بخصوص الجنوط والكاوتش للفيرنا عن تجربة سابقة
اولا الكاوتش
استلمت العربية بكاوتش للاسا وللامانه هو كان مميز جدا وناعم فى المطبات وفضل لحد 60 الف معايا وكنت سعيد جدا بيه :ma(36):لحد ما ابتدى يقل اصله معايا فكررت انسف حمامى القديم :10_1_104v[1]:
اهم عيوبة نتيجة انه ناعم زى ما قلت كان بيتخرم كتير :B4_095:لدرجة ان كان فية حديدة مسننه فى الارض عديت عليها عن دون قصد فردة اتقسمت نصفين من الجنب قبل ما اكمل 10 الف كم بالعربية يعنى بالمختصر زى ما له عيوبه له مميزاته
المهم بعد ما وصلت بقى لمرحلة التغير قلت اغير جنوط بالمرة وكنت انا وصديق ليا بنغير فى نفس الوقت المهم دورنا وسالنا كتير لحد ما واحد نصحنا نصيحه اقتنعت بيها وهو لاء كان مثر يركب جنوط اسبور ويعرض كاوتش وطبعا بما ان كل الجنوط الى فى مصر صينى مع اول مطب المعلم كله الجنط الى ادام يمين عندة اطبق مع ان الطقم كان غالى ( 1450 ) دة بعد الاكرامية والوسطة الجامدة .اضافة الى انه ابتدى فعلا ان معدل استهلاك البنزين ذاد دة غير صوت المحرك الى على عندة .
انا بقى مهندس قالنا افضل حاجة لو عايزين تجنطوا تركبوا الجنط ال14 بتاع الاتومتيك
وسمعت كلامة وجيبت الجنط الاصلى ال14 كانت الفردة بى 300 جم يعنى الطقم وقف عليا 1200 :36_1_34[1]:
جيت بقى للكاوتش وقررت اركب 14\185\60 المقاس الاصلى بتاع الاتوماتيك وسالت كتير على الاسعار كانت بين 300 و350 للانواع المحترمة وليس الغالية لحد ما صديق قالى عندى انا بقى عارف واحد صاحب محل كاوتش خيرى مغرقة واكيد هيخدمنى ورحنا سالنا الراجل على نوع كنت سال علية بى 320 قالى 280 طبعا طيرت من الفرح بس مش عارف لية قلبى ماكنش مطمن وقلت للراجل على الحقيقة قالى يا استاذ بصراحة فى اوربى وجنوب افريقى والاثنين ميفرقوش عن بعض غير ان الاوربى فعلا بالسعر الى بتقول علية بس بقاله فترة مش بينزل والتجار الى معندهمش ذمة يا الى عندهم متخزن يا بيضحكوا على الناس الى فاهمة ويقوللهم دة اوربى مش جنوب افريقى
وطبعا لانى مكنتش عارف ان انواع الكاوتش فيها اختلاف فى السرعات والفرق بين r و v و t والكلام دة بلعت الطعم زى الباشا:fish10: المهم خد الكاوتش وركبتة على الجنط الجديد والراجل وهو بيرصص قالى بصراحة يا استاذ جنط ربنا يباركلك فيه دة يعتبر مش بياخد رصاص خالص عكس الجنوط الصينى الى بتتلف داير ميدور رصاص :10D5C8w1107: كنت سعيد جدا بالكلام دة طلعت من عندة على مركز خدمة ربط عفشة وغيرت مساعدين بالمرة يعنى دخلتلى فى حسبة 4500 وكنت بمنى النفس انى هركب العربية القيها زيرو من اول وجديد :N_no[1]: وفضلت فعلا اسبوع مكنتش حاسس بقى فرق غير ان العربية عليت شويه على المطبات نتيجة الجنوط والكاوتش والمساعدين بقت انعم من الاول طبعا لحد ما جية يوم كنت مسافر انا واصحابى اسكندرية وبس يا معلم اجيب 140 كم \ الساعه الاقى العربية بتنطط اكنها ماشيه على سوست بدل الكاوتش والعربية لو حاولت اجيب اكتر من كدة احس انها هطير او تنقلب بيا من على الارض دماغى ضربت وحسيت ان الضغط على عندى بعد ما حطيت شقى عمرى فى التجديدة دى والاقى العربية بقت اوحش من الاول :B4_095: وحسيت فعلا بى اكتأب واحد من المجموعه حس بيا وقالى فى اية وانت مش على عادتك واحنا جاين كنت ماشى لوحدك حكيتلة الموضوع بس على الكاوتش قالى دة m اقل سرعه اضافة ان تاريخ انتاجة من 1.5 سنه فاتت جايبته لية من الاساس ؟ ساعتها فهمت قصة السرعات دى واول ما رجعت روحت للمحل الراجل عمل نفسة مش فاهم وقالى ازاى يعنى ما انا طول عمرى بابيعة لشباب زى حضرتك وعمر ما حد اشتكالى منه دة تلاقى الجنط مش مظبوط بس رجعه:tongue32: طبعا لكبر سنه مرديتش افكرة بى قصايد الشعر الى كان بيقولها فى الجنط علشان محرجهوش وعلشان انا ضغتى ما يعلاش ذيادة من اى مناقشة معاه :angry35: قالتله يا حاج انا الكاوتش من الاخر مش مريحنى واعايز ابيعه شوف هتخدة بكام ؟ الراجل بصلى بكل احتكار وقالى قول كدة بقى هههه طيب بس انا طبعا عارف انه لسة زيرو بس من الاخر علشان انت عارف ان دة هيتباع مستعمل اخر معايا 150 جم :waaaht:دة كمان علشان الراجل الى انت جاى من طرفة والله قولتله تمام وقلت فى نفسى الله يحرقك انت وهو .المهم فك الاربع فرد ادام المحل ونتيجة الغيظ وحرقة الدم الى كنت فيها سيبته بيفك فيهم ورحت للراجل الغالى وكان معايا صديقى الى فاهم بص على الكاوتش قالى دة t وتاريخة كمان قريب قالتلة يعنى اية قالى يعنى كويس ويستحمل لحد 200 كم \ساعه المهم ربنا وفقنا واشتريناه ورجعنا لصاحبنا بتاع المحل الاول وخليتة هو الى يركبة وهو بينفخ ومضايق وعامل من بنها وبيقولى يعنى اية الفرق ساعتها اتأكدت ان هو شخصيا عبيط ومش فاهم شغلة وعديت التجربة تانى يوم مباشرة علشان اتأكدت ان فلوسى مارحتش على الارض وفعلا وقتها بس حسيت ان العربية اختلفت معايا جامد :Bravo:
الخلاصة
-رأى التقنى او المتخصص اهم من راى ولو كان على عكس هاويا
-مش كل المعارف بتنفع ساعات بتغرق
- الحفاظ على مواصفات العربية الاصلية افضل 100 مرة من محاوله تغير اى حاجة فيها حتى لو كانت هتخلى شكلها افضل .:eyecancer: