أنا كان عندي في العربية بطارية سائلة 55 أمبير وكان ما فيش فيها مشاكل إلا أنها بتطفح سائل بسيط خفت لا يأكل حوض البطارية فغيرتها بواحدة أسيديلكو جافة 70 أمبير ودورت معملتش أيدل ليرن فهل أنا محتاج أيدل ليرن أو كمبيوتر ريست.
عرض للطباعة
أنا كان عندي في العربية بطارية سائلة 55 أمبير وكان ما فيش فيها مشاكل إلا أنها بتطفح سائل بسيط خفت لا يأكل حوض البطارية فغيرتها بواحدة أسيديلكو جافة 70 أمبير ودورت معملتش أيدل ليرن فهل أنا محتاج أيدل ليرن أو كمبيوتر ريست.
مبروك
مفيش مشكله ان شاء الله
شكرا ليك يا أبو يحي وياريت تشوف موضوع إكصدام الأفيو لأن ده موضوع مزيف وعامل بلبلة في المنتدي ولازم إدارة البمنتدي تتدخل وتوضحه يا تقوم بحذفه
سؤال أخر من فضلك ممكن أعرف طقم السيور والبلي بتاع الأفيو مكوناته أية ... لأن قالوا في التوكيل لازم يتغير وتكلفته 1100 جنية
تحت امرك
بيكون مكون من سير المجموعه
وبلاضافه الي سير الكاتينه وده بيكون معاه بليه الكاتينه وبليه الشداد
اسعارهم بصراحه مش عارف
لاكن انصحك انك تشتريهم من التوكيل وتشوف مركز خدمه كويس او ميكانيكي امين
وتخليه يركبهملك
اللي بيحصل انك لازم تغير السيور
لاكن ممكن توفيرا للنفقات انك تخليه يكشفلك علي البليه واذا كانت تقيله يغيرهالك
ده لو عاوز تقلل النفقات
التوكيل بيعمل بلاضافه لكده انه بيغير مياه تبريد الرادياتير وممكن يغير طرمبه المياه
وطبعا ممكن المستهلكات الاخري ذي البوجيهات والفلاتر
معلش هيه صيانه مكلفه
لاكن بتحافظ علي اداء العربيه
وشكرا
شاكر ليك جدا يا أبو يحي ... سؤال تاني من فضلك أنا إستعملت منظف دورة بنزين ليكوي مولي ... فهل لازم أغير البوجيهات لأن سمعت الكلام دة كتير في المنتدي ... وأسف تقلت عليك
يفضل طبعا
وياريت يفضل تركب ngk بلاتنيوم
حيحسن اداء العربيه في السحب واستهلاك البنزين
وشكرا
شكرا ليك ... سعرهم كام تقريبا لأن كتالوج الأفيو مكتوب فيه ngk ifr6e11 ودي ليزر إريديوم وسعرها غالي تقريبا فوق ال 500 جنية فما هو سعر البلاتينيوم؟
اعتقد في حدود 160 جنيه
شكرا ليك يا أبو يحي ... بس أنا من بعد ما غيرت البطارية وصوت العربية في الأيدل عالي شوية والسحب مش كويس ... فهل أعمل أيدل ليرن ولا لأني جبت بطارية 70 أمبير ده غلط علشان الأصلية 55 أمبير