أسعار المستعمل في usa

**eletr** · 15-06-2012 04:07 AM

اعتقد الاسعار مش مغرية للدرجة و بعد الجمارك و التخليص هنا مش هيبقي الفرق يستاهل

**abduo882000** · 15-06-2012 06:25 AM

الاسعار كويسة بس المشكلة في الجمارك مش مضمونة
ويا سلام بقى لو البايك قعد فترة في الجمرك
تلاقي نفسك دفعت تمنة مرتين
مشكور يا غالى على اللنكات

**Hobgoblin** · 15-06-2012 06:45 AM

العفو يا برنس...

أنا هاقول تعليق صغير:

لو كان موضوع الإستيراد دة صعب قوي كدة ماكانش بقى بين كل مستورد ومستورد...مستورد.

أكيد لو عرفنا التفاصيل الوضع هيكون أسهل.

بالنسبة للأسعار دي البداية...فيه فصال هنا بردو...يعني لم يتقال 2000 تخلص مثلاً 1700. وطبعاً اللي هايشتري مكنة غير 10.

القصة بس في معرفة التفاصيل وأكيد احنا يعني ولامؤاخذة مش أغبى من حد عشان يتعمل علينا شغل.

**joacky** · 15-06-2012 06:52 PM

يا ررجالة أنا معاكو وش وى شفولنا حكاية بورسعيد وى أنا أول واحد جاهز أبيع و أشترى فوراً

**abduo882000** · 15-06-2012 10:31 PM

المشاركة الأصلية كتبت بواسطة GSoleiman

العفو يا برنس...

أنا هاقول تعليق صغير:

لو كان موضوع الإستيراد دة صعب قوي كدة ماكانش بقى بين كل مستورد ومستورد...مستورد.

أكيد لو عرفنا التفاصيل الوضع هيكون أسهل.

بالنسبة للأسعار دي البداية...فيه فصال هنا بردو...يعني لم يتقال 2000 تخلص مثلاً 1700. وطبعاً اللي هايشتري مكنة غير 10.

القصة بس في معرفة التفاصيل وأكيد احنا يعني ولامؤاخذة مش أغبى من حد عشان يتعمل علينا شغل.

يا باشا انت عايش برا
الدنيا في الجمارك عندنا مش لذيذة
طيب هقولك على حاجة واحد قريبي كان باعت يجيب بربريز عربية mercedes استيراد من المانيا
المهم وصل تمام وقعد يخلص في ورقة خروجه اتاخر الورق دفع ارضية 4000 جنية غير الجمرك
دا تسمية اية بقى

**Hobgoblin** · 15-06-2012 10:35 PM

المشاركة الأصلية كتبت بواسطة abduo882000

يا باشا انت عايش برا
الدنيا في الجمارك عندنا مش لذيذة
طيب هقولك على حاجة واحد قريبي كان باعت يجيب بربريز عربية mercedes استيراد من المانيا
المهم وصل تمام وقعد يخلص في ورقة خروجه اتاخر الورق دفع ارضية 4000 جنية غير الجمرك
دا تسمية اية بقى

يا عبده بيك ما إختلفناش...

عشان كدة أنا بقول القصة كللها في التخليص من الجمارك. يعني لو فيه حد دايس في الموضوع دة أقصد يعني شغلته هتتحل.

انما لو قعدنا من هنا للسنة الجاية نقول أصل أنا أعرف فلان أو علان أو حد يفتي علينا مش هنوصل.

لازم حد تكون دي شغلته عشان يبقى كلام مظبوط

**alfath8** · 15-06-2012 11:03 PM

هاتتحل ان شاء الله بس عندى شوية ظروف كده معلش

**محمد محليس** · 18-06-2012 06:28 PM

شكرا ...............

**memoz** · 21-06-2012 07:38 AM

أنا جاري عنده شركة شحن ممكن نفكر بجديه

**tito29** · 21-06-2012 11:57 AM

صباح الخير يا حضرات

أنا عندي شوية خبرة في حكاية الجمارك و التخليص و عارف الأجراءات و عملتها قبل كده و خلصت جمارك شوية حاجات و موتوسيكل من جمرك أسكندرية
الأجراءات مش معقدة للدرجة بس لازم يكون معاك مخلص جمركي كويس و علي فكرة أنا عندي واحد متخصص و متمكن جدا في جمرك الأسكندرية
و أستيراد الموتوسيكل مش محتاج أي موافقات و لا أذن أستيراد و لا بطاقة أستيرادية ما دام موتوسيكل واحد و للأستعمال الشخصي يعني لو حتفرج علي عدة موتوسيكلات يبقي لازم كل موتوسيكل يكون ورق الشحن بأسم واحد مختلف
المخلص الجمركي فقط بيحتاج صور البطاقة الشخصية وورق الشحن و شوية فلوس لزوم الأرضيات و الجمرك و الأكراميات و أتعابه
الأجراءات بتكون علي أساس موتوسيكل بصحبة راكب و للأستعمال الشخصي

المصاريف و الجمارك بتكون طبعا علي أساس البايك و سنة الصنع و برضه الفترة من وصول البايك و حتي أنهاء الجمارك و الحصول علي الأفراج النهائي
أتعاب المخلص بتكون بالأتفاق و علي أساس الوقت المستغرق في العملية و عموما بتكون في حدود ال500 جنيه لو بايك واحد و لو أكتر من بايك مش حاتفرق كتير علشان هي هي نفس الأجراءات
أقصد مثلا ممكن 5 بايكات يبقي أتعابه حوالي 800 جنيه ولا حاجة علي الخمسة بايكات
الجمرك بيتحدد علي أساس تقييم مأمور الجمرك للبايك و ده كله يكون بالشاي بالياسمين
بس برضه في حدود معقولة يعني مش حاتقييم بوليفارد 1800 بسعر 5000 ألاف مثلا

الفرق الكبير أللي التاجر بيكسب منه هو الشحن و سعر الشراء من الخارج
التاجر بيحشر كمية بايكس في الكونتينر حتي عين أمه و سعر شحن الكونتينر ثابت
الأرضيات و مصاريف التخليص و الأكراميات ثابتة للكونتينر
التاجر بيشتري بسعر أفضل من أي واحد فينا لأنه بيشتري من معرض في الخارج بالعشرين بايك و أكتر
أنا جربت الموضوع بتاع الأستيراد و أكتشفت أنك علشان توفر يبقي لازم كمية كبيرة تملئ بيها علي الأقل كونتينر 20متر مكعب
أما في حالة بايك واحد تمتلكه و بتاعك من الزيرو في الخارج يبقي تجيبه معاك أفضل و أرخص من أنك تبيعه بخسارة و تشتري غيره من مصر

خد بالك برضه من نقطة غاية في الأهمية:
معظم التجار أللي أنت شايفهم عندهم بايكات أستيراد بيكونو شارينها من المستورد في بورسعيد
المستوردين في هذا المجال مش كتير زي ما أنت فاكر يمكن 5 أو 6 تجار فقط لا غير
و تتأكد من ده أنك لما تطلب تشوف ورق البايك تكتشف أن صورة الأفراج الجمركي بأسم واحد تاني خالص غير صاحب المعرض أللي بتشتري منه و غالبا الواحد ده من تجار بورسعيد

هي دي الحقيقة في موضوع الأستيراد و كاملة
يارب أكون قد أفدتكم

الموضوع: أسعار المستعمل في usa

LinkBack

أدوات الموضوع

عرض

-

-

-

-

-

-

المواضيع المتشابهه

يا ترى أسعار المستعمل ايه مع بداية 2010

يا تر أسعار المستعمل ايه مع بداية 2010

أسعار المستعمل الجديدة

ياترى أسعار المستعمل نزلت ؟؟؟

أسعار ال Gen 2 المستعمل؟

الكلمات الدلالية لهذا الموضوع

المفضلات

المفضلات

ضوابط المشاركة