حاسس ان العربية مش ناعمة زى باقى فئتها

**bam8572** · 14-06-2012 08:41 AM

السلام عليكم

شباب

معايا لانسر كريستالة 98

مش عارف ليه حاسس ان العربية مش ناعمة زى بقيت الكريستالة الى ركبتهم

عملت صيانة كاملة ( فلتر زيت , غيار زيت , فلتر هواء , فلتر بنزين , ظبط كاربراتير ) كل حاجة فى الصيانة متأخرتش

قواعد الموتور تممت عليها ممتازة

الديسك ممتاز , الاسطوانة فيها سنة تكتكة لكن حالتها جيدة جداً والميكانيكى قالى حرام عليك تغيرها

مش عارف ليه بردو العربية خشنة

العربية كسحب بتجرى وكله تمام
لكن مشكلتى انى حاسس بالموتور بردو وحاسس بصوت العربية
انا ركبت كريستالات تانية بدورها ببقى مش عارف اذا كانت العربية دايره ولا لأ , على عكس بتاعى لو بصيت فى المرايات الجانبية مثلاً هتحس ان المرايات بتترج وانت واقف

كذلك فى المشى ,’, لما باجى امشى بكريستالة تانية بحس انى راكب عربية زيرو ,, نعومة العربيات الزيرو مش حاسس بحاجة خالص بمعنى اصح طاير من على الارض طير

طيب يبقى فى عربيتى من ايه .؟؟؟؟؟؟؟؟

**HAITHAM1985** · 14-06-2012 09:08 AM

إنت كنت راكب عربية أوروبى قبل كده ......... ممكن يكون ده اللى مديك الإحساس ده ........... لأن أغلب العربيات الأوروبى وخصوصا الألمانى aggressive عن اليابانى

من ناحية تانية ......... راجع على العزل

من ناحية تالتة .......... لو فى رعشة هى اللى بتسبب إهتزاز المريات ...... وبقول لو فى ......... يبقى ممكن تراجع على الكهربا ....... بالمرة

من ناحية رابعة .......... راجع على المساعدين الأماميين

من ناحية خامسة ......... ممكن المرايات تكون مفككة وهى اللى بتستهبل ......... بهزر طبعا

ربنا يوفقك وتتظبط

**bam8572** · 14-06-2012 11:22 AM

شكرا لسرعة حضرتك فى الرد بس لو اخدت بالك بقولك عربيات تانية من نفس النوع يعنى بردو لانسر زى بتاعى بالظبط

تفتكر الكهرباء ممكن تدمر نعومة العربية وجمال مشيها ؟؟

المساعدين تمام دا انا مغير لها مساعدين وجايب لها مساعدين بومة وظابطها ظابطة تانية

وحضرتك تقصد ايه بـ راجع على العزل ؟؟

**motazgamal** · 14-06-2012 03:02 PM

طيب ما هو فية كريستالة كربرتير و كريستالة انجكشن ممكن بتاعتك تكون كربراتير

**exact** · 14-06-2012 08:38 PM

العربية بتاعك مقدمة كهربا وحط لها بنزين 92 طبعا

**bam8572** · 14-06-2012 09:49 PM

اه بتاعى كاربراتير ,, بس الى بركبهم بردو كاربراتير

حضراتكم ممكن تفتكروا فعلاً ان تقديم الكهرباء يبوظ نعومة العربية بالطريقة دى ؟؟

عموماً هشوف موضوع الكهرباء دا وارد على حضراتكم

ملحوظة : العربيات التانية الى ركبتها كلها كانت بتفول 80 او 90 , وانا فى الغالب بفول 90 ,, يعنى فى عيب فعلاً عندى

**exact** · 14-06-2012 11:24 PM

من باب العلم بالشئ... فرق الدنيا بين بنزين 90 و 92
خليك في 92 احسن كتير والفرق المادي بسيط

**bam8572** · 15-06-2012 10:44 AM

يافندم حاول تفهمنى
المشكلة مش فى البنزين اطلاقا والله

انا فولت الاتنين , وايام ماكانت الازمة شادة عن كدا بكتير كان عندى سفرية مستعجلة وكان لازم العربية وفولت 95 وحياتك

لكن المشكلة بردو مش عارف من ايه

يعنى المشكلة ملهاش علاقة بالبنزين اطلاقاً

**back2back** · 15-06-2012 11:05 AM

بص يا باشا جرب خللى الميكانيكى يبص على التاكيهات انا افتكر صوت الموتور فى عربيتى الكرستالة السابقة كان نعم بعد ما ظبط التاكيهات

**bam8572** · 15-06-2012 12:47 PM

والله لسا ظابطها هى كمان

ومش عارف اشكر حضراتكم ازاى على التجاوب وسرعة الرد

بس فعلاً حتى التكيهات ظبطتها والله

الموضوع: حاسس ان العربية مش ناعمة زى باقى فئتها

LinkBack

أدوات الموضوع

عرض

-

-

-

-

المواضيع المتشابهه

الباشا مبيحبش النمر لانها بتشوه شكل العربية، وتخليها زي باقى عربيات الشعب!!

حاسس ان العربية مكتومة او مسدودة

حاسس بنتشة فى سحب العربية ............

حاسس ان العربية بتسخن

حاسس بتغيير في العربية يا ريت المساعدة

الكلمات الدلالية لهذا الموضوع

المفضلات

المفضلات

ضوابط المشاركة