مش عارف بعد ماشفت نيسان صني2012 وامكانيتها حسيت بلندم و اني اتسرعت في شراء اكسنت ار بي مش عارف عندي حق و لا حد عنده راي غير كده علما بان عربيتي اوتو اول فئه
عرض للطباعة
مش عارف بعد ماشفت نيسان صني2012 وامكانيتها حسيت بلندم و اني اتسرعت في شراء اكسنت ار بي مش عارف عندي حق و لا حد عنده راي غير كده علما بان عربيتي اوتو اول فئه
ندم عشان ايه , عشان فيها ABS و AirBags ولا سبب تانى ؟
ياااا باشااا ولا ندم ولا حاجة مش للدرجة يعنى اينعم توكيل نيسان محترم بس مش تنسى ان عربيتك تقفيل كورى و نيسان تقفيل مصرى بفرق كل الكالميات و السعر مش عايزين نحكم على حاجة لسة ما مشيتشى فى الشارع يعنى اتركها لحد ما تعرف عيوبها و مميزاتها و اديك معاك عربيتك لحد ما الستار ينزاح من عليها و الاهم انك ترضى بالنصيب
اوعى تندم على حاجة ابدا ..
ده حاجة ربنا كاتبها من قبل ما يبقي لينا وجود ..
ما كنش حد عارف ممكن يحصلك ايه في الصني
الجديدة .. لا قدر الله يعني
قول الحمد لله ..
تحياتي للعضو صاحب الموضوع و لجميع الاعضاء .
بص ....ربنا دايما بيوفق الانسان للشيء اللي فيه خير ....و دايما بيبعد عن الانسان الشيء اللي فيه ضرر ...بس الانسان مبيشوفش ده .....لازم تثق في كده .
و عربيتك ماركه محترمه و النيسان ماركه محترمه .....و عاوز اقولك علي حاجه نصيحه ...اوعي تندم انك مركبتش أي عربيه تقفيل مصري .
يا اخي انت اكيد قبل ما تشتري عربيتك صليت استخاره وحتي لو انت اشتريت من هنا وبعدها بيوم لاقيت بي ام بقت ب 100 الف :) برضه اعرف ان ربنا هيرضيك طالما انت راضي . واوعي تندم علي شيء ابدا صح او غلط حصل طالما انت استشرت ربنا قبله . وحتي لو لاء . قول الحمد لله وبص للي ماشي جنبك في الطريق وراكب 124 او توكتوك :) ومحدش عارف لو حتي كنت استنيت الصني 2013 واشتريتها كان ممكن ينزل بعدها عربيه برضه تحسسك بالندم . الموضوع احساس بالقبول والرضي وحب عربيتك تحبك علي كره وده بجد
مبروك عليك عربيتك ربنا يديك خيرها ويكفيك شرها
لازم تحبها علشان تحبك ومتقصرش معاك حتي لو ادلعت عليك وعملت معاك حركات نقص هتعديلها وتكبر دماغك
ربنا يبارك لحضرتك في عربيتك
كل واحد بياخد نصيبه يعنى انا كان نفسى اجيب عربيتى بفتحة سقف ولكن النصيب قدر أنى أشتريها من غير فتحة سقف ومع ذلك بحمد ربنا قوى مع ان مش دى العربية اللى كانت فى بالى يعنى قبل كدا كان يا بفتحة يا بلاش دلوقتى الحمد لله على كل حال
زى ما الساده الاعضاء قالت دا نصيبك وان شاء الله تكون اخترت اللى فيه الخير ليك , وبلاش الاحساس بالندم وتعايش مع العربيه عشان ماتقفلش منها نفسيا , وعربيتك حلوه واعتقد انك جبتها عن اقتناع
ولو قفلت معاك اوى انت عربيتك دلوقتى جديده ب 104 يعنى لو اللى معاك كسر زيرو مامشيتش كتير وحالتها جديده ممكن تبيعها ب 95 وتكمل خمسه وتجيب الصنى بس انا مستحرم تخسر الفلوس بصراحه
واحد ندمان على العربيه وناس تانيه بتحسده عليها--
حكمتك يارب
الحمد الله علي كل شئ
خير ان شاء الله
والله كلام زي الفل بس خلي بالك من اسم صاحب الموضوع :))
بالمناسبه انا برضه كان نفسي في صني بس شكلها الوحش من جوه خلاني اصرف نظر.
المهم بقى ان بعد ما انا اشتريت عربيتي بشهرين ولا حاجه لقيت الفيات بونتو ايفو نزلت وكانت ارخص من عربيتي بكتير كمان وشكل احلى وحاجات كتير. ندمت برضه لغاية لما الحمدلله لقيت ان في غيري مش لاقي عربيه :)
كبر دماغك
لالالالالالالالالالالالا طبعا الاكسنت الار بي عربية جميلة جدا يكفي انها تقفيل كوري التقفيل المصري مفيش اسواء منه و عن تجربة
ربنا يبارك ليك في عربيتك . استمتع بيها و أحمد ربنا عليها