغر مسمار. الاقيه فين وبكم

5- هي فيها كام ايرباج واعرف ازاي ان العربية مش عاملة حادثة او فتحت الايرباج. يعنى فيه حاجة ادوس عليها فى شاشة البيانات تبين دا ولا لأ. لانى شوفت عربيات كتير لما كنت بصلح البومة لما عملت بيها حادثة بيبقوا عاملين حوادث والسمكرية جابوا الصاج استيراد نفس اللون فهتبان انها فبريكة برة والكهربائية ظبطوا الكمبيوتر او لمبة الايرباج عشان تنور وتطفى اكنها شغالة (حسبنا الله ونعم الوكيل)

العربية كركوبة عجبانى جداً بس نفسي اعرف انا مفبل على عربية مصاريفها كم
معلش اسألتي كتيرة شوية بس انا مش بحب اسمع من تجار او صنايعية انا محتاج اجابات من ناس اثق فيهم وفى رأيهم زيكو.

جزاكم الله خيراً

**WalidAdel** · 12-06-2012 06:37 PM

المشاركة الأصلية كتبت بواسطة Seifmando

السلام عليكم

انا كنت بفاضل بين كذا عربية مستعملة والمازدا 3 داخلة دماغي اوي بس خــايف من كذا حاجة وعاوز اعرفها الأول:

1- انا معايا 80 ألف أول عن اخر بس لازم اعمل حساب الصيانة للحاجات الاساسية اللي لازم اعملها اول ما اجيبها (طقم السيور و .......................

بص الموضوع ده رزق علي شويه حظ مش هاقدر اقولك ان المبلغ ده يجيب الحاله دي بالموديل ده و العكس صحيح ... فربنا يوفقك يعني
4000 صيانه معقول اوي لو هاتجيب الحاجه الاصلي

2-تكاليف العقد المسجل فى الشهر العقاري للموديلين 2007 او 2008 بكم. يعنى البومة لما اشتريتها كانت مو 2008 والعقد كان بـ 1300 او 850 على ما اتذكر

2008 العقد المسجل كان 1260

3- تكاليف الترخيص كام فى السنة الواحدة

الترخيص كان 3 سنين علشان كان فيها ضريبه تكفي ال 3 سنين فدفعت في حدود الاف تقريبا علشان تغيير نمر و كده

4- اكشف عليها فين وبكم لانى بخاف جداً من زعل الفتيس الاوتوماتيك فعاوز حد ينــكـتـلـي العربية من اصغر مسمار. الاقيه فين وبكم

بص هو انا ماكشفتش عليها بيني و بينك لانه شكلها عجبني و وقفتها حلوه و مش متبهدله فتوكلت علي الله و و خلاص اول ميكانيكي بص عليها كان بعدها ب شهر
عليك و علي التوكيل سمارت في المعادي او في مركز صيانه في الحرفيين ... كده يعني

5- هي فيها كام ايرباج واعرف ازاي ان العربية مش عاملة حادثة او فتحت الايرباج. يعنى فيه حاجة ادوس عليها فى شاشة البيانات تبين دا ولا لأ. لانى شوفت عربيات كتير لما كنت بصلح البومة لما عملت بيها حادثة بيبقوا عاملين حوادث والسمكرية جابوا الصاج استيراد نفس اللون فهتبان انها فبريكة برة والكهربائية ظبطوا الكمبيوتر او لمبة الايرباج عشان تنور وتطفى اكنها شغالة (حسبنا الله ونعم الوكيل)

كل حاجه موجوده .... و للاسف ماعرفش افيدك لازم حد متخصص يكشف عليها

العربية كركوبة عجبانى جداً بس نفسي اعرف انا مفبل على عربية مصاريفها كم
معلش اسألتي كتيرة شوية بس انا مش بحب اسمع من تجار او صنايعية انا محتاج اجابات من ناس اثق فيهم وفى رأيهم زيكو.

كركوبه دي معناها ايه هل انت قدامك عربيه و متهانه شويه ولا ايه مش فاهم
بس عموما العربيه ليها قطع غيار استيراد و تايواني و الياباني و حاجات كتير
حضرتك لف شويه في المنتدي هتلاقي موضوع عن قطع الغيار بالاسعار كمان

جزاكم الله خيراً

**WalidAdel** · 13-06-2012 03:20 AM

المشاركة الأصلية كتبت بواسطة Seifmando

الف شكر على المعلومات القيمة

ياباشا شكر علي ايه بس ... دي حاجه بسيطه

العربية ركوبة يعنى تحسسك انك راكب احسن حاجة فى الدنيا يعنى ثبات وجرى وخامات وراحة

العربيه فعلا تحسسك بكل ده ماشاء الله ...

انا فهمت انك رخصت لـ 3 سنين من غير ضريبة صح؟

فعلا لان الضريبه كان دافعها المالك و كان باقي فيها سنتين و 8 شهور حاجه كده

وعاوز كمان اعرف هىالعربية معقدة زي الميجان كثلاً ولا بسيطة زي اللانسر يعني التصليح بتعاها لازم مراكز متخصصة او الحرفيين ولا اي ميكانيكي يقوم بالليلة

للاسف بقي هيا دي المشكله لازم حد فاهملها و بالذات لو اتزنقت في مشكله في المكنه او الحساسات في فرق بينها و بين الميجان لاني عارف الميجان و مشاكلها لكن المازدا مش بالصوره دي بس لازم حد متخصص يبقي عارفلها و فاهم مش مهم يكون فاهم بس بس قشطه اللي هو يبقي عارف ايده رايححه فين و جايه منين

بكرر شكرى ومستنى آراء الخبراء

**WalidAdel** · 14-06-2012 09:18 PM

المشاركة الأصلية كتبت بواسطة seifmando

هي مليانة حساسات اوي كدا؟!

لأ مش كده بس الفكره انك لو روحت عند اي ميكانيكي و في عيب في المكنه او في حساس مثلا هاتحطه علي جهاز يونيفرسال ممكن متايطلعش الحساس او العيب فين
لكن لو الجهاز بتاع الياباني هايطلعه بسهوله ... المشكله في تشخيص العيب فقط
حد فاهم هابشخص صح و يصلح العيب و شكرا
حد مش فاهم يشخص غلط و مش هاتتصلح و هاتلف علي ماتصلح العيب
دي وجهة النظر بس