خريج تجارة .. يستعد ازاي لسوق العمل ؟!

**AhMeD EzZ** · 15-06-2012 05:36 AM

بما ان. الواحد خلاص فاضلة.سنة و يتخرج و كدة كدة الواجد بيخرج مش عارف اي حاجة في حاجة

غير العدد الرهيب الي بيتخرج من تجارة سنويا في ظل ظروف سوق العمل المهببة الي احنا فيها دي

لازم الواحد يكون مميز جدا في مجالة عشاو يلاقي فرص. محترمة تاهلة لحياة كريمة

فانا عايز استغل السنة دي عشان.اعمل حاجة تفيدي بعد,كده

طبعاا الاساسي كورس انجلش بس الباقي ايه

الوزحد مش عارف يدرس ايه لا يدرس ايه

**Mostafa.Mahran** · 15-06-2012 06:25 AM

تدور على حد واسطة يشغلك فى مكان كويس

**Screenplays** · 15-06-2012 06:32 AM

بص انا مش عايز احبطك

انا متخرج في 2008 و اخد كورسات icdl و انجليزي و ملهاش اي لزمه و اتمرمطت سنتين في الشغل عشان اعمل قرشين و افتحلي شركه و الحمد لله فتحتها و مشت العمليه و لكن الثوره قامت و اتقفلت

ما علينا مش ده موضوعنا

اللي عايز اوصلهولك انك لازم تتعب عشان توصل بس كده

لازم يبقي الانجليزي بتاعك كويس و ده ليك و طبعا لازم تاخد توفيل اثباتا لاجادتك في الانجليزي

لو معاك واسطه تشغلك في بنك و لا في اي مصلحه توكل علي الله
غير كده هتشتغل في مجالات ملهاش علاقه بدارسه و هتتبهدل كام سنه عقبال ما تعرف تعمل مصلحه
و برضه مش هيبقي ليها علاقه بدراستك

انا فتحت شركه ويب هوست مع ان مليش في الكومبيوتر اصلا و لا النت بس كانوا معايا شركاء فاهمين الحمد لله

و يارب اكون افدتك

**beshomilan** · 15-06-2012 10:43 AM

اول حاجة الانجلش تهتم بيه جدا مش هوصيك طبعا
تانى حاجة كورس اوفيس 2010 ولازم تكون بتعرف تشتغل على الاوفس 2003 و 2007 و 2010
تالت حاجة عندك مجالات كتير ممكن تشتغلها زى كول سنتر او خدمة عملاء او ريسبشن ودى مجالات ممكن تشتغلها وانت خريج اى كليه
وبالنسبه لتجاره عندك سيلز اوت دور فى البنوك فقط ومتشتغلش غيرها سيلز اوت دور فى اى مكان تانى
وحسابات وكل متكون محترف فى برامج الحسابات اكتر كل ماهتروح اماكن اكبر وتاخد مرتب اكبر

كل ده نابع من تجارب شخصيه وشغل فأكتر من 20 مكان مختلف الدرجات وجربت كل انواع الشغل يعنى سيلز داخلى وخارجى وخدمة عملاء واستقبال وكول سنتر ومنسق تدريب و اداره و hr ومدرب كورسات ومنسق ديكور..وكلهم ملهمش علاقة ببعض
يس هنعمل ايه..بلدنا عايزة كده

**aatif** · 15-06-2012 12:55 PM

بص ياسيدى انا هنصحك نصيحة لوجه الله ويمكن كتير يستغربو
باشا انت لازم تدرس انجليزى كويس اوى اوى وبعد كده تاخد كام كورس فى it والبرمجة و اول ما تتخرج تروح تقدم فى منحة بتاع وزارة الأتصالات معهد اسمه iti وليه موقع على النت والتقديم على النت برضه وده بيبقى فى شهر 8 كل سنة
هتروح ويعملولك مقابلة وانت اختار ان مجالك يكون حاجه اسمها erp لأن ده المجال الوحيد اللى بيبقبلو فيه تجاره
المهم المعهد ده دراسة تسع شهور وبتطلع تشتغل بمرتب لا يقل على 3 الاف جنيه وفى مكان محترم
انا عارف انه هيكون قرار صعب ان انت تدرس تانى وتغير طبيعة دراستك بالكامل بس صدقنى انا اتحايلت على اخويا اللى هوا خريج تجارة برضه انه يعمل كده لمدة سنتين اتمرمط فيهم اخر مرمطة لحد ما سمع كلامى ودخل المنحة دى ودلوقتى الحمد لله ربنا فتح عليه

اتمنى انى اكون افدتك وربنا يقدم اللى فيه الخير

**AhMeD EzZ** · 15-06-2012 02:19 PM

المشاركة الأصلية كتبت بواسطة aatif

بص ياسيدى انا هنصحك نصيحة لوجه الله ويمكن كتير يستغربو
باشا انت لازم تدرس انجليزى كويس اوى اوى وبعد كده تاخد كام كورس فى it والبرمجة و اول ما تتخرج تروح تقدم فى منحة بتاع وزارة الأتصالات معهد اسمه iti وليه موقع على النت والتقديم على النت برضه وده بيبقى فى شهر 8 كل سنة
هتروح ويعملولك مقابلة وانت اختار ان مجالك يكون حاجه اسمها erp لأن ده المجال الوحيد اللى بيبقبلو فيه تجاره
المهم المعهد ده دراسة تسع شهور وبتطلع تشتغل بمرتب لا يقل على 3 الاف جنيه وفى مكان محترم
انا عارف انه هيكون قرار صعب ان انت تدرس تانى وتغير طبيعة دراستك بالكامل بس صدقنى انا اتحايلت على اخويا اللى هوا خريج تجارة برضه انه يعمل كده لمدة سنتين اتمرمط فيهم اخر مرمطة لحد ما سمع كلامى ودخل المنحة دى ودلوقتى الحمد لله ربنا فتح عليه

اتمنى انى اكون افدتك وربنا يقدم اللى فيه الخير

متشكر لحضرتك جدا

بس كورسات ايه تحديدا في الاي تي ؟

**م/مصطفى محمود** · 15-06-2012 02:30 PM

بص فى جروب اسمة معا Maaan 2007 أدخل علية على الياهو وإحضر محاضراتهم (بيعملوا محاضرة اسبوعية) الجروب ده هيفيدك جدا جدا جدا جدا ، دول شباب زينا بيجمعوا المنح والفرص الكويسة وينشروها مع بعض وبيعملوا ورش عمل يزاكروا مع بعض حاجات زي CMA و GMAT وكده

وبتوع تجارة عاملين احلى شغل هناك