الناس الي اتجوزن .. احكلنا بدات تكون نفسك و حياتك ازاي ؟!

**yoko** · 13-06-2012 07:00 PM

واضح إن الحالة عامة أنازيك على فكره
بس الحمد لله الشقة موجوده (على الطوب الأحمر والمفروض هشطب أنا بس المشكلة إن مساحتها كبيره بغباء على واحد لسه هيبتدي)

**amr.elsayed** · 13-06-2012 07:21 PM

كل ما حتحسبها كل ما حتتعقد
كل ما تسيبها على ربنا وتعمل اللى عليك حتلاقيها بتسلك وانت مش عارف ازاى

**yoko** · 13-06-2012 07:36 PM

المشاركة الأصلية كتبت بواسطة AhMeD EzZ

مهو انا بتكلم في النقطة دي تحديداً

الشقة موجودة و الحمد لله ربنا يخليلنا اهاليتا

بس المشكلة انك يبقي مطلوب منك تجهزها بمبلغ و قدرة و تفرشها بمبلغ و قدرة

غير الشبكة و الفرح كل دة المفروض في خلال سنتين تلاتة بالكتير

ازاااااااي بقي ؟!

و المشكلة كمان ان اهالي البنات مش مقدرين برضة

يعتي نادر لما تلاقي بيت الماديات اهم حاجة عندة

دة طبعا ان قدرت تخلص من معضلة البنت المناسبة نفسها اصلاً

والله ما عارف أقول إيه ويا ريت الشقة صغيره 70 متر ولا حاجة تبقى مصاريفها ملمومة

أما البنت والكلام ده نصيب

**rompo10** · 13-06-2012 07:47 PM

انا كل اللي عملته اني اخدت الماجستير ودلوقتي مسجل الدكتوراه وعندي مكتب محاماه وتقدمت لوظيفه وانا معايا الماجستير ومسجل الدكتوراه كمان واترفضت واللي دخل مكاني ليسانس بالنسبه للشقه ابويا اشترهالي ربنا يخليه وخاطب ومش عارف اخلع

**Screenplays** · 13-06-2012 08:00 PM

وهوب والحاجة قالتلى لازم تخطب واديني عندى 25 سنة وقريت فاتحة والشقة موجودة الحمدلله بس ناقص برده التوضيب

الحاجه قلتلك لازم تخطب فقومت قريت فاتحه ؟ طيب

وخاطب ومش عارف اخلع

هههههههههههههههههههههههه انت لسه مش عارف تخلع ؟ ما انا قولتلك قولها ان عندك الايدز و انت هتخلع مستريح هههههههههههههههههههههه

**rompo10** · 13-06-2012 08:03 PM

والله ياسكرين نفسي المشكله انها قربتي وكده الناس كلها هاتقع في بعضها

**Screenplays** · 13-06-2012 08:27 PM

بص انا رأيي تقطع عرق و تسيح دم و وجع دماغ ساعه و لا وجع دماغ كل ساعه

يعني مينفعش تكمل في الخطوبه دي و انت مش مبسوط و تفضل عايش تعيس طول عمرك لمجرد خوفك من ان الناس تقع في بعض عشان قرايب