السلام عليكم ورحمة الله وبركاته
كنت عايز اعرف سير التقسيمة بتاع الماروتى بيتغير كل كام كيلو وايه افضل نوع فى السوق
وشكراااا مقدما
عرض للطباعة
السلام عليكم ورحمة الله وبركاته
كنت عايز اعرف سير التقسيمة بتاع الماروتى بيتغير كل كام كيلو وايه افضل نوع فى السوق
وشكراااا مقدما
++++++++++++++++++متابع
في. الكتالوج تقزيبا 100الف كيلو لما اروح اتاكد واقولك
سير الكاتينة بيتغير كل 40000 كم
والتوكيل بيكشف عليه عند الـ 40000 كم وبيقرر يغيره في وقتها واللا لأ
أحيانا بيأجلوه لحد 45 او 50 بحد أقصى
لكن عمره ما بيقعد أكتر من 50 ألف
الكتالوج مكتوب فيه 100 ألف دا الكتالوج بتاع العربية الـ injection اللي بتنزل في الهند
بالنسبة للأنواع
في نوع اسمه SGP اللي هو suzuki ginune parts ودا بيبقى بـ 35 جنية هتلاقيه عند رامي أو عند سوزوكي سنتر
في نوع تاني شفته في شارع دمشق اسمه Continintal ودا بـ 65 جنية عند أكرم حمدي
وفي نوع تالت مش فاكر اسمه ايه كان عند أكرم حمدي برضه بيقول عليه ياباني بـ 80
د. حازم وسبعاوي والعبد لله مركبين SGP - لكن أنا عن نفسي هابص عليه بعد 20 ألف وهاغيره على 30 ألف بالكتير
طيب هو سعره ممكن يكون كام فى التوكيل
أصل أنا بافضل ان سير التقسيمة بالذات يكون أصلى نظرا لأهميته
التوكيل قالي اكتر من سعر
مرة قالي 400 وبالتركيب يبقى 700 الكلام دا في الدقي
ومرة قالي 200 ومش فاكر التركيب كام ودا كان في الهايكستب
سألت لك عليه دلوقتى فى التوكيل اللى فى الدقى قالولى 175 جنيه ويتوفر بعد 10 أيام
النوع التاني الياباني sun
بالنسبه للتوكيل فهو معندوش ولا اصلي ولا بطيخ بحكم انه بياخد القطع من نفس المحلات اللي في احمد حلمي !!!
بالمناسبه
ابقى قابلني لو جابوه كمان 10 ايام
من الآخر
على كلام سبعاوي
مش بيبيعوه
عايزه لازم تركبه عندهم
غير كده مش هيدهولك!!!
تحياتي
يعنى حتى اللى فى التوكيل مش أصلى ؟
يعنى الأصلى بس هو اللى بيركبوه بنفسهم ؟ طيب ما أنت بتقول إنهم بيجيبوه من نفس المحلات اللى فى أحمد حلمى .
والله أنا طلعت بحكمة من حكاية الأاصلى والمضروب دى ملخصها :
ممكن تشترى على إنه الاصلى ويطلع مضروب ويعيش أو قد لا يعيش
وممكن تشترى المضروب ويطلع حلو ويعيش أو قد لا يعيش
يعنى مسألة بختك يابو بخيت