هو بيحصل ايه بالظبط في المقابلات دي ؟ متقلقنيش
عموما يا رجاله عايزين نأجل المقابله علي قد ما نقدر
علي اساس تكون الامور استقرت عن كده شويه
عرض للطباعة
هو بيحصل ايه بالظبط في المقابلات دي ؟ متقلقنيش
عموما يا رجاله عايزين نأجل المقابله علي قد ما نقدر
علي اساس تكون الامور استقرت عن كده شويه
شباب
تم تغيير الصفقة لـــــــــــ فراخ مشوية + لحمة مشوية
توفيرا لنفقات الــ ( جدي )
علشان نعرف نتغدى ونتعشى منهم
الجدي لازم يتعمل مرة واحدة..ويتاكل مرة واحدة
إتفقت انا والقرصان ان الاكل فراخ + شرايح لحمة
اليوم من الجمعة 10 الصبح
لحد السبت 10 الصبح
احنا مش رايحين ننام بقا... يعني هنطبق لحد الفجر..والي هيسوقوا بس هما الي هينامو ساعتين تلاتة بعد الفجر
لو الجو تمام
نكمل يوم كمان .. وننام براحتنا
الكلام على شاليه واحد برضو توفيرا للنفقات
علشان مش كلنا هننام أساسا .. ومش هننام في وقت واحد طبعا
.
يعني الي هييجي بعربيته..ممكن يجيب معاه كوفرته .. يمكن نفرش وننام على الرمل عادي
وكده
الكلام هيقل كتير بالنسبة للفلوس
يعني مش هتزيد عن 60 ج إن شاء الله ... اكل وسكن
يمكن اقل شوية ..أو اكتر شوية
احنا رايحين نهيص اه
بس التوفير مطلوب..لو مش هنيجي على نفسنا في حاجة
ربنا يسترها ان شاء الله و لما تحددوا معاد قولولي
و الله عايز اتعرف عليكوا كلكوا
الدعوة للكل
سيب بس اسمك وموبايلك
وتابع الموضوع
وشوف اقرب حد ليك هييجي...وتعالو مع بعض بعربية واحدة
عجالي
يعني لحمة عجول صغيرة
ودي احسن لحمة بتتاكل ... ودي غير اللحمة الضاني الي هيابتاعت الخرفان والمعيز
يعني اللحمة العادية الي انت بتجبها من عند الجزار ياحمد
بس بتاع حيوان سنه صغير..بتستوي بسرعة وبتبقا احسن
استقريتو علي 6-7 ان شاء الله ولا لسه في كلام ؟
والله حمستوني
طيب بقلوكم ايه ياشباب معليش. اصل انا مرحتش بلطيم قبل كده وده الي شجعني اني اشوفها واتعرف عليها
هيا كام كيلو من القاهرة وبتقولوا الطريق الدولي. قصدكم على طريق مارينا صح وهيا فين بالزبط بعد مارينا ناحية مطروح ولا قبل ولا ايه اديني اسم القرية على الاقل اطلع صورها من جوجل واعرف احنا رايحين فين بالزبط علشان يمكن انشاء الله اعمل دعوة في تويوتا
فعلا اتلجدي لو ما اتعملش علطول بيبقى مش قد كدة
خلينا لحمة وخراخ وممكن كمان كفته
ان شاء الله انا جاي وغالبا مش ح اكون لوحدي ممكن ابن اختي معايا ولو كان دكتور حسن اللي كان معايا المرة اللي فاتت رجع من السعودية اكيد ح يحب ييجي
المهم هو تنظيم البرنامج وده محتاج جهد جامد من فارما وكمان من شنوري مش هو المنسق بتاع المنتدي .... لازم ينسق المسائل عشان التنسيق يبقى متنسق
صباح التنسيق
لو يوم الجمعة 6 يوليو راشق
دة عيد ميلادي اصلا يعنى مصلحة
كلة يعمل حسابة ف هدايا .. وعلى فكرة
نقبل التبرعات والفكة واي حاجة تتاكل :))
ميدو
إنت هتترجمنا هناك زي ماقال الحج احمد
ههههههههههههههههههههههههه هههههههههههههه
.
معلومة مختصرة عن بلطيم
بلطيم عبارة عن قسمين
بلطيم البلد ... وبلطيم المصيف
بلطيم البلد.. دي فيها السكان والمصالح الحكومية ....إلخ
تمشي بتاع 2 كيلو .. وتعدي الطريق الدولي الناحية التانية
تلاقي بلطيم المصيف
بلطيم المصيف
قرية كاملة متكاملة ... عبارة عن عدد من الشواطئ
مافيهاش سكان
لا
دي قرية للمصطافين بين
بتتقفل في الشتاء .. وبتشتغل في الصيف
فيها سينمات .. وفيها مطاعم .. وفيها شاليهات وشقق
وفيها كل الخدمات
.
إحم احم
.
الحاجة قالتلي مامعناه
إن 20 فرد .. يكفيهم حوالي 6-7 كيلو رز
الرز العادي الكيلو في حدود 2 ج او حاجة زي كده
الرز البسمتي ..إلي بيتعمل بيه الكبسة ... الكيلو بــ 9 ج
يعني لو هنقضيها رز عادي... 7 كيلو في إتنين جنيه = 14 ج
قرديحي
لو رز بسمتي وعملنا عليه كابسة فيها كبد وقوانص(إلي هيطلعو من الفراخ) وممكن نحط عليهم أد نص كيلو لحمة مفرومة .. وبهاريز وتوابل
7 كيلو في 9 جنيه =63 ج
نمشيها قرديحي رز عادي
ولا رز بسمتي ؟
=====================
كل واحد فرخة
كل 3 ليهم كيلو رز (كيلو الرز يأكل عيلة )
هنجيب أد 5 كيلو بطاطس.. نعمل صانية بطاطس..ونحمر الباقي أو نسلقه وبعدين نحمره
هنجيب خضار منوع
هنجيب فاكهة
هنجيب فحم .. وأسياخ حديد ...
هنجيب كل إلي نفسنا فيه
أي حد نفسه في حاجة ...
يقولها من دلوقتي
لو حد يعرف رقم أحمد الرفاعي abogogo
يكلمه علشان شكله مايعرفش لسه
==================================
هنتجمع كلنا في الشاليه الصبح إن شاء الله في حدود 10-11
هناكل فطار خفيف
ونروح نقعد على البحر
وفي هذه الأثناء (وإحنا بنعاكس الحريم طبعا) وبما إن الشاليه على البحر على طوول
هنركن على البحر لحد العصر
بعد العصر نبدأ نجهز الأكل بتاع العشا
وقت المغرب لحد منتصف الليل.. هنروح نكروز في البلد
ونعاكس المزز برضو.. الحج أحمد طبعا مش هيعاكس .. ههههههههههههههه
بالليل بقا بعد نص الليل
نروح نسهر على البحر قدام الشاليه
وننصب القاعدة
والنار
والفرشة
ونولع يارجالة...ونخلي المصيف كله يشم ريحة الأكل
نسهر أد مانسهر على البحر .. وناكل على أد ماناكل
ونشوف البحر بالليل وهو البحر بالليل
ممكن ننزل نشقط ( نشقط فاكهة طبعا )
ونقضيها حتى مطلع الشمس
حلو النظام كده ؟
لو المنصورة قريبه من أهل القاهرة أو طنطا
ممكن تاخدو الوصلة من المنصورة للطريق الدولي .. 15 دقيقة من المنصورة للطريق الدولي عند جمصة
تمسك الطريق الدولي من جمصة .. نص ساعة تكون في بلطيم
.
ههههههههههههه
حبيباب قلبي العلم نور
أصلي عمري مارحتها .... بس كويس أن في ناس من القاهرة يجو معانا ... وبعدين انتو عمالين تقولوا الطريق الدولي الطريق الدولي ... أنهي دولي فيهم ماهو كل طريق دلوقتي بقه اسمو الطريق الدولي وهاي واي وتلاقيه كلو مطبات ههههههههههههه
المهم ... سكان القاهرة هيتقبلو فين والساعه كام ... ونعمل حسابنا في كام ... حد حسب التكاليف ولا لسه شوية .
@@@@@@@
تاني نقطة معليش اتحملوني : المكان هناك كام نجمة ..
يعني أجي بشبب زنوبة ولا أجي بأيه بالضبط علشان ابقى عارف .
حبايب قلبي جميعاً
هيا دي بلطيم ياشباب ..؟
http://gallery.egyroom.com/kafr-elsh...elshiekh23.jpg
@@@@@@@@@@
http://img44.imageshack.us/img44/4783/279744048.jpg
http://4.bp.blogspot.com/-LTUXq-2SwN...%25D9%2581.jpg
@@@@@@@@@2
http://2.bp.blogspot.com/-mbNQ9l_ueE...80/s640/11.jpg
http://1.bp.blogspot.com/-THJNGP7Nab...dU/s640/12.jpg
http://2.bp.blogspot.com/-LeVU_rLjYY...Qc/s640/14.jpg
http://3.bp.blogspot.com/-SwaKJS6-mj...D8/s640/15.jpg
http://3.bp.blogspot.com/-gHDRKtO39_...F8/s640/16.jpg
تمام
هي دي بلطيم يابوحميد
اول صورة دي .. من الدور الاخير في فندق دهب الي هناك
الي في مدخل البلد
إيه رأيك في البلد ؟؟؟؟
نجوم ؟؟؟؟؟؟
أشد شعري ياميدو
.
بص
انا قولت التكلفة مابين 50-70 إن شاء الله مش هتزيد إلا لو زودنا حاجات تانية
المبلغ ده شامل السكن يوم كامل.. والأكل
يبقا الرجالة تيجي من الزراعي.. للمنصورة .. المنصورة من بره بره يمسكو الوصلة لحد الدولي الساحلي
يعني ساعة من القاهرة للمنصورة
من المنصور لخد الدولي .. كتيرها نص ساعة
ونص ساعة كمان من اول ماسكة الدولي.. لحد بلطيم
كده سهلة
ودي أحسن من وصلة كفرالشيخ الحامول بلطيم .. علشان مش هنخش جوه المدن
يا ميد و فاكر القبقاب هاته
او شبشب زنوبه
انت مش رايح مارينا يعنى
ههههههههههههههههههه
واللهيِ دحكتوني ... تمام كده ... انا بقه عاوز يا أبو عبدالله تبعتلي رقمك على البرايفت ... وعاوز كمان رقم أحمد فارما ... ورقم aif ... علشان نزبط مع بعضينا .
بس أمانه يا فارما وحياة عيالك يا شيخ هيا دي بجد شكل الفرخة الي هتتشوي ... ولا دي بس منظر ههههههههههههههههه
حلم حياتي ربنا يلهمني الصبر واقرالك مشاركه علي بعضها ههههه
انا حروح حافي ياعم
احمد
الرز ابو 2 جنيه ده اكيد رز التموين ؟؟؟ ههههههههههههه
كدة ح نقعد ننقي الرز طول المصيف
يا عم بحبحها شوية ومش ح تفرق كتير
خليها بسمتى او رز عادي بس نوعية كويسة بحوالي 4 او 5 جنيه
وكمان ممكن نشكل اللحوم بين فراخ ولحمه عجالي وكفتة ( مفروم )
وانا ممكن اجيب اطباق بلاستك وكبايات ومعلاعق بلاستك عشان نوفر غسيل اطباق
احنا رايحين نتفسح مش نعمل فيها شغالات ف البيوت هههههههههههههههه
انا ح اجيب معايا عسل ابيض وح احاول اجيب فطير مشلتت للعشاء والفطار
انت بس ما تنساش القشطة وخليها في 3 اكياس عشان تكفي الوجبات
انت عارف بقى ف المصيف التماسيح اللي في بطننا بتصحى وتطحن اي حاجة بالكامل ...
..
ياريت وانت جاي تجيب معاك كام جوز ابو قردان عشان نشويه
ده عجب شنوري قوي قوي المرة اللي فاتت
:-))))
يعني أعمل حسابي في قشطة ؟
مممممممممممم
أوك
كده أنا هجيب فراخ بعدد الأفراد إلي هيتم تأكيده قبل بيومين
يعني يوم الأربعاء .. يكون الي جاي مأكد علشان مانجبش زيادة او نقص
يعني هجيب فراخ
وهجيب قشطة
وهجيب رز بسمتي .. وهجيب لحمة مفرومة
وهجيب اتنين كيلو لحمة عجالي .. نقطعهم شرايح ويتشووو مع الفراخ
وهجيب بطاطس
وهجيب خضار
في حد هيجيب حاجة معاه ؟
علشان مانجبش حاجات متكررة
.
بقولك يا فارما ياريت نبداء نكتب ارقامنا علشان نظبط مع بعض كل حاجة.
انا رقمى 01006282505
ان شاء الله لو جيت حيبقى معايا واحد صاحبى عشان حكسل اروح المشوار دة لواحدى
وان شاء الله نشوفكم كلكم على خير يارب والمعاد كويس جمعة وسبت
طب هو كده كام واحد الى الان ان شاء الله
1.الحج أحمد
2.شنوري
3.محمد عبدالله
4. جوست ميدو
5.مي ميدو
6.أحمد فارما
7.8. إتنين إصحابي
9. هاني باشا رازيني
10.دكتور إسلام .. غالبا جاي مع شنوري
11.............
إلي جاي تاني يأكد حضور على المشاركة دي