ربنا يكون في عونك ويصبرك و يعوضك خير ان شاء الله
يعني هو للأسف لو معندكش أهل يظبطوك فيستحسن تأجل فكرة الجواز دي لأجل غير مسمى.
قال الله عز وجل :
" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون "
وقال سبحانه :
" لا تحسبوه شرا لكم بل هو خير لكم "
...
يقول الإمام ابن القيم - رحمه الله - :
في هذه الآية عدة حكم وأسرار ومصالح للعبد ، فإن العبد إذا علم أن المكروه قد يأتي بالمحبوب ، والمحبوب قد يأتي بالمكروه ، لم يأمن أن توافيه المضرة من جانب المسرة ، ولم ييأس أن تأتيه المسرة من جانب المضرة لعدم علمه بالعواقب ، فإن الله يعلم منها ما لا يعلمه العبد .
فى حلول كتير على حسب ظروف كل واحد
فى ناس بتستخدم القسط وبيتجوز وانا واحد من الناس الصراحة بكره حاجة اسمها قسط لكن فى غيرى بيبقى عنده القدرة على كدة وبيتجوز
اه بيتعب شوية فى الاول وبعد كدة بيستريح وبتبدأ حالته المادية تستقر وفى ناس كتير بتستخدم الطريقة دى
.........
وفى بنات ولاد حلال تقولك .. نشترى الضروريات فى الشقة ونفرش باقى الشقة واحدة واحدة
يعنى مش لازم يبقى الفرش هاى ستايل من اولها ومش لازم تفرش البيت كله مرة واحدة لا ابدأ على قدك
وطور البيت واحدة واحدة
..........
ممكن تبيع الشقة الكبيرة وتشترى شقة اصغر شوية حيتوفرلك مبلغ محترم تفرش بيه الشقة او تشطب بيه
او تشترى اجهزة ... الخ مش لازم تبدأ فى ملعب .. ابدأ على قدك وكبر بعد كدة لما ربنا يفرجها
........
لكن حتفضلوا تضربوا اخماس فى اسداس وتفكر فى المستقبل عمرها ما حتمشى ولا حتطول حاضر ولا مستقبل
و اهم حاجة انك تشوف الامكانيات اللى فى متناول ايدك وتستغلها افضل استغلال