opel astra

**motaz60002003** · 15-06-2012 12:57 AM

انا عايز اشترى اوبل استرا 2004 الى 2006 1.6 ياريت الى معاه العربه ده يقولى ايه عيوبها وتجاربهم مع هذه العربيه لانى فعلا ناوى اشتريها ياريت الرد عليا

**Mamoud salah H** · 19-06-2012 08:21 PM

العربية دي انا كنت هشتريها من حوالي شهر هي جميلة جدا من ناحية الكماليات والموتور والثبات رائع بس بعد لما سئلت عن قطع غيارها غاليييييييييييييية اوي وفي حاجات صعب تلاقيها فلو مستعد تغامر في موضوع قطع الغيار دة يبقي توكل انما لو مش غاوي لف ودوران ابعد عنها بس هي كعربية جكيلة جدا وناعمة اوي وبرضو استنا باقي الاراء

**Mamoud salah H** · 19-06-2012 08:26 PM

بس انا راي دور علي فيكترا موديل 2000:2003 عربية مفيش بعد كدة ثبات وهم وقوة ومتانة وشكل وكل حاجة فيها اهم حاجى تكون 2000cc موتور eco-tec 137 حصان حاجة كدة وهم وصاروخ وايتهلاكة للبنزين معقول جدا بقضل التكنولوجيا بتاعت الموتور 4 رشاشات وهتلااقيها في نقس سعر الاسترا وهي احسن واكبر وافضل

**tananybasha** · 19-06-2012 11:02 PM

عربية ممتازه
قطع غيارها موجوده
و مش غالية قوى على ما اتذكر
هى برازيلى
عشان كده المقرف اللى فيها الكنترولات بوجه عام

**Mostafa.Ismail** · 20-06-2012 02:59 AM

كمان التكييف بتاعها عادى مش تلاجة زى العربيات اليابانى :(

**motaz60002003** · 22-06-2012 02:49 AM

المشاركة الأصلية كتبت بواسطة mostafa.ismail

بص دى مشاركات قديمة ليا كنت برد على اسئلة ناس (انا مش خبير عربيات انا بنقل تجربتى فقط :) )

-----------------------------------------------
- اولاانا عربيتى شاريها من قريب ليا عايش فى اسكندرية كانت عاملة 48 الف كيلو ومكان كانت مرفوعة سنتين وكام شهر وقريبى دة بية كدة ومش بتاع بهدلة عربيات. بس العربية فعلا فيها شوية صدا مش بارومة يعنى بالمعنى فى الاربع رفارف (فى الحرف الداخلى من الرفرف) حاجة كدة بشكل عشوائى وبسيط جدا ... + حتة صدا حوالى 1 سنتيمتر فى السقف من بين السقف والزجاج الخلفى ودى بردوا حاجة لا تذكر. واعتقد ان دة بسبب جو اسكندرية!

- ثانيا الكمبيوتر ... انا الحمد لله مقابنيش مشكة لحد دلوقتى.

- ثالثا البنزين ... العربيه فى احسن حالاتها بتستهلك 1 ليتر لكل من 10 الى 12 كيلو ودى اقصى حاجة وصلتلها ... ومرة واحدة فولت من امارات مصر ورحت اسكندرية عملت 550 كيلو وعمرها محصلت تانى :)

- اخيرا العربية هايلة بس فيها شوية حاجات مش هاتعجبك لو انت كنت راكب يابانى قبلها :
1- العفشة مش ناعمة بمقارنة باليابانى.
2- العربية طلعتها تقيلة شوية بس بعد كدة بتبقى وحش ..
3- صوت الموتور عالى نسبيا بس صوت ممتع (والصوت قل بشكل ملحوظ لما استخدمت زيت شل)

غير كدة قطع الغيار موجودة جديد بالهبل ... بس مش هتلاقى حاجات استيراد ليها. (على الاقل موديل 2004)

بشكل عام العربية هايلة ممكن تشتريها وتقنيها كمان.

----------------------------------------------------------------------
العربية زى الفل عمرها معملت حاجة غريبة من اللى بسمعها ... هيا دلوقتى عاملة 120 الف وزى الفل.

انا بعمل صيانة دورية فى مقار اللى فى الدقى وبعاملها كويس جدا وساعات كتير بجرى بيها فوق 140 على الدائرى (انا شغلى فى مدينة نصر) تقريبا كل يوم يعنى.

من وجهة نظرى عيوبها بقى:
1- طلعتها تقيلة شوية بس شوية ملحوظين.
2- لو معملتش صيانة فى الميعاد بلاقى صوت الموتور على.
3- مكان الكلكس فى الدركسيون بيتقطع.
4- استهلاك البنزين عادى مش موفرة اوى. (10 ك\ليتر)

دة كل اللى اعرفة عنها بس اقدر اقولل انها بجد عربية تحفة. انا اخويا كان معاة لانسر 2005 وبعدين جاب كيا ريو 2009 الفرق جبار جدا.

اة نسيت هيا برازيلى فعلا وبتنزل هناك باسم شيفورلية استرا.
---------------------------------------------------------------------------

يارب اكون افادتك انا عارف الحيرة بتاعت ما قبل الشراء .... الله يكون فى عونك.

الف شكر على اهتمامك بالموضوع