زعلان

**john55** · 13-06-2012 11:21 AM

المشاركة الأصلية كتبت بواسطة hosam_optrawy

ندم عشان ايه , عشان فيها abs و airbags ولا سبب تانى ؟

علشان اولا فيها عناصر الامان عربيه ياباني انا بصراحه كان نفسي اجيب صني بس الشكل القديم مكنتش مستريحله لكن لما شفت الشكل الجديد كان نفسي اجبها

**ahmedeihab** · 13-06-2012 12:00 PM

المشاركة الأصلية كتبت بواسطة ahmazong

اوعى تندم على حاجة ابدا ..

ده حاجة ربنا كاتبها من قبل ما يبقي لينا وجود ..

ما كنش حد عارف ممكن يحصلك ايه في الصني
الجديدة .. لا قدر الله يعني

قول الحمد لله ..

+111111111

الراجل ده بيقول كلام زى الفل حبيبى يا زووووونج

^_^

**Hosam_Optrawy** · 13-06-2012 03:16 PM

المشاركة الأصلية كتبت بواسطة john55

علشان اولا فيها عناصر الامان عربيه ياباني انا بصراحه كان نفسي اجيب صني بس الشكل القديم مكنتش مستريحله لكن لما شفت الشكل الجديد كان نفسي اجبها

زى ما الساده الاعضاء قالت دا نصيبك وان شاء الله تكون اخترت اللى فيه الخير ليك , وبلاش الاحساس بالندم وتعايش مع العربيه عشان ماتقفلش منها نفسيا , وعربيتك حلوه واعتقد انك جبتها عن اقتناع

ولو قفلت معاك اوى انت عربيتك دلوقتى جديده ب 104 يعنى لو اللى معاك كسر زيرو مامشيتش كتير وحالتها جديده ممكن تبيعها ب 95 وتكمل خمسه وتجيب الصنى بس انا مستحرم تخسر الفلوس بصراحه

**S O P H O S** · 13-06-2012 05:44 PM

الحمد الله علي كل شئ
خير ان شاء الله

**mahmoud_afifi** · 13-06-2012 05:45 PM

المشاركة الأصلية كتبت بواسطة farfora20082008

يا اخي انت اكيد قبل ما تشتري عربيتك صليت استخاره وحتي لو انت اشتريت من هنا وبعدها بيوم لاقيت بي ام بقت ب 100 الف :) برضه اعرف ان ربنا هيرضيك طالما انت راضي . واوعي تندم علي شيء ابدا صح او غلط حصل طالما انت استشرت ربنا قبله . وحتي لو لاء . قول الحمد لله وبص للي ماشي جنبك في الطريق وراكب 124 او توكتوك :) ومحدش عارف لو حتي كنت استنيت الصني 2013 واشتريتها كان ممكن ينزل بعدها عربيه برضه تحسسك بالندم . الموضوع احساس بالقبول والرضي وحب عربيتك تحبك علي كره وده بجد

والله كلام زي الفل بس خلي بالك من اسم صاحب الموضوع :))

بالمناسبه انا برضه كان نفسي في صني بس شكلها الوحش من جوه خلاني اصرف نظر.
المهم بقى ان بعد ما انا اشتريت عربيتي بشهرين ولا حاجه لقيت الفيات بونتو ايفو نزلت وكانت ارخص من عربيتي بكتير كمان وشكل احلى وحاجات كتير. ندمت برضه لغاية لما الحمدلله لقيت ان في غيري مش لاقي عربيه :)