الموضوع: ازاى اروح المستشفيات دى ؟ا

بالنسبة لمستشفى الصدر بتاعة العمرانية بحكم ان لي اقارب يسكنون هناك ... تركب مترو الانفاق الخط الثاني وتاخد اتجاه المنيب وتنزل محطة ام المصريين وتطلع اتجاه ميكروباصات مستشفى الصدر او تنزل محطة ساقية مكي وتاخد اي حاجه من بره وغالباً توك توك هو شارع تقريبا من المحطة طوالى اخره بنزينة تعاون وترعة الزمر ومستشفى الصدر او لو راكب حاجة الى ميدان الجيزة وتركب ميكروباصات العمرانية وتنزل مستشفى الصدر
اما مستشفى صدر العباسية تركب المترو الخط الاول وتنزل محطة الدمرداش وتطلع اتجاه مستشفى الدمرداش وتاخد كوبري المشاه وانزل أسئل ... وتقبل تحياتي ولعل السؤال خير إن شاء الله

المشاركة الأصلية كتبت بواسطة medicalist

شكرا يا باشا ربنا يخليك على الاجابه
هو ان شاء الله وبدون مقاطعه الشهر الجاى المفروض هستلم شغل فى المستشفى دى او دى فعايز اشوف افضلهم ايه و احسنهم ايه فى الحضور وكده وخصوصا انى من المنصوره
و بارك الله فيك

ربنا يتمم لك بخير إن شاء الله ... هو الافضل من وجهة نظري مستشفى صدر العباسية أخر مرة روحتها في زيارة لمريض من شهور كان في تجديدات فيها وهي اقرب لميدان رمسيس يعني لو جاي بالقطار هتنزل تركب مترو الانفاق الخط الاول اتجاه المرج محطتان فقط او ميكروباص خمس دقائق تقريباً اما لو جاي بالميكروباص او بالباص هتنزل موقف احمد حلمي خطوتان هتكون في ميدان رمسيس او موقف عبود هتركب ميكروباص رمسيس او تركب المترو الاخط الثاني وتغير في رمسيس اما لو كان تعينك في مستشفى صدر العمرانية هتنزل موقف عبود تاخد مترو الانفاق الخط الثاني اتجاه المنيب وتنزل ام المصريين اخد ميكروباص العمرانية او ساقية مكي وتاخد توك توك بس انا مش عجباني مستشفى صدر العمرانية حوليها زحمة ميكروباصات وتكاتك وترعة وهيصة انا الحمد لله مدخلتهاش من قبل بس هي شكلها من الخارج كئيب ومقبض .... وربنا يفقك في الخير ...