ياريت الاعضاء يفيدونا بمقاس ضغط كوتش الالنترا 2012
عرض للطباعة
ياريت الاعضاء يفيدونا بمقاس ضغط كوتش الالنترا 2012
32 ده العادي من غير حموله
35-34 حموله قصوي
و استني لما الملاك يأكدوا الكلام ده
انا كنت اتكلمت معاهم و سألتهم بس مش فاكر الصراحه !
[QUOTE=Kareem.ElAraby;3874370599]32 ده العادي من غير حموله
35-34 حموله قصوي
+1111111111111111111111111111
32 للحمولة العادية للاطارات كلها (امامي و خلفي)
34 للحمولة الزائدة أكثر من عدد 2 أفراد للاطارات جميعها (امامي و خلفي)
و الكلام ده صيف أو شتاء
تقدر تتأكد من الجدول الموجود علي القائم الشمال ستجده لما تفتح الباب بتاعك شمال الكرسي مباشرة علي القائم
الجدول فيه النسب دي مقارنة بمقاسات الكاوتش كمان
و ياريت تبعت لي رقم تليفونك أو تكلمني علشان أظبط معاك أبعت لك برنامج الجي بي أس أزاي
بخصوص ال32 بدون حموله
واحد قالى انها شافها فى الكاتلوج
الحقيقة دورت بدون اهتمام معرفتش اوصل للمعلومه
ولما قولتها لى بتاع الكاوتش قالى الكاوتش ضغطة فى الصيف بيزيد نتيجة الحرارة
واحنا غير الدول دى لان الجو عندنا حر عنهم ومرديش يرفع عن 30
يا ريت رايكم فى الكلام دة صح ولا غلط
عربيه حضرتك ايه ؟
شوف حضرتك في الهيونداي بيبقي مكتوب علي الباب عند السواق حته حديده كده محفور أو عليها استيكر بمقاس الكاوتش و حموله العربيه (سواق بس ولا حموله كامله ولا نص حموله) و قصاد كل مقاس و حاله الوزن بتاع العربيه الضغط بتاع الكاوتش
فيه عربيات بيبقي مكتوب علي غطا تنك البنزين من جوه (SKODA FELICIA) و دور في الكتالوج بتاعها و شوف ضغط الكاوتش و اعمل زيه بالضبط و يفضل لو نيتروجين
و ممكن تسأل في قسم أوبل و طناني خبير هناك في الاوبل و أكيد فيه ناس عارفه و عربياتهم نفس موديلك
و مش قصدي حاجه والله, أهلا وسهلا بيك في أي موضوع في الهيونداي أو المنتدي بس مش بأحب أفتي الصراحه و أتوهك
هو موديل j ده أخر شكل الجديد خالص ولا اللي قبليه اللي كان فيه منه gtc ?
هأدور علي النت و لو لاقيت حاجه هأقولك
أخبط ديه
http://www.vauxhallproductforum.co.uk/articles/2258.pdf
صفحه 217-219
بس ديه علي حسب الموتور كمان
شوف موتورك ايه بقي و شوف
لو 1.4 أو ال 1.6
غالبا 33 -32 ورا و ودام بس بردو اتأكد من موتورك و علي العموم جرب ديه و ديه, ده فرق درجه هو بيفرق في الفرامل الدرجه ديه الصراحه و شوف انهي أفضلك
بس يفضل نيتروجين في كلا الحالتين
أخيراً أفتكرت النهاردة أبص جنب الباب و لاقيت فعلاً المقاسات بس مفهمتش حاجة lol
http://img88.imageshack.us/img88/4827/20120626237.jpg
كلمه cold tyres ديه انا شاكك فيها الصراحه !
و المفترض طبقا للوحه ديه تاخد الرقم بال :kpascal و تقسمه علي 100 تجيبه بالبار !
و يبقي هو ده الضغط بس انا حاسسس انه قليل شويه بالذات في الحاله العاديه !
جرب و شوف بس اسأل حد في التوكيل لعل و عسي يكون في حد بيفهم هناك !
السلام عليكم و صباح الخير
بأعتذر لحضرتك بدل المره مليون بس حصل لبس في وحدات قياس ضغط الكاوتش !
الضغط بيتقاس بال psi
و الضغط مكتوب بال kpascal
220 = 32 , و ده في الحاله العاديه و العربيه فيها 3 أفراد
270= 39 , و ده في حاله نظام القياده الاقتصاديه و العربيه بحموله 3 أفراد
و في حاله الحموله القصوي (سفر,رحله, شنط ) "أخر واحده تحت"
ضغط الكاوتش الامامي 230 = 33
ضغط الخلفي الخلفي 270 = 39
بأعتذر لحضرتك للمره مليون و واحد
ألف شكر ليك لمتابعتك و مش محتاج تعتذر على حاجة..
أنا معظم الأوقات بركب العربية لوحدي و أخر مرة زودت عجل عملهولي على 28, فلما شفت اللي مكتوب على العربية و حسبتها أستغربت أوي من 39 دي.
فمش عارف كده 32 وللا 39 و للا 28 زي ما الراجل عملهالي.
هو عندي الكاوتش 215/50/r17 و مالي نيتروجين..
لا ما تستغربشي ولا حاجه
دول الالمان و هم اللي عاملين العربيه مش هنشيبهم و نروح للصنايعيه اللي بيفتوا !
انا الالنترا بأظبطها 32 و الناس بتستغرب و لما بأقرص شويه في الفرامل و أحس بصره أو شبه صرخه في لفرامل بأعرف ان الضغط عاو يضبط و في الغالب بألاقيه ساعته 31 !
" أيوا فرق 1 psi بس انا محسوك شويه "
و في الحموله ما بين 34-35 !
أضبط حضرتك علي 32 نيتروجين هي ممكن تحس بدبدبه علي خفيف بس الفرامل هتفرق معاك
-هو حضرتك عامله هوا ولا نيتروجين ؟!
(حضرتك قايل انه نيتروجين في مشاركه قبل كده)
-النيتروجين مش بيفرق معاه حراره نهائي بتاتاااااا (حلوه بتاتا ديه)
والصنايعي ده بطيخه خالص بقي
-هو حضرتك ساكن فين و معاك الاستيكر بتاع المنتدي ولا لا و الاهم حضرتك مليت الكاوتش نيتروجين فين و انهي مكان
- ايه نظام الفرامل معاك و الدنيا ظبطت ولا عادي مش حاسس بفرق
- يفضل تنقي مكان نضيف محترم بعد كده (يفضل بريدج ستون عمارات العبور) تبقي تهوي الكاوتش و تملاه نيتروجين لاجل الامانه انا شاكك في حاجتين يا اما الراجل اللي حط نيترو المقياس عنده كان بايظ يا اما الراجل مش حاططلك نيترو و كروت الدنيا عشان فرق الضغط ده بين الفرد بس بلاش نفتح فتحه علي نفسنا دلوقتي و مصاريف