الموضوع: مشورة للهيونداوية

و عليكم السلام و رحمة الله و بركاته
إلانترا طبعا أوتو و تكون 2008 و كيلو متر تحت الـ90 ألف و فابريكه بالكامل و تكشف عليها كويس
و الصيانه في كل مكان (مراكز معتمده و مراكز غير معتمده و ميكانيكيه و العربيه سهله جدا مش مشتاهله مخترع لصيانتها )
دور علي الحاله و لو تهبت و معرفتش يبقي لوجان أوتو زيرو
لكن هاتلاقي بعون الله

بعد ما تطمن لشكل العربيه بنظره عامة تطلع علي التوكيل و تطلب من المهندس تجربة العربيه و يرفعها و يديك تقرير عفشه و موتور و كهربا و تدخلها الهياكل يكشفو عليها كويس جدا يبقي تتوكل علي الله

الكشف من غير الهياكل 200 جنيه و ضريبه أما الهياكل معرفش بكام
و الأفضل يكون معاك حد من ملاك العربيه يجربها ويسوقها قبل المركز

و عليكم السلام
موديل 2006 غير موديل 2008 فبالتالي ده ليه سعر و ده ليه سعر
أهم حاجه تكون فابريكه دواخل و العداد قليل (قليل يه نسبيه بس انا بأفضل من 40 الي 60 ألف كيلو )
اهم حاجه تجيب الفئه اللي فيها abs أكيد هيبقي أفضل
موضوع الجديد بأمانه ما أفتيش فيه
موضوع الصيانه حضرتك فيه المهندس هاني صاحب مركز خدمه speed و ده مهندس شاطر و أسعاره حلوه و كان شغال في التوكيل و مش بيتأخر عن حد محتاج خدمه

المشاركة الأصلية كتبت بواسطة kareem.elaraby

و عليكم السلام
موديل 2006 غير موديل 2008 فبالتالي ده ليه سعر و ده ليه سعر
أهم حاجه تكون فابريكه دواخل و العداد قليل (قليل يه نسبيه بس انا بأفضل من 40 الي 60 ألف كيلو )
اهم حاجه تجيب الفئه اللي فيها abs أكيد هيبقي أفضل
موضوع الجديد بأمانه ما أفتيش فيه
موضوع الصيانه حضرتك فيه المهندس هاني صاحب مركز خدمه speed و ده مهندس شاطر و أسعاره حلوه و كان شغال في التوكيل و مش بيتأخر عن حد محتاج خدمه

المشاركة الأصلية كتبت بواسطة mohammedaladel

زى ما قال العضو المحترم ان موديل 2006 هو الشكل القديم وبالنسبة لى أفضل شكل شفته لإلنترا ولكن 2008 هو الشكل اللى اتشهرت بيه الالنترا قوى و2007 كمان هو هو المهم حالة العربية مش العداد ماشية كام أنا اشتريت عربية موتورها ماشى 100 ألف وحالته كويسة جدا تشوف جسم العربية حتة حتة والعتب وتشوفها من تحت وتركبها وتسوقها وتجرى بيها جامد وتشوف أخبارها ايه وتسمع صوت الموتور وهى واقفة وتشوف لون العادم على آر بى إم عالى أو تروح تكشف فى التوكيل وتريح دماغك

الإلنترا الـhd فيها موديلات أواخر2006 لكن نادر شويتين