الموضوع: معلومات عن axon للغات

حبيب قلبي يا بيبو، نجيب من الاخر عاوز تتقن أي لغة يبقى لازم تعيشها ... يعني تاخد كورس فيها و القاموس يكون معاك ديماً و لازم تحدد احتياجاتك من الانجلش يعني هتعمل دكتوراه في أمريكا مثلاً؟ و لا عاوز تكتب تقرير؟ و لا خدمة عملا؟ متهيقلي اكسون حزين و كانو مرة عاوزين مدرسين و أعرف انهم بياخدو مدرسين مش مؤهلين للتدريس كانو بيدو للمدرس من حوالي 5 سنين حوالي 15 جنيه في الساعة! هتستنى إيه منهم؟ برليتز كويس في oral لكن جرامر تعبان ... أنا كنت شغال هناك مدرس انجلش، و اشتغلت في أكتر من مدرسة دولية... ممكن تدور على مدرس انجلش كويس بسعر مناسب و يكون جمب بيتك و هو هيعرف مستواك و هيفهم منك إيه متطلباتك من اللغة و مستواك الحالي إيه و بتالي ناقصك كام حصة عشان توصل للمطلوب؟ لو هتحتاج 30 -40 حصة مثلاً في فترة شهرين عشان تكون الدنيا مركزة ممكن أوي يعملك خصم مناسب. ربنا يوفقك أخوك أحمد سامي

بما ان حضرتك حضرتك ف بيرلتز
ايه رأيك فيه
عاملين عرض حلو عنندنا ف الجامعه
وناويت اقدم ف الراوند الجديد

احمد باشا شكرا للمشاركة

انت كنت بتشتغل في بيرلتز ؟؟

انا كنت باخد في فرع المعادي اللي هو جنب المترو

كانت فيه انستراكتور وهم وهم اسمها اميرة

بس قعدت معانا ليفل واحد وبعد كده للاسف سفرت امريكا تدرس هناك لفترة

المهم انا رحت القوات المسلحة معجبتنيش .... رحت بيرلتز معقولة جدا بس الاسعار نار .... مش عارف ايه البديل

فكرت اني ادور على مدرس مش عارف حاسس ان مدرسين الثانوي دول ممكن يعدوك من امتحان مكتوب .... مش لغة وبروناونسيشن صح وفلونت كويس

ايه اقتراحاتك ؟؟ انا نفسي اوصل لمرحلة الاتقان لاني حابب الانجلش جدا

لدرجة اني عاوز ادخل توفل

انا حاليا ما بين 60 - 70 % على اساس امتحان القوات المسلحة

أنا كنت شغال من 4 سنين هناك دلوقتي أنا عند شركة للاستيراد و سبت المجال بتاع التدريس. برليتز كويس في اللغة المنطوقة إلي هو eloral لكن في إهتمام أقل بلجرمر و الكتابة، ممكن تروح برليتز و تعوض النقص إلي في برليتز بتاع الجرامر انك تجيب الكتاب ده essential grammar in use - Raymond murphy third edition 2007 cd version with answers و بكدة تعمل ممارسة ممتازة للغة بسعر مناسب و تذاكر مع نفسك من كتاب الجرامر إلي نصحتك بيه - ذاكر كل يوم unit واحد بس و حل إيكسسرسيسه و بعد ما تحلو بص على التصحيح في الكتاب من ورى ... و أي سؤال أنا في الخدمة - أخوكو أحمد سامي

زي ما قلت قبل كدة لازم تعيش اللغة يعني مثلاً تسمع bbc و تشوف محطات ارسالها ب english و تكلم ناس من على النت بلنجليش و اوعى تخاف! اغلط و صلح و إنطلق عش حياتك و إيه يعني ما كل الناس بتغلط حتى في لغتها الاصلية حتى الامريكان و الانجليز بيعمل أخطاء رهيبة و في الأساسيات كمان ! أي لغة هي القدرة على إرسال رسالة و إستقبال الرسالة مع فهم معناها. بالتوفيق

جزاكم الله خير يا جماعه
ان شاء الله ادور ع الكتاب و اشتريه :)