ياريت المساعدة العاجلة من اعضاء نايل موتورز
انا ابنى الحمد لله خاص كى جى تو فى مدرسة لغات ودلوقت داخل ان شاء الله اولى ابتدائي
فيا ترى اكمل له فى نفس المدرسة اللغات ولا احول الى مدرسة خاصة عربي
بالنسبة للغات ليها مزايا زى اللغة كويسة لكن فى عيوب انى شايف الولد مش قوى فى العربي يعنى كل الارقام يقولها انجليزى مش عربي
بالنسبة للخاصة عربي مصاريف معقولة لكن الانجليزى مش قوى زى اللغات والعربي اقوى
دلوقت انا محتار اعمل ايه فيا ريت النصيحة من الاعضاء اللى عندهم خبرة فى الحاجات دى
أهم حاجة عشان تضمن أن الولد يستمر فى المدرسة اللغات هى المتابعة المستمرة من حضرتك أو من المدام وخصوصآ طبعآ المدام لأن هى اللى بتقعد مع الولاد معظم الوقت ....
المدرسة اللغات بتعمل مقابلة شخصية للأم عشان تختبرها فى ال English عشان تضمن متابعة الولد فى البيت يعنى لو المدام كويسة فى ال English يبقى طبعآ المدرسة اللغات هتكون أفضل ....
لغات طبعا
شوف دخلك قد ايه و خللي المدرسه تمثل من 10 - 15 % من دخلك السنوي
اللغات احسن ليه في المستقبل .. لان شغله وكليته هتكون بالانجليزي
لغات طبعا
شكرا يا جماعة على الردود وربنا يسهل ان شاء الله فى اللعات
لغات لغات لغات
لغات في حاله ان المدام و حضرتك اللغه كويسه
وحاولوا تنموا فيه مهارات الانجلش من صغره
افعال بسيطه مره تلوها عربي و مره انجلش
وهكذا
طيب اللغات احسن ولا التعليم الامريكى لانى محتار ما بينهم
وفى ناس بتقول بلاش التعليم الامريكى لانه مش حلو ومش قوى
انا مراتي كانت مدرسة في المدرسة البريطانية اللي في الرحاب و بعدين في كامبريدج التجمع
صدقني النظام البريطاني انضف 500000000 مرة من اي حاجة و شغا عالي و العيال خارجة دماغها تضيفة بس يعيبه المصاريف و طبعا ضعف اللغة العربية و مادة الدين
و بعديه اللغات
انا مراتي كان عندها مشكلة الحروف الانجليزي لغاية الجامعة، الرك على البيت اكبر غلط رمي كل الحمول على المدرسة
كده كده ممكن تجيب محفظ قرآن في البيت، منه العربي يبقى كويس و منه تأسيس
مااله التعليم الحكومى ...؟
التعليم الحكومي هو الأســاس - كل الوزراء و رؤساء الجمهوريه من التعليم الحكومي :)))اقتباس:
المشاركة الأصلية كتبت بواسطة mok3336
لكن ديه موضه و ماشيه في البلد
ابه ؟!!!!اقتباس:
كل الوزراء و رؤساء الجمهوريه من التعليم الحكومي :)))
كل الوزراء فى حكومة نظيف كانوا واخدين الدكتوراه على الاقل من برة
دا جمال عبد الناصر عدو امريكا و حبيب القومية العربية ولادو خريجين الجامعة الامريكية
مينفعش تقارن زمان بدلوقتي خالصاقتباس:
المشاركة الأصلية كتبت بواسطة sherifahmed
زمان كان اللي بيغيب عن المدارس الطلبه الفاشله بس دلوقتي محدش بيروح المدرسه بعد شهرين في الثانويه
يعني زمان كانت الدروس الخصوصيه للخايبين بس دلوقتي اوائل الجمهوريه بيخدوا دروس في كل المواد
و بنت جمال عبدالناصر خريجه الجامعه الامريكيه لانها و قتها معرفتش تدخل القاهره بمجموعها
كان زمان وكان الخايب بس اللى بيدخل مدرسة خاصةاقتباس:
المشاركة الأصلية كتبت بواسطة mi22do
لكن دلوقت متقدرش تدخل ابنك او بنتك مدرسة حكومية عاديةعشان مفيش تعليم ولا اخلاق ولا اي حاجة كويسة فلازم انك تدور على مدرسة كويسة بس تدفع دم قلبك يا معلم
ربنا يرحمنا ويعدى ايامنا فى البد دى على خير
ملحوظة :
اعتذر عن الخطأ الاملائى فى العنوان : طبعا انا اقصد المساعدة وليس المسعادة
لغات بدون تردد :)
- مفيش حاجه اسمها كل الوزراء - تقدر تقول بعض الوزراء او اغلب الوزراء لكن كلمه "كل" ديه غير دقيقه.اقتباس:
المشاركة الأصلية كتبت بواسطة sherifahmed
- انا مش بتكلم عن الدكتوراة - احنا بنتكلم عن التعليم (حكومي - خاص )- فاغلبهم خريجي المدارس الحكوميه.
- مش بنتلكم برضو عن ولاد الوزراء و الرؤساء - انا بتكلم عن الوزراء نفسهم و الرؤساء .
جمال عبد الناصر حاصل علي شهادة الثانوية من مدرسة النهضة المصرية بالقاهرة(في عام 1356 هـ / 1937).
مش معني كلامي اني مع التعليم الحكومي الان - لان الوضع تغير تماما
تصحيح :اقتباس:
المشاركة الأصلية كتبت بواسطة mi22do
أغلب الوزراء و رؤساء الجمهورية و ليس الكــل
نفسي نتخلص من عقدة النقص إللي عندنا تجاه موضوع اللغات ده
أنا يا أفندم خريج لغات لما حبيت أحفظ قرآن لقيت معاناة شديدة لأن العربي بتاعي كان في الضياع وبدأت في دروس عربي من البداية خالص بعد ما خلصت الجامعة وطبعاً تعليم اللغة في الصغر غير خالص وأنت كبير دا غير الأخطاء اللغوية والنحوية الفظيعة إللي كنت باعملها وكنت باتحسر جداً على إني مش عارف أفهم كويس ولا أكتب لغتي الأم وبعرف أكتر من لغة لدول تانية.
ولما بدأت أدرس اللغة العربية حبيتها جداً ووجدت فيها عظمة غير موجودة في أغلب اللغات إللي اتعلمتها وكنت في منتهى السعادة وأنا بأقرأ القرآن أو أي موضوع أو مقال من غير أخطاء لغوية.
تعليم اللغات مش وحش بالعكس انا دلوقتي والحمد لله شغال في شركة أجنبية محترمة بفضل الله ثم اللغة الاجنبية إللي اتعلمتها، لكن المهم تعلم أي لغة أخرى لا يؤثر على اللغة العربية التي هي لغة القرآن فمن العار علينا أن يعرف أولادنا كذا لغة أجنبية ولا يجيدون لغتهم الأم.
وزادت حسرتي لما سافرت إيطاليا وقعدت فترة هناك لقيت التهافت الغريب على اللغات الأجنبية غير موجود بالمرة والإيطالية بالنسبة لهم هي الأساس في التعليم ثم الإنجليزية وفقط وهم يبررون ذلك بأن لغتهم ليست أقل من أي لغة أخرى فبدلاً من تعليم أولادهم لغات أخرى لماذا لا يتعلم أولاد الدول الأخرى لغتهم؟
وعندك كمان ألمانيا مستحيل حد يكلمك بغير لغته حتى لو عارف لغتك عشان يحافظ على لغته وهويته
دول ناس اعتزوا بهويتهم ولغتهم فأصبحوا على رؤوس الأمم وللأسف نحن هجرنا هويتنا ولغتنا وابتغينا العزة في لغة وهوية غيرنا والنتيجة كلنا عارفينها.
أنا مش ضد تعليم أي لغة أجنبية بالعكس دي ميزة بتميز الواحد لكن ميكنش على حساب لغته الأم وخاصة لما تكون لغته الأم هي اللغة العربية التي كرمها الله بالقرآن الكريم.
الله ينور عليك ويكرمكاقتباس:
المشاركة الأصلية كتبت بواسطة ossamayk
معاك فى الراى جدا
ولك بالمثل أخي الكريماقتباس:
المشاركة الأصلية كتبت بواسطة amrelsha3er
...