-
اي معلومات عن ال ٤٠٨
السلام عليكم ورحمة الله وبركاته
انا ناوي ان شاء الله اشتري عربية
وعاجباني جدا ال ٤٠٨ ونزلت اتفرجت عليها و عجبتني جدا
بس فيه مشكلة كبيرة جدا
هما كذل مشكلة صراحة
اول حاجة انها تقفيل صيني
تاني حاجة انها مش منتشرة لان بقالها ٦ شهور بس ف السوق المصري فمش لاقي اي كلمة عنها ف اي حتة
ولاعيوبها ايه ولا استخدامها ولا سواقتها و لا استهلاك البنزين ولا اي حاجة
وبعدين مش عارف قطع غيارها متوفرة والا لا ( في التوكيل او اي مكان برة)
ف ممكن لو حد عنده اي فكرة عنها يفيدني
والا اشتري كورولا واريح دماغي!!
ايه رايكو يا شباب؟؟؟
-
موتور 307 و ستروين C4 يعني حاجتهم موجودة
عفشة 308, برده موجودة
interior 308 و ده مفيش منه مشاكل
تقفل صيني, عادي جدا شركة كبيرة كتييير بتقفل برة بلدها عشان توفر و بالتالي تقدر تبيعلك العربية بسعر معقول
انزل بقى التوكيل و اطلب تتفرج على اسعار قطع الغيار عشان تبقى مطمن
-
شكرا يا باشا علي الرد
كلامك ده طمني من ناحية قطع الغيار
فاضل بس نقطة اعطال العربية ايه و استهلاك البنزين
لان مش معني ان ضمانها ٥ سنين اني افضل رايح جاي ع التوكيل بعُطل شكل
-
العربية مفيش منها مشاكل لحد دلوقتي و بيجو حاليا بينضفوا الدنيا عشان يشدوا الناس تاني بعد ما طفشوهم بالزبالة الإيراني
بالنسبة لإستهلاك البنزين فـهتبقى زي ال 307 يعني في المتوسط 7.5 لتر في ال 100 كم
-
شكرا Unendlich انت تقريبا طمنتني بنسبة كبيرة اوي
فاضل بس اروح التوكيل اسال علي اسعلر قطع الغيار
واتاكد من موضوع ال٥ سنين الضمان ده
وممكن اروح فرع وادي النيل اتفرج علي الوانها
لاني احتمال كبير اجيبها من سمير ريان هو ارخص من وجيه اباظة بحوال ٣ الاف جنيه والا ايه رايك ف الموضوع ده؟
-
بلاااااااااااش سمير ريان ده عشان بيتحكي عنه بلاوي ساعات بتصل انه يرش العربية
التوكيل بتبقى العربيات اللي واقفة في عاملة 10-15 كيلو بالكتير و واقفة جوا المعرض مش مرمية برة و بتاع
أنا شايف إن ال 3000 تشتري بيهم دماغك و تخليك في الاضمن و الانضف في المعاملة
Content Relevant URLs by
vBSEO 3.6.0 PL2