الموضوع: مشــكلة فى الدبــانــة bmw e36

نصيحة منصور محترم جدا وامين وهتاخد من عنده شغل كويس والميكانيكي اللي انت رحتله ده نصاب اخره 20 جنيه وانت غلطان انك سكتتله المفروض تاخد حاجتك 150 جنيه في اخد هوا ده استهبال رسمي واللا عشان شافك راكب عربية نضيفة

الهواء ده بيطلع من مسمار في الرادياتير !! 150 جنية اية الي خدهم !!! بص منصور انا مبرتحلوش وهمل كام موقف كده معانا مش قد كده و في ناس مرتاحة معاة

المشاركة الأصلية كتبت بواسطة tareksakr

نصيحة منصور محترم جدا وامين وهتاخد من عنده شغل كويس والميكانيكي اللي انت رحتله ده نصاب اخره 20 جنيه وانت غلطان انك سكتتله المفروض تاخد حاجتك 150 جنيه في اخد هوا ده استهبال رسمي واللا عشان شافك راكب عربية نضيفة

هو على فكرة يظهر لما الناس بتشوفك راكب عربية حلوة , شهيتهم للمال بتفتح , حتى فى الحرفين لأحظت انهم بيضربوا الحاجة فى الضعف عشان لما تفاصل يبقى هو بردوا كسبان ... وعلى فكرة الراجل الميكانيكى ده أنا مش هاسيبوا ولأ هسيب حاجتى عنده , بس صدقنى ياصحبى الناس اللى زى ديه ماينفعش تروح تكلمهم وتعاتبهم لوحدك فلأزم يبقى معاك ناس عشان تغلطوا ويعرفوا أنه كتير أوى اللى بيطلبوا ده وأسمه طمع , وبكرة أن شاء الله أنا رايح له ومعايا ناس صحابى

المشاركة الأصلية كتبت بواسطة legend_mohsen

الهواء ده بيطلع من مسمار في الرادياتير !! 150 جنية اية الي خدهم !!! بص منصور انا مبرتحلوش وهمل كام موقف كده معانا مش قد كده و في ناس مرتاحة معاة

هلى فكرة هو صاحب العربية بردوا بعدها قال لى نفس الكلأم بخصوص المسمار ده بس بعد أيه بقى , بعد ما طلعت عينى على الدائرى .
بخصوص منصور كلأمك ده بيأكد أن الورش المتخصصة أحسن.

المشاركة الأصلية كتبت بواسطة medo20000

إنزل الحرفيين عند عيد سعيد راجل بيتقى ربنا بس هو برضه أسعاره غالية ..يعنى إعمل حسابك مصنعية الحاجات اللى بتتكلم عليها دى هاتعدى 500 جنيه ...وفى كمان واحد كهربائى إسمه صابر فى الشارع اللى وراه شاطر ..

أووف , يادين النبى ,, مصنعية 500 جنيه على شوية حاجات تتظبط !!!!!!!!,,طب لو الموتور جايب وش سليندر وهايحل ويربط يبقى هايخد منى كام ؟!!!,, لأ ياعم دا منصور أرحم
شوف انا هامسك العصايا من النص وهاروح منصور عشان يكشف لى عليها الأول بالجهاز عشان يجيب لى من الأخر اللى فيها قبل ما أصرف عليها كتير وأوجع دماغى .. وعامتاً أنا شاكر جداً على النصيحة

لو هتروح لمنصور عد صوابعك وراه و خليك واقف على عربيتك و متسيبهاش لأن ممكن يفك نفس القطعة و يركبهالك هيا هيا الي هيا بتاعتك أصلا و فاككها من عربيتك و يحاسبك عليها و حاجات كتير من هذا القبيل , انا عندي واحد صحبي راحلوا قالوا العربية مش بتجري كانت e36 320 قالوا طبعا علشان مركب فتيس 4 سلندر ,لازم تركب فتيس 6 سلندر و أخد 800 جنيه و ركبلوا فتيس 4 سلندر تاني !!!! و لما قابلت صاحبي بعديها بفترة بيحكيلي مكانشي عارف أصلا نزلنا تحت العربية و أخجنا رقم الفتيس و شوفنا رقم الفتيس اللي كان راكب اللس شالوا و حاطوا عندوا في الجراج طلع هوا هوا !!! يعني صباح الاشتغالات (أول مرو أسمع حد بيقول عليه أمين دا مثال للسرقة و النصب ) ..... نصيحة عامة مفيش أو قليلين جدا الميكانيكية الأمينة