-
قربة المياه
السلام عليكم ورحمة الله وبركاته بعد ما عملت صيانة ال 5000 في فرع سموحه كان مستوي المياه الخضراء في القربه أعلى من الماكس حاجه بسيطه ولاحظت إنها كل شويه بتنقص حاجه بسيطه دلوقتي أنا بقالي أسبوع بعد الصيانه ومستوى المياه أعلى من النصف شويه فهل حد عنده تفسير للموضوع ده يا جماعه ؟
-
أنا أنصحك تروح التوكيل أو تكلمهم لأن دورة المياه السليمه المياه متنقص فيها ابداااااااااااااااااااااا اااااااا......لو التوكيل قالك عادي فهمه أنك عارف أنه مش عادي....زيت الموتور هو اللي بينقص وله نسبه لو زاد عنها يبقي برضه في مشكله
-
طيب هل نقصان المياه ده هل ممكن يكون ليه علاقه بوجود هواء مثلا في دورة التبريد أو هما في التوكيل حطو مياه خضراء مخففه فيها مياه يعني
-
الماية بتنقص وبتزيد على حسب درجة حرارة العربية يعنى مش شرط تكون ثابتة عند نقطة معينة
لكن الشرط الوحيد انها لا تعلى عن علامة max ولا تقل عن علامة min
-
والله أنا شايف إنها مش بتزيد خالص هيا عماله بتنقص لكن إللي لفت نظري إن التوكيل كان مزودها بعد علامة الماكس بشويه صغيرين هل التوكيل عامل حساب إنها هتنقص شويه مش عارف بصراحه ؟
-
خليك متابعها شوية بس وهى العربية باردة فى كل مرة قبل ما تدور الصبح بص عليها لو لاقيتها بتنقص شوية بشوية روح اكشف عليها فى التوكيل
والفيصل انها ما تقلش عن علامة ال min لو مش بتقل يبقى تمام لو بتقرب اكتر من علامة ال min يبقى الكشف اسلم حل
Content Relevant URLs by
vBSEO 3.6.0 PL2