الموضوع: دعوة الى الاعضاء لانتخاب محمد مرسى

الكلام بيكون ليه قدرة السحر لما يكون اللي قدامك جاهل او ساذج
لكن مااظنش ابدا ان يكون بالمفعول ده مع شباب واعي وعلي قدر من التعليم والثقافه
وانا مااقصدكش انت

السلام عليكم حمه الله
انا لست من اتباع الاخوان ولكن بعد الذى حصل منذ يومين من حيث اعطاء الضبطيه القضائيه للشرطه العسكريه ونزول عدد من سيارات الاسعاف حول المحكمه الدستوريه كل ذلك قبل النظق بالحكم بيوم ليس له سوى معنى واحد ان القضاء لدينا مازال مخترق لانهم يدرون بمنطوق الحكم لانهم هم من صاغوه لصالح استمرار نظامهم وان نظام مبارك مازال وان المجلس العسكرى هو اساس كل مشاكل البلد خلال السنه والنصف الماضيه لانهم امتداد لمبارك ونظامه.
ولذلك سوف انزل انا وكل عائلتى لانتخاب مرسى إن شاء الله وسوف اقف خلف الاخوان للانهاء النظام القديم باذن الله - ودعنا نرى اذا حاول العسكر تزوير الانتخابات فهذه تعتبر النهايه لهم
كفايه غش وخداع وسرقه ونهب.
لا اعتقد ان الاخون سوف يكونوا بنفس فساد مبارك ونظامه.

يا جماعه ماينفعش تقاطع .. لو قاطعت تبقى إنت كده بالضبط كأنك إديت صوت لشفيق .. أنا مش مع الأخوان و بالنسبالى أخطئوا كثير .. و أنا لما هنزل أصوت لمرسى مش هصوت للأخوان .. أنا هصوت للأداة الى هتسقط النظام و تحقق هدف الثوره من أول يوم و هو إسقاط النظام .. إنما سكوتك يبقى إنت كأنك بلا وجود .. ولم تؤثر بل أضريت ...

إفتكر إنك بتقصر فى حق نفسك و أولادك و أهلك و فى حق كل شهيد إستشهد علشان يديك المكان ده إنك تقرر .. ياتدوس عليه يا تقف فى صفه و تخليه يرتاح و يعرف إن دمه مارحش هدر

أنا لو قدام شفيق أى حد هنتخبه فقط علشان يحقق هدف الثوره و يكون اداه ضد النظام الى بيحاول بكل شراسه إنه يرجع أوسخ و أوسخ و أوسخ من الأول ..

سؤالين سمعتهم كثير قوى اليومين دول و إجابتهم علشان الناس تتدبر قبل ما تندفع و تتكلم:

س1 - لما الاخوان أخدوا البرلمان ..كان ليه الاصرار على رئيس منهم و لما ما نفعش الشاطر قالوا يبقى مرسى رغم عدم توافر مقومات الرئيس فيه مع انهم لو مرشحوش حد كانت اصوات مرسى ممكن توجيها لابو الفتوح مثلا

س 2 و عليه استماته الاخوان فى السيطره على كل شىء تعنى حزب وطنى جديد و لا تعنى تحقيق أهداف الثوره

............*الأجابه............*

1 - مكنش ينفع إن الأخوان يدعموا أبو الفتوح .. لأن أبو الفتوح كان خالف أكبر و أهم قانون الجماعه معتنقاه و ماشيه عليه من سنين .. ألا وهو أن رأى الجماعه يسرى على الكل .. و الأمر شورى بين الجميع .. ده قانون .. طالما إنت منتمى للجماعه يجب أن توافق عليه .. و هو أساس كل قراراتهم .. أبو الفتوح خالف القاعده الأساسيه ديه .. و بالتالى لو كانوا رجعوله .. كانوا هيبقوا هدوا أساس الجماعه .. (ماينفعش تهد قانون ماشى بقاله سنوات و تهد كيان و تشيع الفوضى .. علشان شخص أياً كان)

2 - ليه الأخوان رشحوا أكثر من شخص .. و بسرعة البرق يتحولوا من شخص لأخر (الشاطر -- مرسى) .. للرد على الجزء ده نقطتين تانيين:

a- الأخوان عندهم مشروع النهضه .. الى هو هدفهم لتنمية إقتصاد مصر .. وهو مشروع ممتاز يشمل كل نواحى الحياه للنهوض بإقتصاد مصر بعد طبعاً ما ماسورة السرقه تتقفل .. فهما مش مهم عندهم الأشخاص تكون مين .. المهم حد يكون موجود علشان يحقق الحلم و ينهض ب مصر

b- تخيل إننا فى مركب فى البحر .. و كل واحد شارى غرفه فى المركب .. و إتفقنا إن محدش يطلع منها .. و خدنا عهد بكده .. و فجأه قامت عاصفه و المركب إتخرم و خلاص بيغرق .. هل هتفضل قاعده فى غرفتك و تقول ماليش دعوه الخرم مش فى غرفتى!!!! مستحيل طبعاً .. المركب بيغرق و إنت أول واحده هتغرق فيه لو وقع .. و بالتاى كان لازم تتصرف بكل الطرق علشان المركب يفضل فوق الميه و مايغرقش ..

ده بالضبط الى حصل مع الأخوان .. المجلس العسكرى جيه فى الأول .. وكان عامل فيها محترم و حامى الثوره .. و خدعنا جميعاً بما فينا الأخوان .. ثم وضح على حقيقته الخبيثه و أطماعه التى لا تنتهى .. و كان لازم يكون فيه رد فعل بأى طريقه علشان المركب تفضل عايمه و منغرقش

تحلليلى للموضوع بكل بساطه .. و اتمنى مكنش أطلت عليكم .. ياريت تقرأ كلامى بتمعن شويه .. و تعرف إنك قدام إتنين .. واحد قالها بكل صراحه .. أنا هيزيح إسم الله و الإسلام .. و الأخر (حتى لو بيكدب) قال إنه هيعلى إسم الله و الإسلام فى الأرض .. إعمل حساب يوم ما نقف بين إيدين ربنا و تتسأل إنت إخترت ليه !! .. ديه شهادة حق .. و كاتم الحق شيطان أخرس

جمعه مباركه إن شاء الله

و نهاية كلامى .. لأى حد هريشح شفيق .. طالما إنت مقتنع بيه و عايزة أتمنى عليك إنك تدعى فى صلاتك إن ربنا يحشرك معاه .. قول أمين يالى هترشح شفيق و أوعى ترجع فيها .. مش إنت مقتنع بيه!!!!!!!!! .. حسبى الله و نعم الوكيل ..

أرهن لو حد دعا الدعوه ديه لأن بينه و مابين نفسه هو عارف شفيق ده مين و هيتحشر مع مين

فقط للرد على موضوع فى غاية الأهميه .. انا بالنسبه ليا الإنتخابات الأن بأشبهها بالأتى .. انا فى صحراء محدش بيساعدنى و قدامى ذئب هيموتنى و معييش غير سكينه من غير غطا .. يعنى لو مسكتها أدافع بيها عن نفسى .. هتعورنى .. بس ممكن تنقذنى من أنياب الذئب .. إنما لو ما إستعنتش بيها و جريت مثلاً أو وقفت مكانى .. الذئب هيموتنى بكل سهوله .. فى الحالتين فيه أثار جانبيه .. بس أتمسك بأقل أمل و أدافع بيه عن حياتى .. ولا أستسلم للذئب؟؟؟

طبعاً السكينه هيا الأخوان ... و الذئب هو شفيق و زبانيته

بالتأكيد مع صاحب الموضوع , و ربنا يخلصنا من كل الفلول