ايه اللي حاصل في امتحانات الثانوية العامة يا جماعة؟

**OlaOsman** · 18-06-2008 11:38 PM

سمعت النهاردة كذا مرة عن امتحان تعجيزي في الفيزيا.. و قبله في التفاضل بس ماحدش في عيلتنا السنة دي في ثانوية عامة.. حد ليه قرايب في الثانوية العامة يقدر يوضح لنا الأمور؟

**mohamed2002** · 18-06-2008 11:47 PM

انا جاري اللي جمبي في سنة تانية والتفاضل بيقول انة جة سيئ جدااا ,قريت ان المدرسين معرفوش يحلو حاجات فيه
بجد تهريج اللي بيحصل دة ,كمان الامتحانات يقال انها متسربة
الفيزياء معرفش صراحة لان جاري (ادبي) بس جابو تقرير في البيت بيتك بيقول انة امتحان كان سيئ جداااااااااا

**SEATLOVER** · 18-06-2008 11:52 PM

انا ماعنديش اى حد اعرفة فى ثانوية عامية السنة دى
بس بجد الواحد قلبة بيتقطع على العيال دى و اللى بيحصل فيهم
ربنا ينتقم من كل واحد متفزلك و مُعقد نفسياً و بيئة
عمل فيهم كدة

**ams** · 18-06-2008 11:59 PM

راى مخالف : لازم الامتحان يبقى صعب و صعب جدا كمان عشان التمييز بين الطلاب و استخلاص العقول المميزه

ولو الامتحان صعب ايه المشكله ؟ الامتحان موحد على الناس كلها و صعب على الناس كلها

لو الامتحان جه سهل و العيال كلها جابت الدرجات النهايه نقول مثلا 300الف و عندك اماكن فى الجامعات حوالى 200 الف هتوزعهم ازاى وهم كلهم بنفس الدرجات ؟ هتحصل مدابح على كليات معينه اللى بيقولو عليها "كليات القمة"

طبعا الحكومة مش بتفكر كده بس الشىء بالشىء يذكر

**مصراوي جدا** · 19-06-2008 12:07 AM

للأسف كتير جدا دلوقتي بقى اتجاههم أدبي هروبا من العلمي ومقالبه زي اللي حصلت السنة دي

**islambana** · 19-06-2008 01:04 AM

يا جماعه انا اخويا في ثانوي وابن عمتي الاتنين جايين يشتكوا من صعوبه الفيزياء والامتحان فعلا طويل جدا

**YoussefMostafa** · 19-06-2008 02:45 AM

انا النهاردة خلصت حرب الفزياء

**YoussefMostafa** · 19-06-2008 02:55 AM

1-امتحان طويل جدا

2-اجزاء كتيرة جدا في المنهج اكنها مش موجودة اصلا (مركز علي اجزاء معينة بس)

3-افكار غريبة جدا (صباح التعجيز)

4-ملوش علاقة باسئلة النماذج (جاي من الاولمبيات)

علي فكرة انا جايب 96% في تانية بس من بعد الامتحان ده

مبقتش افكر في كليات القمة (زي ما تيجي بقي )

**Noha.M** · 19-06-2008 03:17 AM

اوففففففففف

متفكرنيش يا علاااا

يا سااااااااااااااااااااتر

انا عنيت والله فى الفيزيا دى بجد .. انا منساش نفسي ليلة الامتحان و انا عمالة افقر و ماما كل ما اجى عنية تغمض بس تقوم جاية عند ودنى و مصقفة !! عشان افووووق يلهوييييييييي و رحت طبعا لا عرفت احل ولا انيل حاجة عشان كان قدامها يومين و نص بس و مع انى كنت جايبة فى تانية ثانوي 98.5 الفيزيا خليتني اجيب فى تالتة 93% لانى نقصت فيها وحدها 10 درجات !! بس الحمد لله كله على بعضه كان 95 باين

الواحد عانى والله على ما دخل الهندسة دى .. اللى جت كملت عليه!!!

و فى الاخر كله محصل بعضه ..بلا وكسة!!!

-

الموضوع: ايه اللي حاصل في امتحانات الثانوية العامة يا جماعة؟

LinkBack

أدوات الموضوع

عرض

-

-

-

-

-

-

المواضيع المتشابهه

اخبار الثانوية العامة معاكم ايه

صعوبة الامتحنات في الثانوية العامة

مأساة الثانوية العامة

متعهد نتيجة الثانوية العامة ... مين ؟

الكلمات الدلالية لهذا الموضوع

المفضلات

المفضلات

ضوابط المشاركة