مؤشر الحراره فى البرسونا عدى 90 درجه

**magedomran** · 12-06-2012 01:41 PM

يا جماعه فى حاجه حصلت معايا يوم الخميس اللى فات فى عز الحر واول مره اخد بالى منها
مؤشر الحراره المفروض انه بيكون ثابت قبل 90 على طول وانا ماشى بقا يوم الخميس لقيت المؤشر عدى ال 90 ووصل لحد الشرطه اللى بعد ال 90 وفضل واقف كده تقريبا دقيقه وبعدين رجع تانى لقبل ال 90
الموضوع ده اتكرر كتير قوى لحد ما روحت بس الجو كان نار بصراحه
انا تصورت ان لما الحراره بتزيد المؤشر بيعلى والمروحه تشتغل ولما تبرد المؤشر يرجع تانى بس مش عارف بصراحه لان اول مره اخد بالى منه
عايز اعرف ده طبيعى ولا فى مشكله؟

**DESIGNER105** · 12-06-2012 04:49 PM

راجع دورة التبريد كويس ...ممكن نقص مايه فى الريداتير او انسداد او تسريب او يكون فى هواء داخل الريداتير ...هل بعد متطبل العربيه مروحت التبريد بتفضل شغاله شويه ولا لا ؟؟؟

**magedomran** · 12-06-2012 08:54 PM

اه من يوم ما استلمتها والمروحه بشتغل بعض ما بطل العربيه شويه

**eng.m7md.ali** · 12-06-2012 08:55 PM

هل ريحت تريحة جامدة شوية على عربية قدامك؟
العربية موديل كام وعاملة كام؟

**magedomran** · 12-06-2012 09:26 PM

لا انا مريحتش على حد الحمد لله
العربيه برسونا 2009 وعامله 54 الف كيلو

**sonicnet** · 23-09-2012 08:37 PM

انا حصل عندى نفس المشكله وارجوا لو عرفت سببها او حلها تعرفنى .. شكراً

**padry** · 23-09-2012 09:39 PM

نفس المشكله عندى بتعلى بعد مشوار لو وقفت او ركنت تعلى دقيقه و ترجع تانى عادى و الموضوع ده جديد مكنش بيحصل قبل كده جين تو 2010 عامله 90000 كم

**Motarjim** · 23-09-2012 10:33 PM

السلام عليكم،

يبدو أن المشكلة دي عامة إلى حد ما. الأستاذ hesham1978mmmm عرض مشكلة مشابهة أن المروحة عنده شغالة على طول. أظن أن هذه الظاهرة قد تُعزى إلى ارتفاع حرارة الجو؛ يعني شيء مؤقت، واتمنى من خبراء بروتون الإدلاء بدلوهم في هذا الشأن.

**hesham1978mmmm** · 23-09-2012 11:18 PM

المشاركة الأصلية كتبت بواسطة motarjim

السلام عليكم،

يبدو أن المشكلة دي عامة إلى حد ما. الأستاذ hesham1978mmmm عرض مشكلة مشابهة أن المروحة عنده شغالة على طول. أظن أن هذه الظاهرة قد تُعزى إلى ارتفاع حرارة الجو؛ يعني شيء مؤقت، واتمنى من خبراء بروتون الإدلاء بدلوهم في هذا الشأن.

لأ يا باشا انا علابيتي 2012 بس مكنتش كده خالص انا كنت احيانا في الجو النار اوي انزل ابط
ل العربية المروحة تفضل شغالة شوية وبعدين تفصل بس دلوقتي بتشتغل علي طول تفصل ثواني وتشتغل دقايق وبعدين اول ما ابطل العربية تفصل واول ما اشغل العربية تشتغل

**padry** · 23-09-2012 11:50 PM

المشاركة الأصلية كتبت بواسطة motarjim

السلام عليكم،

يبدو أن المشكلة دي عامة إلى حد ما. الأستاذ hesham1978mmmm عرض مشكلة مشابهة أن المروحة عنده شغالة على طول. أظن أن هذه الظاهرة قد تُعزى إلى ارتفاع حرارة الجو؛ يعني شيء مؤقت، واتمنى من خبراء بروتون الإدلاء بدلوهم في هذا الشأن.

انا العربيه معايا من شهر 10 2009 عمرها ما عملت كده غير من شهر بس انما قبل كده عمر مؤشر الحراره مكان بيزيد ابدا