عرض للطباعة
بفضل الله اشتريت عربية جراند شيروكي اس ار تي 8
ماشاء الله العربية سوبر بكل ما تحملة الكلمة من معني
عيبها الوحيد مصرافيها في البنزين و قطع الغيار و مع ذلك عجابني جدا وبفكر انزل بيها مصر ان شاء الله
انا شاريها في قطر و كنت عاوز اعرف لو هنزلها مصر هدفع عليها كام
مع العلم
السيارة موديل 2006
المكنة 8 سلندر 6100 سي سي
ولو فية اي اقتراحات الشباب ممكن يساعدونا بيها
ألف مبروك
تقصد ايه بتنزلها مصر؟؟
أجازة أم نهائي؟؟
نزول نهائي طبعا مينفعش عشان لازم تكون موديل السنة، أو انت تكون أول مالك ليها في قطر.
خلينا نتكلم في اجازة الأول
العربية دي بسم الله ماشاء الله عليها
وحش الوحوش
الف مبروك وربنا يباركلك فيها
ياترى حضرتك جبتها بكام هناك؟
ومستنيين تقرير عن الثبات والتسارع
لو اجازه هتاخد تصريح .. و هيكون حاجات بسيطه كنت باخد التصريح السنوي للجمرك بحوالي 3000 ج ..لكن لو فك حظر جمركي .. منصحكش .. هتدفع تمنها في مصر زيرو ,, ده بخلاف تمنها اللي انت دفعته في قطر
الف شكر يا شيكو غالبا انا منتظر الامور تهدي بعد النتخابات و بعدها هنزل وغالبا هيبقي بعد العيد ان شاء الله
المهندس فليكس الف شكر يا جميل و ان شاء الله هحاول اصور العربية وانشر تقرير كامل حيث اني علي حد علمي العربية دي ما بتنزلش مصر و لكن يكون ليا الشرف اني اكون اول تقرير لهذا النوع في المنتدي ان شاء الله هحضر و في خلال كام يوم هكون ناشر التقرير عنها بأذن الله
الاجراءات كالتالي:
1- تعمل دفتر تربتك في أي نادي سيارات أو مكتب سياحة في قطر( تكلفته في السعودية من 350-400 ريال)
2- حتدفع في مصر التالي:
- 500 جنيه تأمين
-500 رسوم دخول سيارة
-70 جنيه رسوم مفرقعات
-85 جنيه ضريبة
-حوالي 70-100 جنيه رسوم اخرى من تصوير أوراق ورسوم لوحات وخلافه.
لو انت نازل عن طريق السعودية والعبارة من ضبا الى سفاجا حتدفع كل اللي فوق بالاضافة للاتي:
- تذكرة عبارة للجيب حوالي 950 ريال ذهاب و زيهم عودة
- تذكرة الفرد حوالي 300-350 ريال وزيهم وانت راجع
-رسوم شحن وتفريغ 200 -250 ريال وزيهم وانت راجع
-لو مخلص في المينا حيخلصلك الورق حيبقا انت وشطارتك معاه في الاتفاق بس اعمل حسابك تسمع ارقام 600 - 700 جنيه ويفضل تتفق معاه قبل ما يبدأ
بس كده وجع دماغ على الفاضي أنا شايف ان التكلفه عاليه ده غير تعب السواقه هضيع يومين من الاجازه في السفر الافضل أنك تنزل طيران وأجر عربيه في مصراقتباس:
المشاركة الأصلية كتبت بواسطة m_elkhishin
الافضل ماتنزلش مصر من اصله
السلام عليكم , شكرا جزيلا على الافادهاقتباس:
المشاركة الأصلية كتبت بواسطة m_elkhishin
بس عندى استفسار بعد اذنك , هو دفتر الترتبتك ده لازم يتعمل من قطر ولا مش شرط ؟
لان اللى حصل كالتالى :
ليا واحد صاحبى كان ناوى ينزل بالعربيه مصر من قطر برضه اوال مره ينزل , ولما قريت المشاركه بتاعت حضرتك قولتله على الخطوات عشان يبقى عامل حسابه
اتصل بنادى السيارات فى الدوحه والرد ان القوانين اتغيرت وعشان يطلع الدفتر لازم يمضى شيك ب 150 الف ريال !!!! ومش بس كدا لازم واحد قطرى يضمنه
طبعا الكلام دا مش هاينفع
ايه الحل ؟!!
للاسف الموضوع ده مختلف من دولة لاخرىاقتباس:
المشاركة الأصلية كتبت بواسطة hosam_optrawy
يعني هنا في السعودية لحد السنة اللي فاتت كان عادي جدا تروح أي مكتب سياحة تعمل التربتك ب 350 ريال بدون كفيل أو ضمان مالي، بس معرفش حاليا الوضع اتغير ولا لأ.
لكن الكويت مثلا أعرف انه من زمان بيطلبوا كفيل (ضامن) عشان يطلعلك دفتر التربتك.
الفكرة في موضوع الكفيل ليس الاضطرابات في مصر، الفكرة ان نادي السيارات اللي أصدر التربتيك هو المسئول أمام الحكومة المصرية على اخراج السيارة خارج البلاد قبل انقضاء تصريح الدخول، ولو السيارة اتخلفت الحكومة بتطالبهم هما يدفعوا الجمارك.
فى قطر برضه لحد وقت قريب كان عادى تطلع التربتك لان فى ناس كتير كانوا عاملينه عادى لحد السنه اللى فاتت , بس القانون اتعدل السنه دى تقريبااقتباس:
المشاركة الأصلية كتبت بواسطة m_elkhishin
طب هل ينفع يعمل التربتك من ضبا وهو غير مقيم فى السعوديه ؟؟
هو ان شاء الله ناوى يعمل عمره الاول يعنى هايروح السعوديه بفيزا عمره وكان ناوى يطلع على مصر بعدها
أكدب عليك لو قولت أعرفاقتباس:
المشاركة الأصلية كتبت بواسطة hosam_optrawy
هو هايجرب يعمله لما يوصل السعوديه وهو وحظه بقى :)اقتباس:
المشاركة الأصلية كتبت بواسطة m_elkhishin
شكرا لاهتمامك بالرد
اللي اعرفة ان الكلام دة منطبق علي الناس اللي مطلعين سيارات بقروض بنكية ولسة عليها اقساط لو لو عربية بتاعتك و ملكك و معليهاش حظر بنك يبقي مالو هو ومالكاقتباس:
المشاركة الأصلية كتبت بواسطة hosam_optrawy
لا يافندم , صاحبى اللى باتكلم عنه عربيته كاش معليهاش اقساط ومع ذلك قالوله ملهاش علاقهاقتباس:
المشاركة الأصلية كتبت بواسطة moko_2004
السبب زى ما الاستاذ m_elkhishin قال
اقتباس:
الفكرة ان نادي السيارات اللي أصدر التربتيك هو المسئول أمام الحكومة المصرية على اخراج السيارة خارج البلاد قبل انقضاء تصريح الدخول، ولو السيارة اتخلفت الحكومة بتطالبهم هما يدفعوا الجمارك
يعني معلش لو واحد دخل بعربية واتعدمت في حادثة والعياذ بالله هيبقي هو كدة لبس الجمرك ولبس الشيك 150 الف؟؟؟
مهو كلام مش منطقي اية علاقة نادي التريب تك بأنة يتحمل الجمرك اذا لم تخرج السيارة من مصر
لو حصل( لا قدر الله) حادث لازم بقايا العربية اللي عليها رقم الشاسيه تخرج خارج البلاد. والا لازم تدفع الجمارك. وفي الحالة دي الحكومة بتطالب نادي السيارات المصري بدفع الجمارك اللي بدوره بيطالب نادي السيارات في البلد اللي استخرج منها دفتر التربتك(بحكم الاتفاقية الدولية بينهم)، لو نادي السيارات اللي أصدرلك التربتيك مش واخد عليك ضمانات كافية زي الشيك أو الكفيل بحيث يجبرك انت تدفع الجمرك وتتصالح مع الجمارك، هو اللي حيلبس في الحيط.اقتباس:
المشاركة الأصلية كتبت بواسطة moko_2004
عموما في الغالب المشكلة مبتكونش في الحوادث لأن زي ما قولتلك تحت أسوأ الظروف بتعيد تصدير بقايا السيارة، المشكلة الاكبر بتكون في حالة السرقة.
مصاريف كتير وتعقيدات كتير و نفخ وبهدلة السفر الطيران كدة ارخص كتير واسهل واامن وافضل حتي لو هدفع وزن زيادة
مقدرش اقول غير حسبي الله في الناس اللي شغالة تعمل قوانين بدون مراعاة ظروف الناس لمجرد خنق الناس وبس
واقول برضة حسبي الله ونعم الوكيل بالقوي في الظالم المفتري اللي حط قانون الجمارك علي السيارات في مصر
انا لله وانا الية راجعون كل المصاريف الكتير وتعقيدات الكتير وغير نفخ وبهدلة السفر بالمنظر دة الطيران كدة ارخص كتير واسهل واامن وافضل حتي لو هدفع وزن زيادة
مقدرش اقول غير حسبي الله في الناس اللي شغالة تعمل قوانين بدون مراعاة ظروف الناس لمجرد خنق الناس وبس
واقول برضة حسبي الله ونعم الوكيل في الظالم المفتري اللي حط قانون الجمارك علي السيارات في مصر
قال لحماية الصناعة مش لحماية الصناعة دة لذل الناس
رأي و سامحوني فية
حصل ايه ؟اقتباس:
المشاركة الأصلية كتبت بواسطة moko_2004