الموضوع: تجربتي مع الاسترا واستفسار

مساء الخير يا أحلى أوبلاية
بصراحة بقالي فترة مش طايق أسمع سيرة الأوبل خلاص. أنا معايا أوبل استرا موديل 2000 1200 سي سي بقالها شهرين السحب رايح خالص مع اني مغير اسطوانة وديسك وبلية عاملين حوالي 1700 جنيه المهم بعد فترة من الاحباط قلت لازم اعرف عربيتي فيها ايه رحت توكيل منصور من غير كشف كمبيوتر قالي العربية متلتة وعايزة بوبينة وبوجيهات بكام يا عم الحاج قالي حوالي 1600 جنيه قلتله سلاموا عليكم رحت غيرتهم بره البوبينة عملت حوالي 750 ماركة بوش والبوجيهات جي ام عملت 110 وجبت بالمرة فلتر هوا وفلتر بنزين وروحت عند الميكانيكي ركبتهم العربية بعد كده فاقت شوية والنتشة راحت بين الغيار والسحب بقى افضل بكتير روحت جايب كمان منظف رشاشات ومع التفويلة حطيته وروحت انهاردة التوكيل اللي في الصحراوي كشف عليها قالي العربية مفيهاش حاجة خالص بس دخلها على الجهاز قالي حساس الهوا وحش ومسجل خطا قلتله انا لسة مغيره من سنة واحدة بس وكمان حساس الهوا بيخنق العربية عند سرعة 100 تقريبا واللمبة تنور بعدها انما انا مفيش حاجة من ده بتحصل المهم قلت طالما انا في الصحراوي اشوف العربية حتشد لحد كام روحت معدي بوابة الرسوم في اتجاه القاهرة (على فكرة انا اسكندراني) وهات يا سلكان العربية جابت 160 لاول مرة منذ فترة بس في ملاحظة ان في خبط قدام بعد سرعة 130 تقريبا مع رعشة في الدركسيون انا كنت لسة مرصص ومغير دراعات اسكترا وميزانين فقلت تقريبا ده المساعدين. عايز بقى راي الخبراء في الكلام ده الخبط ده مساعدين ولا حاجة تانية اعتقد مش مشكلة موتور ده مشكلة عفشة ربنا يكرمكم

خبط جاي من العفشة اللي قدام بس مش من الموتور