الموضوع: الموتور مكتوم و العربية بتاكل بنزين

السلام عليكم

انا معايا عربية تويوتا كورولا موديل 98 مسقطة موتور انجيكشن 1300 سي سي 4 e
كان عندي مشكلة ان التكيف لما بيشتغل العربية مش بتعلا علشان الضفيرة مختلفة عن ضفيرة العربية الاصلية و بعد بتوع التكيفات ما حاولوا يظبطوا الموضوع ده العربية بقت مكتومة و بتاكل بنزين بطريقة رهيبة يعني ممكن تعمل 130 في الصفيحة

رحت لواحد ظبطلي الكهرباء بتاعة الموتور و التكييف و ظبط مع الار بي ام بس قالي الي كاتم العربية الشكمان فرحت لبتاع شكمانات فكلي الشكمان كله و جربنا العربية لاقيناها لسة مكتومة

و طبعا انا جبت اخري العربية مكتومة و مبتسحبش و بتاكل بنزين ومش عارف ايه العيب و كل ما اروح لحد يفتي

افيدوني اعمل ايه و اروح لمين

على فكرة العربية انجيكشن و اتوماتيك و بتأخر في النقل