مافيش مشاكل خالص ما شاء الله عليها ... العربية زي الفل
ومافيش موضوع الفتيس دا خالص .. والأعضاء هنا إللي عنده كروز هيأكدلك على كلامي
اتوكل على الله وربنا يباركلك
أهم حاجة لما تتعامل مع حد في أي صيانات، يبقى حد بيفهم مش بيفتي أو يجرب فيك
خصوصاً لو حاجات كهربا
المميزات:
- فخامة الشكل الداخلي والخارجي (موضوع نسبي طبعاً يختلف من شخص لأخر)
- الإتساع الداخلي ممتاز جداً لأن العربية كبيرة
- ثبات رائع جداً ما شاء الله
- عفشة ممتازة والأفضل في نفس الفئة السعرية
- إحتمال إنها تحك في مطب من تحت لو خمسة في العربية والمطب عالي بزيادة، لو بالهداوة مش هتحك
- سعر قطع الغيار معقول (فيه ناس بتشوفه عالي بس بيقارنوا بلانوس أو فيرنا أو أكسنت ودا خطأ)
- السرعة القصوى الفعلية تصل لـ 200 كم/س
العيوب:
- إستهلاك بنزين مرتفع نسبياً (مقارنة بالسيراتو والإلنترا فقط) بس مش سئ أوي (متوسط 220 كم/صفيحة)
- الطلعة بطيئة نسبياً لأن وزن العربية تقيل (الطلعة شبيهة بالأوكتافيا والجيتا) بس بعد كدة خلاص