تجربه مع بوجيهات بلاتينيوم ngk اكسنت 1500
من سنه لقيت العربيه مش يتسحب خاااااالص غيرت طقم بوجيهات و ركبت ngk العاديه و الميكانيكى اللى ركب مظبطهاش بالفيلر المهم لقيت العربيه بتاكل بنزين جامد بعد 6 شهور و العربيه معملتش اكتر من 3000 كيلو روحتله و قالى البنزين مغشوش و روحتله تانى قالى دى البوجيهات غيرهالى المهم ظبطت اول كام يوم و رجعت نفس الحوار و محدش يستغرب لما اقول العربيه كانت بتعمل 95 كيلو او 100 بالعافيه من غير تكييف طبعا حرااااااااااااااام جدا المهم بعد فتره لقيت بليه الدبرياج بتعمل صوت روحتله و هو انا بتعامل معاه من سنين كان اكتر من كلمه امين بس الدنيا بتغير الناس و الفلوس بتعمى النفوس قالى لازم نغير الطقم كله ازاى يا عم العربيه بتسحب قالى هتفتح بعد فتره المهم قولتله ماشى و مكنتش مدى خوانه ركبلى طقم و حاسبنى عليه ب 750 جنيه بالتركيب انا حسيت انه كتير اوى و خصوصا ان ((( محل قطع الغيار بتاعه ))) بس قولت المهم اخد شغل نظيف يوم و التانى و العربيه بتقطع لما اجى اطلع عالاول روحتله قالى البنزين مغشوش ب 80 و بيخليها تعمل كده بالصدفه واحد صاحبى عربيته عطلت روحت جيبتله الميكانيكى بتاعه هو و رايحله الراجل شاف التقطيعه قالى يا بيه الاسطوانه دى بايظه خااااالص انت ازاى ماشى بيها كده قولت فى سرى انت عايز تعمل عليا شغل المهم قولتله ازاااااى دى لسه متغيره و جديده قالى يمكن نوع مش كويس قولتله لا دى فاليو كورى ومن عند واحد امين قالى مفيش كده ممكن متركبه غلط او مضروبه روح قول للميكانيكى بتاعك الاسطوانه بايظه المهم روحتله و اعترف فعلا ان الاسطوانه بايظه و هو بيغيرها و مش واخد بالع لما طلعها من العربيه طلعت لا فاليو ولا كورى طلعت مكتوب عليها walter meier ,,, made in italy طبعا انا شوفت كده و اتجننت ده انت محاسبنى عليها على انها فاليو كورى من هنا ل هنا عرفت انه بنى ادم معندوش ضمير لا و ايه كان عايز منى 140 جنيه كمان شوفتوا بجاحه اكتر من كده و لما قولتوا لا قالى اللى اتركبت فاليو المانى و انا شايفها و هى بتتركب فاليو كورى قولتوا مش عيب هو فى فاليو المانى ؟؟ انت شافنى هندى قدامك المهم عرفت ان هو دخل فى سكه قطع الغيار المضروبه و دى بقت منتشره بطريقه فظيعه اوى عشان مكاسبها كبيره اوووووى ,,,, و يشيل البوجيهات من عربيه يركبها لعربيه تانيه بعد ما ينظفها و حاجه اخر قرف انا كنت مذهول و انا بشوف الكلام ده و ساعتها اتاكدت ان البوجيهات اللى عندى مضروبه و عشان كده بتاكل بنزين وقريت ان في بوجيهات بلاتينيوم مكدبتش خبر جبهتا من المعادى من شركه التوفيق و ركبتها عند ميكانيكى تانى فى صقر و قالى لازم تتظبط و انا سمعت انها مش بتتظبط بالفيلر كلمت مهندس اعرفه فى مركز صيانه معتمد من غبور قالى الاكسنت لازم تتظبط عليها سواء بلاتينيوم او عاديه عشان 1500 مش 1600 و مكتوب فى كاتلوجها انها بتتظبط على 1.0 او 1.1 فقولتلوا بس دى شرارتها منتظمه مش عشوائيه زى العاديه قالى ماشى ما هى طالما بتدى شراره لازم تبقى زى الكتالوج المهم ظبطتها و ركبتها هى سحبها حلو و احسن من التانيه فعلا بس لما بشغل التكييف السحب بيقل و ده معروف فى الكورى كله اما البنزين فا لسه بجربه عشان مقولش حاجه مش صح او لسه متجربتش بس حاسس ان فى تحسن بس مش عارف مين الصح ناس تقولى مش بتتظبط و ناس تقولى بتتظبط و فى مواضيع بقول ان اللى مش بيتظبط البوش الاربعه شمعه