وقفة مصرية ....!!!

**mohamed hatem** · 18-06-2008 11:31 PM

وقفة مصرية ....
ده العنوان الجديد اللي انتم بتلاحظوه في مناطق كتير في القاهرة .....الدعايه الجديده اللي بيستخبى وراها حجات كتير الله اعلم بيها ....
هل احنا فعلا محتاجين وقفة ........ولو محتاجين تبقى مع مين ولمصلحة مين .....

و المعروف دايما ان الوقفة مفروض بتبقى قبل العيد.....يعني لو وقفنا ومجاش عيد .... يبقى عيد اكيد حلقلنا وقلبنا وسبنا ملطوعين...!!!

وهل لما نقف كلنا هنرجع نلاقي كراسي نقعد عليها ...ولا عايزنا نقف عشان تتسحب الكراسي ونقع و تقطم راقبينا ...؟؟؟؟؟؟

ليه مقلوش وقفة مصرية ...(نقف كلنا ...عشان نطلع السرقة مننا )

ليه مقلوش وقفة مصرية ...(نحب بعضنا ..ونشيل الاحتكار من دمنا)

ليه مقلوش وقفة مصرية ...(نساعد بعضنا ...ونرمي الواسطة ورا ظهرنا )

وليه وليه وليه ......بس طبعا حتى الوقفة لما اتعملت اتعملت لناس معينه وناس تانية هيا اللي هتقعد بقى ...... اصلهم مبيقدروش يقفوا ...يا حرام

.ياريت يعرفوا ان اللي بيرزق هو الله ....وكل مولود ربنا كتبله رقه ورزق ابوه ...بس المهم ان محدش يحط عينه على رزق ابوه ...

وعجبي ..

**mostafabakry** · 18-06-2008 11:37 PM

حجة البليد مسح السبورة

يا باشا هما لما فشلوا في كل حاجة و ما عرفوش يغيروا الوضع السئ اللي احنا فيه علقوا خيبتهم علي شماعة الكثافة السكانية و التهامها لكل موارد البلد
و الله البلد دي فيها خير يكفي قارة افريقيا بحالها بس تقول ايه الكروش مش عايزة تتملي ابدا و السرقة و النهب ماليين البلد
ربنا موجود

**Nistelrooy** · 18-06-2008 11:40 PM

مستحيل وابعد منة كمان ان ده يحصل في مصر
ده يحصل حاجة في البلد لو مفهاس الفساد ده ؟

**Engesso** · 19-06-2008 12:25 AM

اللي يغيظك بقى، الاعلان اللي في التليفزيون، يقول لك ايه:
دعمنا.....بس المحتاجين اكتر
زرعنا.....بس ال مش عارف ايه اكتر
بنينا.....
الخ...
تكتشف ان احنا ماعندناش اي حاجة مكفية!!!
يقوم بقى ما mostafabakry قال، علقوا خيبتهم على شماعة الزيادة السكانية، يعني الشعب في البلد دي هو اللي بيعمل كل حاجة وحشة، يبقى لازم الشعب الوحش ده يتعاقب، ازااااي؟؟
زود عليه الاسعار، زود عليه الضرايب، اممممم لسة برضو ما اتهدش؟؟
طيب اديها مية ملوثة زمبيدات مسرطنة لجل ما يموتوا ويريحونا، ييه... انتو ها تدوخونا
طيب اديها شوية اعتقالات، اهانة، قلة قيمة...الخ
واحنا وراكم والزمن طويل، ويا احنا يا انتو في البلد دي
والكلام كتييييييييييييييييير في الموضوع ده بحيث انه من الصعب ان يكتب...
لنا الله وحسبنا الله ونعم الوكيل...

**mohamed hatem** · 20-06-2008 12:05 AM

اه والله ...حسبنا الله ونعم الوكيل فعلا

**Islam_galal** · 20-06-2008 04:52 AM

حسبنا الله و نعم الوكيل

**aif** · 20-06-2008 02:12 PM

والله ربنا ح يحاسبهم عن اهدار الاموال بهذا الشكل
كل ده عشان كلمة قالها الريس في خطابه .....
وتاني يوم كان اعلان علي صفحات كامله في الجرايد وملايين اللفتات اللي في الشوارع دي
ناقص يقولونا اقتلو اولادكم عشان بياكلو اكلكم
لا حول ولا قوة إلا بالله