الموضوع: مؤشر الحراره فى البرسونا عدى 90 درجه

المشاركة الأصلية كتبت بواسطة padry

انا العربيه معايا من شهر 10 2009 عمرها ما عملت كده غير من شهر بس انما قبل كده عمر مؤشر الحراره مكان بيزيد ابدا

ربنا يبارك لك فيها، وإن شاء الله مشكلة بسيطة. بأقول حضرتك، حاول حضرتك تعمل كشف على دورة التبريد للتأكد من عدم وجود تسريب، وهل المياه بتنقص في الرادياتير؟

المشاركة الأصلية كتبت بواسطة motarjim

ربنا يبارك لك فيها، وإن شاء الله مشكلة بسيطة. بأقول حضرتك، حاول حضرتك تعمل كشف على دورة التبريد للتأكد من عدم وجود تسريب، وهل المياه بتنقص في الرادياتير؟

ربنا يكرمك بس الميه مش بتنقص خالص و المروحه شغاله و لو ترموستات الكوعه بايظه المفروض الميه متسخنش بس لما العربيه بتسخن بتبقى الميه سخنه فى الريداتير

هما حاجه من التلاته ..الرداتير او الترمستات او طلمبة الماية ............

شباب ... اولا لو الحرارة زادت عن 90 ده مش طبيعي ... بس لا تخاف ... لان المروحة حتفضل شغالة لحد ما تنزل درجة الحرارة لحد 90 ...

طب ايه السبب ...؟

في بعض الايام القليلة جدا (يوم او اتنين في السنة بالكتير) ممكن ده يحصل في ظروف حر 45 درجة او أعلى طبعا مع تشغيل التكييف في مشوار طويل

غير كده ... يبقى غالبا احد امرين ... اما في هواء في دورة التبريد.. او مياة الراديتير ناقصة نتيجة تسريب في الدورة او خلافه ... لكل واحد عنده المشكلة دي اعمل الاتي:

1- أكشف على مياه الرادتير... و لو ناقصة زودها مياه خضراء
2- اتكد من نضافة ريش الرادتير (في بعض الحالات النادرة ممكن كفاءة التبريد تقل بسبب الاتربة العالقة بين الريش )
وطبعا تسيب الرادتير ينشف او تنشفه كويس بعد الغسيل عشان ميلمش تراب

و احذر من بعض النصابين في محطات البنزين ... لما يلاقيك داخل عليه محطة النزين كده بعربية شيك .. يوقلك يا باشا أغيرك مياه الرادتير بمياه امريكاني ,تبريد افضل و تحافظ على طرمبة المياه ...الخ . كل ده هجص و لو مش فاهم في العربية ممكن يوظلك ترموستات الكوع

هذا و الله أعلم
تحياتي

المشاركة الأصلية كتبت بواسطة mido_soliman

بسم الله الرحمن الرحيم

الاجابة :


[overline[overline]]ترموستات الكوعة بايظ[/overline][/overline]

الحل:

ياريت تغيروووووووووووووووووة

ملحوظة :
العيب دة اتهرس فى مليون مشاركة وموضوع قبل كدة :)

%الكلام ده مظبوط 90

انا اسف على انى مش بعرف اشارك كتير
بس المشكله الحمد لله كانت كالتالى
اولا انا رحت لواحد بتاع رادياتير محترم اعرفه كويس
قالى بعد ما شاف المشكله وبص على العربيه ان الرادياتير بتاعك عايز يتنضف
هفك المسامير واحركه قدام وانضفه بالميه من غير ما اشيله على السفنج اللى فى الجناب تفضل سليمه
قولتله ماشى وبعدين بنبص لاقينا فى تراب وطينه وورق سجاير وعفش كتير قوى قوى ما بين الردياتير وحاجه كدة فى وش الاكصدام قالى لازم اطلعه بره علشان ده وسخ قوى وفعلا قام بالفك واول ما شفته وهو بيفكه اتصدمت من كتر السواد اللى نزل منه وهو بينضفه بميه تقريبا 10 دقايق مشغل ميه بخرطوم عليه وطول الوقت ده بينزل سواد
لحد ما نضف خالص وبقت الميه تدخل نضيف وتخرج نضيفه وركبه وحط ميه خضرا
والحمد لله المشكله لم تتكرر بعدها تماما الحمد لله
اكتشفت بقا ان ده طبيعى بس لازم كل فتره نعمل تنضيف للردياتير لان شوارعنا الجميله مليانه تراب وبهدله وورق وكل ده بيدخل جوه مع شويه ميه بتبقا طينه فبتسد فتحات الردياتير اللى المفروض يدخل منها الهوا تخرج منها علشان التبريد
وهذه هى تجربتى واسف على الاطاله

المشاركة الأصلية كتبت بواسطة magedomran

انا اسف على انى مش بعرف اشارك كتير
بس المشكله الحمد لله كانت كالتالى
اولا انا رحت لواحد بتاع رادياتير محترم اعرفه كويس
قالى بعد ما شاف المشكله وبص على العربيه ان الرادياتير بتاعك عايز يتنضف
هفك المسامير واحركه قدام وانضفه بالميه من غير ما اشيله على السفنج اللى فى الجناب تفضل سليمه
قولتله ماشى وبعدين بنبص لاقينا فى تراب وطينه وورق سجاير وعفش كتير قوى قوى ما بين الردياتير وحاجه كدة فى وش الاكصدام قالى لازم اطلعه بره علشان ده وسخ قوى وفعلا قام بالفك واول ما شفته وهو بيفكه اتصدمت من كتر السواد اللى نزل منه وهو بينضفه بميه تقريبا 10 دقايق مشغل ميه بخرطوم عليه وطول الوقت ده بينزل سواد
لحد ما نضف خالص وبقت الميه تدخل نضيف وتخرج نضيفه وركبه وحط ميه خضرا
والحمد لله المشكله لم تتكرر بعدها تماما الحمد لله
اكتشفت بقا ان ده طبيعى بس لازم كل فتره نعمل تنضيف للردياتير لان شوارعنا الجميله مليانه تراب وبهدله وورق وكل ده بيدخل جوه مع شويه ميه بتبقا طينه فبتسد فتحات الردياتير اللى المفروض يدخل منها الهوا تخرج منها علشان التبريد
وهذه هى تجربتى واسف على الاطاله

الحمد لله يا ريس، الموضوع اتضح أنه بسيط للغاية، وجزاك الله خيرًا على مشاركة تجربتك معنا