اشمعنى القطط مستأصدة عربيتي
السلام عليكم
معايا النترا 2009
المشكلة كلها في الجنب اليمين اول ما جبتها اتحكت من الاكصدام قدام
و مرة خبط في حجر كبير بردة و الشبكة اتكسر منها حتة
و مرة لبست بالجنب اليمين في عربية 128 بس ربنا سترها و كانت بسيطة
و مرة كمان حكيت بالجنب اليمين في تاكسي ماشي بالعرض قدامي
كل دة الحمد لله بسيط
الغريب اني من ساعت ما العربية جديدة ابص الاقي ماية كدة في الكصدام ناحية اليمين بردة
اقول دة نشع من الردياتير ماية و لا حاجة وديتها التوكيل قالولي مفيش تسريب
كل يوم اركن العربية في الجراج انزل الاقي ماية ريحتها غريبة
المهم انا روحت في حتة كدة في حلوان راكن العربية لا ليا و لا عليا
الاقيلك قطة بتعمل ماية في نفس المكان
هما كلهم متفقين يعملوا كدة في العربية و نفس الناحية
حاجة غريبة جداا
ما عندهم الجنب الشمال ابن حلال
حد قالي دة حسد
يا ريت تفيدوني