-
أروح مارينا ازاى ؟
ان شاء الله رايح مارينا أنا والعائلة يوم الثلاثاء الجاى فكنت عايز أعرف ازاى أروح مارينا من طريق مصر اسكندرية الصحراوى
لأن انا روحتها مرة قبل كده بس من اسكندرية
هل فى وصلة مثلا فى نص الطريق ولا لازم اكمل لغاية الأخر عند كارفور كده ؟
وجزاكم الله خيرا ( :
-
و الله يا شريف باشا انا ما اعرفش غير الطريق اللي بيعدي من قدام موقف سيدي جابر !!
بس قولت اخش اقولك تروح و تيجي بالسلامه انت و الاسره:)
-
بص يا شريف ..
فيه طريق الحمام العلمين قبل ما توصل اسكندرية كدة بحوالي 35 كم تقريباً هتلف اليوتيرن ، وتخش الطريق عادي جداً .. بس خد بالك لا توجد خدمات كافية على هذا الطريق فاعمل حسابك على كل الاحتمالات .. وخد بالك علشان هو طريق مغري جداً في الجري .
وتروح وترجع بالسلامة
-
بص يا سيدى
روح عن طريق وادى النطرون ودا طريق بعد الريست على طول حتلاقى يافطة طريق العلمين حتعمل يو ترن وتخش الطريق دا اخرة حتلاقى مارينا فى وشك على طول هو طريق بيوفر بس
مفيش علية خدمات
ولو عايز الطريق العادى قبل اسكندرية ب 30 كم حتلاقى على شمالك طريق الكافورى
حتعمل يو ترن وتخش حتمشى حوالى 15 كم حتلاقى صينية المطار الجديد تدخل يمين
حتلاقى نفسك ماشى وسط الملاحات افضل ماشى لحد اخرة حتلاقى طريق مطروح تاخد شمالك
مارينا بعد حوالى 50 كم
وتروح وترجع بالسلامة
-
طريق وادى النطرون دا حيبان لك بعد حوالى 12 كم من الريست هاوس حتعمل يو تيرن و تخش الطريق و تقريبا طوله 130 كم و حينزلك عالطول على مارينا بعد مزلقان القطار بس الطرسق مافيهوش غير محطة بنزين واحدة و تقريبا وطنية أو مصر للبترول و دا أقرب طريق لمارينا من القاهرة
-
طريق وادى النطرون احسن اختيار، توكل على الله و لما تقف فى الرست فول بنزين احتياطى، هو الطريق صحيح مفيش عليه خدمات، بس فى عربية انقاذ تبع المرور على الطريق علطول و رقمهم 0121110000
-
ياجماعة أنا مش عارف أقولكم ايه بجــد ( :
ربنا يكرمكم يارب ويخليكوا ودايما متجمعين فى بيت نايل موتورز ( :
عموما انا هاخد طريق اسكندرية لغاية كارفور وبعدين طريق مطروح اللى هى وصفة هشام باشا عشان الطريق ده انا مشيت منه قبل كده وعليه خدمات تقريبا
شكرا ليكم ياشباب
Content Relevant URLs by
vBSEO 3.6.0 PL2