الموضوع: تجربة مطعم ام حسن

المشاركة الأصلية كتبت بواسطة mrrami

السلام عليكم
يا ايها الاخ الكريم بالله عليك انا كنت هناك واسف اقول ان الكلام ده مش صحيح لان انا اكلت عندهم بالعند حاجات كتير والله والله هم انضف من البرنس بكتيييييييييييييييييييييي ير والمطعم اسعاره معقوله والجو فيه عائلي احسن من قعدت الشارع بتاعت البرنس والخدمه خدمة مطاعم مش خدمة قهاوي انا حبيت ارد لان بصراحه الحق يجب ان يقال وانا بصراحه من بعد الثوره وانا بزعل لما الاقي حد ناجح وحد بيحاربه او يهاجمه ممكن نقول كلام كتير بس لازم فناخد في اعتبارنا ان الناس دي اجتهدت وعملت شغل وعلي فكره انا روحت اكتر من مره بالرغم من اني من سكان الشيخ زايد وعلي فكره انا شوفت السجق والراجل لما اعترضت عليه عشان اشوف رد فعله عرض علي يوديني المطبخ ويوريني المنتجات بتاعتهم وهي متعبيه بالوزن وبالمناسبه انا النهارده كنت عندهم و فضلت مستني ترابيزه تفضي اكتر من نص ساعه وكنت متابع الزباين الي خرجين وهم بيشكرو الشيف اليواقف والمدير الي معاه
عموما انت لازم تروح تاني يمكن تغير رئيك بالمناسبه الاسعار الي انت قولتها مش مظبوطه وطاجن العكاوي عند البرنس ب75 جنيه وعندهم ب 70 والسلطه عند البرنس سيئه واجباري اما عندهم جامده واختياري

مبدأيا يا باشا انا ما هجامتوش من فراغ
انا حكيت اللي حصل معايا وقدامي
والله وقت مارحت كان اقل من ربع الطرابيزات بس هي اللي مليانة
وبالنسبة للطاجن اللي جالي زي ماحكيتلك والله اللحمة محروقة وعينات مع شوية فريك لايذكر مش جايب كله على بعضه ثلث الطاجن ولما خدوه بص الولد فيه وما اعترضش بكلمة
واللي حصل مع الناس اللي جنبي ده اللي حكيته بالظبط
بالنسبة للاسعار هو فعلا اغلى وبعدين ايه موضوع 12% ده ؟
بالنسبة لمكان البرنس واعتراضك عليه الاكلة دي اصلا شعبية فلازم يكون المكان شعبي بس ما يوصلش لدرجة البئية انا بخصوص ام حسن ولا تحسه شعبي ولا مودرن كوكتيل كده بايخ ملوش طعم (وجهة نظر شخصية)