الموضوع: ازاى اروح نادى المقاولون العرب ونادى وادى دجله من المرج الجديدة

المشاركة الأصلية كتبت بواسطة salem omar

السلام عليكم ورحمة الله وبركاته

تحيه طيبه لحضراتكم وبعد

اولا اشكر حضراتم على مساعدتك الاعضاء وتسهيل الوصول لاشغالهم وغيرها...

وطلبى هو كيفية الوصول لنادى المقاولون العرب ونادى وادى دجله عن طريق المرج الجديدة

تحياتى لحضراتكم مقدما


انتظر رد احد اخوانى الافاضل

نادى وادى دجله
الطريق بالمواصلات:
تركب حضرتك مترو الانفاق وتنزل محطه المعادى
وتركب ميكروباص زهراء المعادى بس هتنزل تمشى شويه والافضل ان حضرتك تركب التاكسى لغايه النادى
والنادى قريب من محميه وادى دجله ومركز السبع لصيانه السيارات

لو بالسياره:
حضرتك هتركب الدائرى من المرج الجديده اتجاه السويس ومصر الجديده وهتفضل ماشى فى الطريق وتعدى على ثلاثه انفاق( نفق السلام ) ( نفق القاهره الجديده 1 ) نفق القاهره الجديده2) وتظل سائرأً حتى ابراج سما بعدها تعمل حسابك تكون فى اليمين عشان هتنزل نزله كافور يمين وتمشى مع العربيات لغايه ماتوصل زهراء المعادى تدخل يمين ومع اول يوترن تلف شمال واى شارع يمينك هيوصلك لنادى وادى دجله

بالنسبه لنادى المقاولون العرب :
الطريق بالمواصلات:
المواصلات كتيره بس كلها تعب وافضلها ان حضرتك تركب لغايه العباسيه ومن العباسيه فى مواصلات بتروج ناحيه مستتشفى الماولين والنادى ومنها اتوبيسات بس للاسف مش عارف ارقامهم

لو بالسياره:
حضرتك هتركب الدائرى من المرج الجديده اتجاه السويس ومصر الجديده وتنزل نزله الماظه وتمشى لغايه شركه ايديال وتلف اليوترن شمالى اللى قدامها وترجع تدخل الاتوستراد لغايه نادى المقاولين هيه لفه كبيره شويه بس كدا بتبعد عن زحمه المرج وعيين شمس والمطريه وحداق القبه والعباسيه والحتت الزحمه دى

لك تحياتى

وتوصل بالف سلامه