عرض للطباعة
السلام عليكم
الحمد لله بعت عربيتي من كام يوم و اصبح معايا 80 ألف بس رجعت للحيرة المعتادة بين الفيرنا الزيرو او البدائل الاخرى المستعملة (لانسر - مازدا - النترا - ميجان)
من ضمن البدائل دي بفكر فى لانسر بومة سوبر اكشن موديل 2008 بس مش عارف هل الـ 80 ألف يجيبوا فعلاً سوبر اكشن ولا لأ
والسؤال الاهم ازاي اعرف افرق بين السوبر اكشن الفبريكة وبين السبورت المتعدلة لانى عرفت ان ناس بتعدل السبورت وتخليها سوبر اكشن ويطلبوا سعر مغالى فيه
هل فيه حاجة اعرف منها الفرق بين الاكشن والسبورت
جزاكم الله خيراً
اولا: ابعد عن الفيرنا...واشتري اي حاجه تانيه.
انا عن نفسي افضل اني اشتري كسر زيرو ...استفيد بفرق السعر و في نفس الوقت تكون عربيه حالتها كويسه...و بالنسبه للعربيه اللانسر...اعتقد انها افضل سياره ممكن تشتريها..و المواصفات حسب فلوسك ...بس فروقات الاداء بين طرازات اللانسر مش بعيده اوي
باشااقتباس:
المشاركة الأصلية كتبت بواسطة ehab1eg
أنا كنت بفكر في الفيرنا عشان زيرو بس يعني كمان خمس سنين علي ما افكر ابيعها
أنا عارف انها مش كويسة أوي بس زي ما بنقول أحسن الوحشين الزيرو
بالنسبة للفرق بين موديلات البومة عن تجربة السوبر أكشن سحبها أحسن من السبورت واللي هي طبعا أحسن من الكلاسيك
المهم أنا نفسي في واحدة أكشن اوتوماتيك بس مش عاوز انزل السوق وأخد علي عيني في تمنها لحسن تطلع في الاخر سبورت اوكلاسيك متعدلة فنفسي اعرف أزاي افرق بينهم بسهولة
استبعد لانسر واستبعد الميجان
لانسر .... عربية تصميم شعبى وامكانيات محدودة وصاج ضعيف وعفشة ضعيفة وسعر غير مناسب
ميجان.... عربية ممتازة بس مكلفة جدا فى الصيانة
مازدا .... عربية شديدة الاتزان على السرعات المرتفعة موتور قوى تجهيزات ممتازة صالون فخم وعفشة رياضية تستحمل
بس قطع غيار مكلفة
النتــرا.......... قطع غيار متواجدة بكثرة و اسعار مناسبة صالون جيد وليس بفخم عفشة ممتازة موتور 1600 dohc كامة 2
موفر للبنزين وقوى ايضا متزنة على الطريق و سهلة الصيانة جدا
النتــرا حققت مبيعات كبيرة فى اوروبا و امريكا وهى من السيارات المميزة
بس أنا قصدي علي الالنترا ٢٠٠٩ مش ٢٠١٢اقتباس:
المشاركة الأصلية كتبت بواسطة port_smoker
كمان سمعت من أصحابي اللي معاهم النترا ٢٠٠٩ انها مش ثابتة خالص ومن كلامهم استنتجت ان البومة اللي كانت معايا ثباتها اكتر من الالنترا بمراحل لدرجة أني كنت بأخد كل ملفات صحراوي إسكندرية علي ١٨٠ من غير اي هزة
هو عموما ثبات اى متسوبيشى قوى جدا جدا حتى بعد 160
بس توتل الامكانيات او مجمل الصفات الجيدة فى صالح النترا
هذة فى الاخر مجرد وجهه نظرى الشخصية وليس اكثر
نصيحة عدم شراء الفيرنا هي عن تجربه شخصيه....هي غربية بتاعة جري بس بدون ثبات او امان.....بصراحة انا بعد النوبيرا ملقيتش عربيه تلبي طلباتي غير اللانسر (تجربه شخصيه) ...الالنترا ما قبل 2011 ممتازه و سعرها قريب من اللانسر....بس بصراحة الياباني حاجه تانيه...بغض النظر عن الفروقات بين السوبر اكشن و غيرها..وفي النهايه هذا رأيي الشخصي...و ربنا يوفقك
اعمل كشف علي السيارة في توكيل قليوب ب 180 جنية تقريبا و هتبقي مطمن علي الاخر علي الاقل
فكرة جامدة جداً وكانت غايبة عنىاقتباس:
المشاركة الأصلية كتبت بواسطة mitsukero
بس الــ180 جنيه دول شاملين الكشف كله يعنى موتور وعفشة واذا كانت رشة جوة او برة وشاسيه وكماليات و كمان يقوللى اذا كانت اكشن ولا سبورت ؟!
هو اكيد بيبقى مش فاتح الجمعة صح؟
ولو حبيت اروح عشان اكشف على العربية لازم ميعاد قبلها ولا اطب عليهم فجأة
وجزاك الله كل خير انك نبهتنى لحاجة زي دي
السوبر اكشن هى الوحيده فى موديلاتها بفتحه سقف
ابــو ايــاد حبيبياقتباس:
المشاركة الأصلية كتبت بواسطة أبو إياد
تصدق كنت هزعل جداً لو انت مكنتـش شاركت فى الموضوع دا
الــ 80,000 يجيبوا اكشن 2008 ولا يجيبوا اكشن موديل كم
انا تحت امرك وشرف ليا اشارك فى موضوعك طبعااقتباس:
المشاركة الأصلية كتبت بواسطة seifmando
المبلغ ده يخليك تركب سوبر اكشن رشه جانبين موديل 2007
لا توجد فروق فى السحب والأداء بين جميع موديلات الانسر البومه الـ 1600 حيث ان الموتور والعفشة هى هى بس الفروق ما هى الا كماليات فقط وربما تكون السبورت اللى انت جربتها كانت فيها مشكلة عشان كده ما عبكش سحبها.اقتباس:
المشاركة الأصلية كتبت بواسطة seifmando
السلام عليكم
أبو ايــاد يا صديقي
انا عرفت دلوقتى ان السبورت بتنزل بفتحة سقف زيها زي الاكشن
انا كدا اتلخبطت تانى
ايه رأيك ولا الموضوع مش جايب همه يعنى فرق الفلوس بين الاكشن والسبورت مش هيبقى كتير (يا دوب حق الفرش الجلد وبس)
اشتري مستعمل طبعا احسن
ومش تشتري فيرنا جديد او لانوس او اي عربية تمنها اقل من 80
دي عربيات عقبال ما تفرج
بس انت هتتعب شوية عقبال ما تلاقي عربية كويسة ومضمونة
فضي نفسك اسبوع وعدي على كم عربية
العربية اللي تعجبك خد ميكانيكي معاك يكشف عليها
وبعدين استخير ربنا وتوكل على الله
نصيحة متخليش المظاهر تخدعك سواء العربية او صاحبها
السلام عليكماقتباس:
المشاركة الأصلية كتبت بواسطة semi
يا باشا متشكر جداً لنصايحك
إن شاء الله انا فعلاً ناوى انزل السوق بكرة ومعايا السمكرى والميكانيكي وهدور على لانسر محترمة فى حدود المبلغ اللى معايا
وربنا يقدر الخــير إن شاء الله
السلام عليكم
النهردة نزلت السوق وياريتني ما نزلت
لقيت عربيات لانسر كتير سبورت واكشن موديلات 2007 و 2008 ولما اسأل مطلوب كام الرد بيصعقنى
موديل 2008 سوبر اكشن مطلوب 105 ألف جنيه
موديل 2007 مطلوب 85 ألف جنيه للسبورت و 79 ألف للهاف سبورت وكمان فيه خبطة فى السدر
انا مش عارف هي دي الاسعار طبيعية ولا ايههه
بعد الاسعار دي لقيت انى ارجع تاني للمستعمل فيرنا منوال اواوبترا الاوتوماتيك والامر لله
اقتباس:
المشاركة الأصلية كتبت بواسطة seifmando
ياباشا للاسف اللي داير دلوقتي بين التجار وهو اقرب الي الحقيقة ان اخر موديلات ياباني بالفعل في الانسر هي 2009 وجزء 2010 علشان كدة كل العربيات المستعملة من هذة الموديلات ومااقل منها هاتلاقية غالي علشان الموضوع دة .. وفعلا لولاحظت هاتلاقي في فروق كتيرة بالنسبة للخامات دة حتي الفوج لايت في الموديلات الحديثة مثلا 2012 شفتها تايوني وغير اللي راكبة في مثيلتها وموديل اقل دة غير طابلوة السيارة وبعدين اللي يغير كل دة مش بعيد يكون انة غير في الموتور من الداخل والعفشة .. وربنا يوفقك لما فية الخير
قدر الله وما شاء فعل
كنت نفسي فيها بس الحمد لله مفيش نصيب المرة دي
يافندم مفيش عربية مستعملة وحالتها كويسة هتقعد في السوق تستنى حد يشتريهااقتباس:
المشاركة الأصلية كتبت بواسطة seifmando
انت غلطان انك نزلت السوق اصلا
دول تجار بيشتري العربية وبيقعد زي ما يقعد المهم تتباع بالتمن اللي هو عايزه
ادخل على مواقع الانترنت واعرف متوسط الاسعار هتلاقي عربيات محترمة
يكفي انك هتشتريها من المالك الاصلي
بس بصراحة هتتعب شوية لحد ما تلاقي حاجه لقطة
ويبقى ربنا بيحبك لو لقيت بائع محترم بيعامل عربيته بأحترام
نصيحة سيبك من الفيرنا والكلام الفاضي ده
ما هو المشكلة ان الفيرنا هي اللي مش عايزة تسيبنياقتباس:
المشاركة الأصلية كتبت بواسطة semi
لانها اكتر عربية اقتصادية وفئة ال١٦٠٠ ومش صيني
معروض عليا اوبترا أوتو وبقول يارب يبقالي نصيب فيها
عشان بس مرجعش للفيرنا
نفس الحيرة وقت فيها عند الاختيار .....
و ربنا هداني الى اللانسر سوبر اكشن 2008 كانت ماشية 28000 خلصتها على 97000 و هي معايا من سنتين بالضبط .... ما شاء الله و الحمد لله .... الصيانة في التوكيل و ريح بالك من كل حاجة و الاعتماد على الله .... و ربنا يهديك الى الاصلح.
اقتباس:
المشاركة الأصلية كتبت بواسطة semi
نعم ... كلام صح 100%
اقتباس:
المشاركة الأصلية كتبت بواسطة as_samman
عن نفسي مريت بالتجربة ديه و قي الاخر جبتها من موقع على النت
اقتباس:
المشاركة الأصلية كتبت بواسطة seifmando
الاوبترا عربيه كويسه جدا...و طبعا فئه اعلي من الفيرنا...و اوسع و ثبات اكثر...لو حالتها كويسه توكل علي الله....بس اعمل زي ما الزملاء قالوا و اكشف عليها في التوكيل....و بمناسبة موضوع الشراء من السوق...نصيحة...بلاش...خاصة اليومين دول...شوف حاجه بيتي تعرفها....واول ما تشتري انقل الملكيه بأسمك علشان الورق المضروب منتشر كتييير جدا الايام دي...وربنا يوفقك.....
انا امامي عربية لانسر سوبر اكشن رشه اكصدامين نظافه...و عامله 80000 كيلو وهي موجوده بالسويس....و اخرها 88 الف جنيه...هي في معرض واحد صاحبي و بتاعة صاحب استوديو معروف...لو تحب ممكن ابعتلك تليفون صاحب المعرض و تشوف....
جزاك الله كل خيراقتباس:
المشاركة الأصلية كتبت بواسطة ehab1eg
أنا لقيت واحدة في السوق ملاكي سويس هاف سبورت وفيها خبطة في السدر وفي القنطرة ومغيرة نص الشكمان اللي ادام وبيتكلم في ٧٩ يعني تخلص علي ٧٥ بس المشكلة في نفل الملكية والبصمة اللي لازم ادب مشوارين تلاتة بسببهم لللسويس
[QUOTE=Seifmando;3874378079]جزاك الله كل خير
أنا لقيت واحدة في السوق ملاكي سويس هاف سبورت وفيها خبطة في السدر وفي القنطرة ومغيرة نص الشكمان اللي ادام وبيتكلم في ٧٩ يعني تخلص علي ٧٥ بس المشكلة في نفل الملكية والبصمة اللي لازم ادب مشوارين تلاتة بسببهم لللسويس[/QU
ربنا يسهل لك بأذن الله