الموضوع: ماهي عيوب ومزايا نيسان صني الشكل الجديد اللي لسه نازل مصر

لسة نازلة لسة متعرفش إذا كان ليها عيوب ولا لا وبالنسبة لحضرتك ايه اللى معجبكش فى السيراتو أنا شايف انها عربية شكلها كويس ويوحى بالثبات لكن معرفش عنها معلومات ياريت تقولى ايه عيوبها ؟

اعتقد لسه بدرى قوى على سؤال حضرتك ده. العربيه لسه حتى ما مشيتش فى الشوارع و بالتالى تجارب الناس يا اما قرأت كلام اللى هو فى الاغلب دعايه و بالتالى كلها فى صالح العربيه لان التركيز على المزايا فقط علشان تشتريها او أتيحت لها الفرصة انها تجربها و ده طبعا بيبقى دقائق معدوده و صعب جداً حد يقدر يحكم على العربيه بشكل كامل فى الوقت القليل ده.. يعنى من الاخر لازم تنتظر الى ان يشتريها اى عضو و يعمل عنها تقرير. او تقرأ مواصفاتها و تتفرج عليها و تروح تشتريها و تبقى حضرتك اللى تقولنا ايه الاخبار بعد الاستخدام الفعلى لان طالما العربيه لسه ما اتباعتش يبقى الكلام كله هيبقى توقعات الا طبعا الحاجات الظاهريه زى الوسع الداخلى و الشكل و ان كان الشكل اذواق حتى لكن المواصفات الفنيه اكيد هتحتاج تجربه عمليه شويه يعنى ٥ آلاف و لا حتى الف كيلو علشان تقدر تحكم على جميع الجوانب بموضوعيه و بناء عليها تتخذ قرار الشراء

المشاركة الأصلية كتبت بواسطة land_cruiser

اعتقد لسه بدرى قوى على سؤال حضرتك ده. العربيه لسه حتى ما مشيتش فى الشوارع و بالتالى تجارب الناس يا اما قرأت كلام اللى هو فى الاغلب دعايه و بالتالى كلها فى صالح العربيه لان التركيز على المزايا فقط علشان تشتريها او أتيحت لها الفرصة انها تجربها و ده طبعا بيبقى دقائق معدوده و صعب جداً حد يقدر يحكم على العربيه بشكل كامل فى الوقت القليل ده.. يعنى من الاخر لازم تنتظر الى ان يشتريها اى عضو و يعمل عنها تقرير. او تقرأ مواصفاتها و تتفرج عليها و تروح تشتريها و تبقى حضرتك اللى تقولنا ايه الاخبار بعد الاستخدام الفعلى لان طالما العربيه لسه ما اتباعتش يبقى الكلام كله هيبقى توقعات الا طبعا الحاجات الظاهريه زى الوسع الداخلى و الشكل و ان كان الشكل اذواق حتى لكن المواصفات الفنيه اكيد هتحتاج تجربه عمليه شويه يعنى ٥ آلاف و لا حتى الف كيلو علشان تقدر تحكم على جميع الجوانب بموضوعيه و بناء عليها تتخذ قرار الشراء

و الله انا اصلا معترض على شكل الصنى الجديده من بره و من جوه و حاسسها قلبه على صينى اوى معرفش معجبتنيش و رحت قعدت فيها حاستها فكسانه و متستهلش يدفع فيها 100000 الف جنيه ...... يا ريت حد اشتراها يقيمها

بصراحة انا مش فاهم سر الهجوم على العربية أنا شايف أنها أفضل من الموديل القديم كفاية وسع الصالون عوامل الأمان الكاملة موتور أقتصادى فى البنزين والموديل القديم كانت سفاحة بنزين وسعر انا شايفة مناسب أكتر من كده كان هيبقى مبالغ فيه وخصوصا أنها تقفيل مصرى

وبعدين فى نقطه مهمه هو أحنا لازم حد يسرقنا عشان نقول بضاعته كويسه يعنى الناس أللى بتقول السعر القليل يخلى الواحد يشك فى العربية الكيا الريو 1400cc ثمنها أتو اول فئه 104900 جنية فاضية تكيف وباور والأكسنت rb 103000 أتو اول فئه فاضيه تكيف وباور يبقى تسعير الصنى الجديد نقول عليه مناسب يعنى مش كتير ولا قليل ولا ايه