عاوز اركن!!!!!!! @$#@$ الركنة

**bido600** · 15-06-2012 02:51 AM

عارفين المثل اللي بيقول
البيت بيت ابونا والغرب بيطرودونا
اهو انا ينطبق عليا المثل دا
وعاوز مساعدة واراء يا ريت عشان اتخنقت

انا ساكن في شارع متفرع من شارع الهرم
الشارع دا متفرع من شوارع صغيرة يمين وشمال وكل شارع فيهم سد زي الصورة دي كدا
معلش هي اي كلام شويتين

وكل شارع فيه عمارة او اتنين
عندنا في شارعنا فيه عمارتين
الناس اللي قدامنا عندهم عربيتين بيتركنو عادي جدا
وفيه ناس نعرفهم مخلينهم يركنو عادي جدا
احنا دلوقتي عندنا عربية في الجراج و3 برة وكل واحدة فيهم ليها مكان في الشارع ومتحدد ومعروف
وكدا الشارع تمام الرصيف من الناحيتين فيهم عربيات
فلو حد حب يركن لازم يركن في وسط الشارع ويقفل علي الكل

فيه ناس معندهمش اي ريحة الدم ولا الاخلاق ولا الضمين بيجو يركنو العربيات في نص الشارع كدا ويمشوا ويسيوبوها
وساعات كتير يجو يركنو قدام الجراج وماشيين
والمصيبة بقي انهم بيركنو قدام باب العمارة وبيلزقو ومحدش بيعرف ينزل
ومش عارف اعمل اية بجد اتخنقت
يعني يبقي شارعنا عند بيتنا ومش عارفين نركن

ومن شوية للاسف لسة متخانق
خرجنا كلنا فمكان العريبت كله فضي لقينا ناس من اماكن تانية منعرفهمش جايين يركنو بلطجة
رحنا قفلنا عليهم جم يدورو علينا انا بقي مش نازل قعدو يخبطو علي العربية والكلام دا وفي الاخر زقو العربية ازاي معرفش وطلعو منها

وقبل كدة نازل من بيتنا الساعة 6 الصبح عشان امتحاني
الاقي واحد راكن في نص الشارع وخليت بوابهم ينادية لقيت البواب نازل الساعة 7 بيقولي معلش اصلة نايم ومرداش يفتح
طيب يعني اسيب العربية واروح مواصلات عشان الباشا اللي راكن في الشارع بتاعي وراكن غلط وقافل الطريق نايم ومش راضي يصحي ؟

وكل يوم من دا
مش عارف بقي الغلط علي مين البواب عندنا طبعا في الطناش مسافر وسايب مراتة واكتر من مرة اقولها اشمعني الشارع اللي قدامنا مفيش حد يستجري يركن فيه واحنا عندنا عادي وازعق

ولا مني عشان مجبتش للي بيركن الكوتشات علي الارض
ولا اعمل جنزير علي الشارع من اولة بس بقول افرض جه ضيوف هنزل كل شوية ولا اعمل اية
دلوقتي
انا قافل علي عربية راكنة مكاني وقدام الجراج وموسطنة كمان يعني لو ركن كويس هعرف اركن وقافل علي باب الجراج
رحت قافل قدامها بعربية نقل ووراها بعربيتي ومش هيعرف يطلع
ومصدقت لقيتة لانو دا اللي خلاني اروح الامتحان موصلات عشان البيه نايم
والعربية التانية قافل الشارع بعربية موقفها بالعرض والباقي في وسط الشارع
وحالف لفضل حابس العربيتين دول اسبوع

عاوز حل بجد عشان انا اتخنقت وكل يوم خناقات وزفت
معلش طولت عليكم

**Screenplays** · 15-06-2012 02:55 AM

لا يوجد حل الا بتغيير هذا الشعب التيت

**mazher_m** · 15-06-2012 03:06 AM

حاول تبعد عن المشاكل واتعود علي الوضع علشان متخنقش نفسك كل يوم
ربنا يعينك

**bido600** · 15-06-2012 03:09 AM

المشاركة الأصلية كتبت بواسطة screenplays

لا يوجد حل الا بتغيير هذا الشعب التيت

مهو فعلا مفيش اي ادني ريحة الزوق ولا الدم
طيب افرض فيه حدا تعبان وعاوزين نودية المستشفي نطلع ازاي

والمشكلة ان مفيش حد فيهم يستجري يركن في الشارع اللي قدامنا ولا اي شارع تاني
والناس اللي قدامنا مش متضررين عشان مش بيخرجو اصلا
لكن احنا
انا بروح كليتي واخويا بيروح شغله ووالدي بيروح شغلة
وكل يوم احرق دمي
واتخانق
والبواب عندنا في الاستبحس

فمش عارف اتعامل ازاي مع الناس دي والله

**bido600** · 15-06-2012 03:13 AM

المشاركة الأصلية كتبت بواسطة mazher_m

حاول تبعد عن المشاكل واتعود علي الوضع علشان متخنقش نفسك كل يوم
ربنا يعينك

مهو انا عاوز ابعض عن المشاكل
بس اتعود علي انهي وضع يا فندم
تخيل حضرتك عندك جراجك ولما تيجي تركن فيه تلاقي عربية واقف قدام بابة وعادي جدا هتركن بعيد ؟ انا عن نفسي مش هركن بعيد لان دا حقي

ولا تيجي طالع يا فندم تلاقي اللي سادد عليك تسيب العربية وتقوم واخدها مواصلات عشان الباشا نايم ؟

والمشكلة ان الشارع دا خاص يعني سد ومش بيودي غير للعمارة بتاعتنا والتانية يعني من ابسط حقوقي اني اعرف اركن فية

**HeMa_LanCeR** · 15-06-2012 03:20 AM

قلم دوكو محترم واكتبلة علي الزجاج بكل ذوق وادب
برجاء الأعتناء جراج خاص يا محترم

تاني مرة هيبقي في كلام تاني
اسألني انا :)

**HeMa_LanCeR** · 15-06-2012 03:21 AM

ولا اقولك اعمل حديد في نص الشارع واشتري دماغك
وادي نسخة للناس اللي في العمارة اللي قدامك

**bido600** · 15-06-2012 03:26 AM

المشاركة الأصلية كتبت بواسطة hema_lancer

قلم دوكو محترم واكتبلة علي الزجاج بكل ذوق وادب
برجاء الأعتناء جراج خاص يا محترم

تاني مرة هيبقي في كلام تاني
اسألني انا :)

عملتها مرة كتبتلة ورقة مرة
الرجاء عدم الركن امام الجراج او باب البيت عشان فيه ناس ساكنين فية وساعات بيحبو ينزلو ويطلعو
ولا حياه لمن تنادي
بردة نفس الركنة الباردة بتاعت كل مرة اللي هو ارميها في اي حتة واجري
وحكايةالسلسلة دي هي اللي بفكر اعملها بعرض الشرع ونسخة للناس اللي قدامنا
بس الخوف بقي يجي واحد ساذج اللي هو نفس الراجل ويركن ورا السلسلة ويسد الشارع من بردة او حد يجي يشيلها

**Screenplays** · 15-06-2012 04:08 AM

يبقي مفيش غير قله الادب

الساعه 3 بليل كده تتسلل في صمت الي شارع و انت معاك سكينه و تجيب فرد العربيه علي الارض

و هكذا دواليك لحد ما يعرف ان الله حق

و يا سلام لو تدلق علي العربيه جردل بويه بس يكون بلون مختلف خالص

صاحبها هيبطل يركب عربيات من اساسه

**bido600** · 15-06-2012 04:12 AM

المشاركة الأصلية كتبت بواسطة screenplays

يبقي مفيش غير قله الادب

الساعه 3 بليل كده تتسلل في صمت الي شارع و انت معاك سكينه و تجيب فرد العربيه علي الارض

و هكذا دواليك لحد ما يعرف ان الله حق

و يا سلام لو تدلق علي العربيه جردل بويه بس يكون بلون مختلف خالص

صاحبها هيبطل يركب عربيات من اساسه

الله عليك
هو دا اللي كنت بفكر فيه دلوقتي
بس كنت عاوز اعملو حاجة تحرق قلبة علي العربية قوي
وبفكر في فكرة شريرة

الموضوع: عاوز اركن!!!!!!! @$#@$ الركنة

LinkBack

أدوات الموضوع

عرض

عاوز اركن!!!!!!! @$#@$ الركنة - انشر الموضوع فى :

-

-

-

-

-

-

المواضيع المتشابهه

تحذير من الركنة فى الممنوع

بلطجة فى الركنة

التكييف بعد الركنة 3 أيام

من عبود عاوز اروح موقف احمد حلمى و اركن فى الباركينج الخاص بالمحطة

افرحوا ياجماعة اهي صدت من كتر الركنة .....

الكلمات الدلالية لهذا الموضوع

المفضلات

المفضلات

ضوابط المشاركة