الموضوع: ملاحظات تأخذ فى الاعتبار وانته بتركن عربيتك

انا عامل الموضوع ده من اجل نصيحه الاعضاء لتفادى ما يمكن حدوثه
1 - عدم ركن العربيه تحت اى مبنى تحت الانشاء (مره واحد قريبى معاه كورولا 2007 وركنها تحت مبنى لسه بيتبنى فخشب السقالات وفع عليه دمرله السقف و مره سور من الطوب الاحمر كان العمال بيهزرو ولسه منشفش فوقع ودمر تويوتا ياريس)

2-لما تركن عربيتك تحت عماره شوف منظر البلكونات شكلها ايه قديم مثلا فيه تشققات لان حصل مع واحد اعرفه ان بلكونه وقعت على عربيته وطبعا العربيه اتدمرت

3- فيه ناس بتحب تحط احواض زرع على السور بتاع البلكونه او قصدى الحاجات الفخار اللى بيتحط فيها الزرع وحصل معايا موقف ان اختى كانت بتركن وانا معاها فوريتها مكان قالتلى لا استحاله وشاورتلى على الزرع اللى فى البكونه طبعا كاعدت المصريين اتريقت عليها فى الاول بصيت لاقيت تانى يوم الزرعه واقع فى الشارع فى المكان اللى انا شاورتلها عليه


طبعا انا متأكد ان فيه اشخاص حيختلفو معايا ويقولو احنا مش حنقى الركنه وخليها على الله بس برضه الواحد يعمل اللى عليه عشان منرجعش نندم

اما معاك في النقطة الاولى و دي بطبقها فعلاً لكن النقطة التانية و الثالثة دي بتبقى احتمالات ضئيلة و في ظل عم وجود ركنات اساساً يبقى صعب تطبيقها ,
و زي ما قال أحمد متركنش في مكان جانب ميناتل ,
مش بس كده كمان أي مكان العربية ممكن تستخدم كمكان انتظار أو استراحة زي مثلاً بجوار محطة اوتوبيس أو موقف ميكروباص أو بجوار مطعم أو مكان دراسي زي مدرسة أو معهد , أو أي مكان فيه تجمعات لأن الكبوت و الشنطة هما اللي بيدفعوا التمن .