تعمل ايه لو كنت مكانى

**mokelanos** · 19-06-2008 05:47 AM

امامى عربيه لانوس 2006 فاضيه حاله شاذه عامله 6000 كيلو تحفه فعلا سعرها 54000 ما فيهاش الا خربوشين من بره كلها فبريكه
ومتردد استنى واشوف عربيه نفس الموديل بس كامله
بس العربيات اللى فى السوق مشكله اما مضروبه أو سعرها غير واقعى
ولو عربيه نفس الموديل كامله تعمل كام تقريبا

**memo_hefnawy** · 19-06-2008 07:48 AM

إكشف عليها كويس متخليش المظهر يخدعك (سمكرى و ميكانيكى) العداد سهل يتلعب فيه و إنت عارف الباقى

طلعت كويسه إتوكل على الله بس إتأكد لأن موضوع 6000 كم ده مش عارف بقى منتشر فى اللانوس بشكل يثير القلق

**ahmedsamir79** · 19-06-2008 08:37 AM

فعلا العداد بيتلعب فيه
في ورشه في الأسكندريه بتعمل كده(تلعب في العداد و تكيس الفرش و حتي كمان عندهم ريحها بتترش شبه العربيات الزيرو)
خلي بالك كويس

**Mido80** · 19-06-2008 08:37 AM

اولا افحص السيارة بنفسك شوف دواخلها راشة ولا لا وافتح الكبوت وشوفها راشة ولا لا وبعد كدة اطلع جربها وشوف الكبالن بتاعتها بتعمل صوت ولا لا لما تطلع سريع وانت لافف الدريكسيون شمال او يمين وبص علي الموتور شوفة بيسرب زيت ولا لا وشوف الحرارة بتاعتها بتعلي ولا عادية و بعد كدة خلي واحد ميكانيكي يبصلك علي المكنة والجير بتوع السيارة ويعيد فحص اللي انت فحصتة عشان هما بيكون لهم راي غيرنا...وربنا ييسرلك الحال وتطلع نظيفة بس حاول تنزل معاة شوية في السعر

**kh_talaat** · 19-06-2008 08:44 AM

موديل 2006 وعاملة 6000 كم دة قليل قوي ، عن تجربة أقل عربية في الطبيعي بتعمل من 8000 إلأى 10000 كم في السنة ، إتأكد من العربية كويس وحالتها ومتتسرعش

**mokelanos** · 19-06-2008 02:44 PM

بعد ما شفت العربيه هاف اوبشن
وشفت العربيات الكامله
لقيت الفرق كبييييييييير
هو الواحد حيشترى عربيه كل يوم

**Rsarabia** · 19-06-2008 04:48 PM

انا لو منك مخدهاش و استنى لحد ما الاقى عربية كاملة و بسعر اقل كمان من دى و مش مشكلة ماشية قليل لان العبرة مش بماشية كام العبرة بحالة العربية ممكن تلاقى عربية ماشية كتير بس حالتها كويسة و الموتور ممتاز و الصالون رائع لان صاحبها بيحافظ عليها و بيعملها صيانة و اهم حاجة و انت بتشترى تشوف دواخل العربية سيبك من رفرف محكوك او باب مرشوش ما العربيات كلها محكوكة و مخبوطة احنا فى مصر مش فى امريكا المهم ان الدواخل تبقى دواخل المصنع :)