المشاركة الأصلية كتبت بواسطة manola
فكرتنى بأغنية الراعى الرسمى للتوك توك المصرى بتاعة عبد الباسط حمودة "أنا مش عارفنى"
على العموم أنا عارفة أنتوا عملتوا كدة ليه
لو كان كل واحد فيكم مخصص ساعتين في يومه من أيام ماكان في أبتدائى مثلا و بيروح يلعب أى رياضة مش جيم لأنى بعتبر الجيم دة مش رياضة أساسا , و ساعة يقرا فيها أى حاجة حتى لو مجلة ميكى , مكانش هيبقى دة الحال و كنتم هتتعودا على كدة لحد ماتكبروا , بس للأسف 90% من الشعب المصرى على ماأظن مهما كانت طبقتة عاليه مش بيفكر في موضوع الرياضة و القراءة دة خاااالص بل بالعكس فيه ناس طبقاتها بتكون متوسطة أو أقل من المتوسطة و دا طبعا بطبيعة المجتمع بتاعنا و الحالة إلى فيها مصر و بتكون ممتازة في الرياضة و القراءة و علىفكرة موضوع الصلع دة بيكون برضة ممكن يكون بسبب وراثة أو صحة أو ضغط نفسى أو أجهاد للشعره نفسها و هكذا , يعنى الرياضة أكيد لو الموضوع صحة هتمنع الصلع و الكرش
على العموم العملية كانت ثقافة لكن لما ربنا يكرمك و تتجوز بلاش تخلى أبنك يبص للسقف عشان يدارى قرعتة أو يشفط بطنه لو معدى جمب مزة صغيرة عشان ميبانش كرشة