المالتي فنكشن يارجالة اللوجان

**ahmed_m_ashraf** · 12-06-2012 05:29 PM

تحية لكل الوجانوية الجمال

المالتي فنكشن عندي فيه حاجة مديقاني من ساعت ما إستلمت العربية ومش عارف هل حصلت مع حد غيري ولا لأ, والعربية بقالها معايا شهرين وماشية ٦٢٠ كم ...

زرار خفض الصوت إستجابتة تقيلة مقارنة بزرار تعلية الصوت, يعني مثلا عشان أعلى الصوت درجتين, مجرد تكتين خفاف, لاكن عشان أوطيه لازم أضغط أجمد عشان يستجيب وطبعا ممكن متزبطش معايا ويوطى أكتر من درجة لكل تكة.

كنت هطنش, بس فعلا الموضوع معكر متعة إستخدام المالتي فنكشن, وخصوصا وإنى ناوي أركب باركينج سنسور ويمكن وحدات رفع فقولت أعمل طلعة للتوكيل يشوفلى إيه الحكاية قبل ما اركب الحاجات دي ويتلككوللى بضمان الكهربا.

هل فيه حد حصل معاه الموضوع ده؟ ولو حصل هل التوكيل غير الدراع؟ وهل تعتقدو التوكيل هيرضو يغيرو الدراع ولا هيتلككو إنه شغال ومفيش مشكلة؟؟؟؟؟ هو شغال آه بس مش طبيعي والمقارنة بين إستجابة زرار العالى والواطي واضحة جدا.

ولا أصلا الفك والتركيب مش مستحب؟؟؟؟؟؟؟

أرجو الرد من خبراء وملاك الوجان ولكم جزيل الشكر

**ahmed_m_ashraf** · 13-06-2012 02:20 AM

أفهم من كده إن محدش قابلتو المشكلة دي؟؟؟ طب لو حد مكاني يروح يطلب تغييرها ولا بيتلككو ولا إيه ياجدعان؟

**halem0000** · 13-06-2012 09:24 AM

على فكره أنا عندي نفس المشكله

**sherifboo** · 13-06-2012 10:08 AM

انا مش حاسس بحاجة زي كدة بس هتاكد لحضرتك عندي

**tamer61** · 13-06-2012 05:36 PM

طبعا تقولهم في التوكيل وهما حيعملوه وبالمناسبه مش حيتلككوا ولا حاجه ولو محتاج تغيير حيتغير بدون مشاكل.

**sherifboo** · 14-06-2012 02:54 AM

في اي حاله سواء علو او خفض الصوت نفس التفاعل او بمعنى تاني جربت عندي في العربية و النتيجة نفس الاستجابة. ...ياريت حضرتك تكشف في التوكيل و متستناش العيب يزيد

**ahmed_m_ashraf** · 14-06-2012 03:34 AM

أشكركم جدا لردودكم ياجماعة.
أنا كان راكب معايا واحد صاحبي وقولتلو يجرب ولاحظ نفس الموضوع, الحمد لله مطلعتش محسوك يعني.

إن شاء الله هحاول أروح التوكيل الإسبوع الجاي وهعرفكم وصلت لإيه, بس عشان حاجة زي دي المفروض أتصل أحجز ميعاد ولا أطب عليهم بدري؟؟؟؟ ياريت تفيدوني أصل أخوكم أول مرة يتعامل مع توكيل وضارب لخمة.

**ahmed_m_ashraf** · 14-06-2012 03:38 AM

المشاركة الأصلية كتبت بواسطة halem0000

على فكره أنا عندي نفس المشكله

لو كده يا أستاذ حليم يبقى حاول تروح التوكيل برضه, أنا ناوي أروح سموحة الإسبوع الجاي إن شاء الله. بس مشعارف المفروض أتصل أحجز ميعاد ولا بما إنها مش صيانة كبيرة أطب عليهم ٩ أو ١٠ مثلا من غير حجز.

**georgedada82** · 14-06-2012 05:34 AM

المشاركة الأصلية كتبت بواسطة ahmed_m_ashraf

لو كده يا أستاذ حليم يبقى حاول تروح التوكيل برضه, أنا ناوي أروح سموحة الإسبوع الجاي إن شاء الله. بس مشعارف المفروض أتصل أحجز ميعاد ولا بما إنها مش صيانة كبيرة أطب عليهم ٩ أو ١٠ مثلا من غير حجز.

نصيحة روح العامرية علشان في سموحة ساعات بيتحججوا ان قطع الغيار مش موجودة وكده ... وفعلا العامرية احسن

**3amoo** · 15-06-2012 04:58 PM

طب انا عندي مشكلة لما بضرب فرامل العجلة اليمين بتقفش اكتر من الشمال ولما غيرت التيل مرتين لقيت التيل الشمال مليان واليمين خلاصان روحت التوكيل العبور قابلنب واحد وقالي مفيش حاجة وديه مش مشكلة المشكلة ان اداء الفرامل عاملي رعب في السواقة العربية مش قادر اثق فيها