هل تكيف الكورولا 2007 ال1300 سى سى بياثر عليها لما بيشتغل ولا عادى السحب عادى
سواء كانت مانيول ولا اوتوماتيك
وهل تجميع الاتوماتيك فيها حلو ولا زى اللانسر ال 1300 الاتوماتيك بطىء
انا بتكلم عن الكورولا ال1300
افيدونى........................
عرض للطباعة
هل تكيف الكورولا 2007 ال1300 سى سى بياثر عليها لما بيشتغل ولا عادى السحب عادى
سواء كانت مانيول ولا اوتوماتيك
وهل تجميع الاتوماتيك فيها حلو ولا زى اللانسر ال 1300 الاتوماتيك بطىء
انا بتكلم عن الكورولا ال1300
افيدونى........................
لأ العربيه سحبها جميل جدا بالتكييف ومن غير التكييف
وليست مثل اللانسر في السحب نهائي
لأ مبيفرقش فيها موضوع التكيف ده خالص إلا لو انت حاطط الموضوع في دماغك هتحس بفرق بسيط أوي ...
لكن أنا جربتها كذا مرة محمل كامل العدد مع التكييف وما شاء الله زي الفل
بياثر تاثير طفيف جدا تكاد تشعر بيه.
i agree with hasem-khidr
howa eh ely anta katboo fe el tawqee3 da
بياثر تاثير خفيف لو انت بتشد وبتجمع
لكن لو سايق عادي انسي مش هاتحس
مجربتوش في الاتوماتيك
بس عامة اتوماتيك مع 1300 بتخنق منه ومع تكييف ما تستناش اداء رياضي بقي
انسى
للأسف تجميع الأوتوماتيك فيها مش حلو حتى بدون تكييف لكنه مش زى اللانسر لأن اللانسر الأوتوماتيك ميته وهى أفضل منها بكتير لكنه فى حد ذاته مش حلو لكن المانيوال منها كويسه جدا حتى مع التكييف
يا جماعة ازاى مش بيأثر !
انا جربت الجيتز 1600 سى سى مانيوال و عربية صغيرة و التكييف بيأثر عليها
و ال I30 1600 سى سى اوتوماتيك و موتور 122 حصان و برضة بيأثر عليها و بفرق ملحوظ انا بلاحظة جدا و مش بشد ولا اى حاجة بس حتى اطفية كدة و افضل ثابت على سرعة و قوم مشغلة حتلاقى العربية قامت مفرملة !
مش عارف بقى هل الكلام دة يختلف مع الكورولا ولا لأ
انا معايا العربية موديل 2007 مانيواال والتكييف تاثيره خفيف جدا وغير ملحوظ
انا برده مستغرب زى الاخ فهد لان انا ملاحظ ان كل التقييمات الى عن العربية الى فى المنتدى هنا تلاقى الكل بيأكد ان التكييف مش بيأثر اطلاقا على السحب.......جايز.....بس انا مثلا عندى فى الياريس الى هو نفس موتور الكورولا 1300 التكييف بيأثر عل السحب جدا ودا بيبق ملحوظ ....
الحركه ديه غلط اوي يا فهد و متعملهاش تاني
متطفيش التكيف و لا تولعه غير و العربيه واقفه
و بالنسبه للقلته انا جربت الالنترا 2006 و كان فعلا بيأثر التكييف (1600 سي سي ده الموتور القديم طبعا) بس لو ركزت فيه عندنا في الكورولا (1600) مش بيأثر خالص او حاجه بسيطه جدا جدا تكاد لا تذكر و انا عارف ان حركة تشغيل التكيف و طفيه و العربيه ماشيه غلط و انا جربته بس ما العربيه ما فرملتش خالص معرفش بقي ليه كده !
انا سالتلك واحد صاحبي معاه النترا 2007 (نفس موتور عربيتك انت عارف طبعا :)) قلي مش بيأثر خااالص اعتقد هي بتيجي من احساس الراكب بقي و هل حاطط في دماغه انه مشغل التكييف و هيأثر ولا لأ و يمكن انا دوست بنزين زياده لما شغلت التكييف في الكورولا
و الله اعلم :)
موضوع ان التكييف لا يؤثر على سحب العربيه ده كلام غير علمى و غلط ، اى عربيه مهما كانت لازم التكييف يأثر طبعا واللى ما بيحسش انه اثر يبقه المشكله فيه هو لان فى ناس احساسها بالعربيه مش عالى ده حتى فيه ناس ممكن تمشى بالعربيه والتيل خالصان و مش واخد باله او حتى الكاوتش نايم و مش واخد باله.......؟؟؟؟؟!!!!!!
لأ يا باشا بجد بيأثراقتباس:
الحركه ديه غلط اوي يا فهد و متعملهاش تاني
متطفيش التكيف و لا تولعه غير و العربيه واقفه
و بالنسبه للقلته انا جربت الالنترا 2006 و كان فعلا بيأثر التكييف (1600 سي سي ده الموتور القديم طبعا) بس لو ركزت فيه عندنا في الكورولا (1600) مش بيأثر خالص او حاجه بسيطه جدا جدا تكاد لا تذكر و انا عارف ان حركة تشغيل التكيف و طفيه و العربيه ماشيه غلط و انا جربته بس ما العربيه ما فرملتش خالص معرفش بقي ليه كده !
انا سالتلك واحد صاحبي معاه النترا 2007 (نفس موتور عربيتك انت عارف طبعا :)) قلي مش بيأثر خااالص اعتقد هي بتيجي من احساس الراكب بقي و هل حاطط في دماغه انه مشغل التكييف و هيأثر ولا لأ و يمكن انا دوست بنزين زياده لما شغلت التكييف في الكورولا
و الله اعلم :)
انا لما بكون سايق لازم ادوس بنزين اكتر من و انا مش مشغل و بفرق ملحوظ و بلاقى العربية مش بتمشى زى و انا طافية ! و بعدين لما اطفية شوية و اجى امشى الاقى نفسى العربية بتجرى منى لأنى بدوس نفس الدوسة و انا مشغل التكييف و لازم اقلل الدوسة و كمان بتلاقى طلعة العربية بقت اقوى بكتيير عن و انت مشغلة !
انا مقتنع انة لازم علشان متحسش بالفرق بتاع التكييف دة مش اقل من عربية 2000 2400 سى سى موتورها عفى !
و صحيح لية غلط انى اطفى و اولع التكييف و انا ماشى ؟
ايه يا جماعه براحه شويه
كلام علملي ايه بس
ما انتم لو بتتكلموا كلام عملي كمان هتعرفوا ان رد الواحد انه مش بيأثر معناه انه مش بتحس بالتأثير لدرجه انك تبقى حاسس بضعف السحب
وهو ده مغذى السؤال اللي اتسال من الاول
وطبيعي طول ما في كمبروسر تكييف وماتور عربيه وده بياخد من ده
يبقى اكيد هيبقى في تأثير ولكن القصد من السؤال ان التأثير بيسحب من عزم العربيه جامد يعني بيأثر على الاداء ولا لأ
مش القصد انه مفيش تأثير بنسبة 0 % يعني
السؤال كان :
اقتباس:
هل تكيف الكورولا 2007 ال1300 سى سى بياثر عليها لما بيشتغل ولا عادى السحب عادى
سواء كانت مانيول ولا اوتوماتيك
وهل تجميع الاتوماتيك فيها حلو ولا زى اللانسر ال 1300 الاتوماتيك بطىء
انا بتكلم عن الكورولا ال1300
الاوكتافيا ال A5 كانت من غير ما اشغل التكييف بتمشى بمجرد ما اشيل رجلى من على الدبرياج لكن بالتكييف لازم ادوس شوية بنزين عشان العربية تبدأ تتحرك ونفس الكلام فى الفيرنا والافيو والياريس اشمعنا بئه الكورولا