عرض للطباعة
بسم الله الرحمن الرحيم
وفقني الله لشراء سيارة كيا برايد هاتشباك 1999
ونصحني الكثير بتغيير السرفيس للعربية رغم أنها لا تحتاج
إلا لتغيير البوجيهات وفلتر البنزين والكشف علي الفرامل
علشان واحد صاحبي قالي إن الفرامل واطيه
فكنت عايز أعرف
ما يشمله السرفيس أصلاً ؟؟
وأفضل مكان أشتريه منه ؟؟ وهل لازم يكون كله أصلي ؟؟
وياريت لو حد يعرف مكانيكي كويس يتعامل مع السيارة ؟؟
ويا ريت لو أعرف كل ده هيتكلف كام
وهل ممكن أأجل تغيير السرفيس لمدة شهر مثلاُ ولا لازم حالاً
طقم السرفيس يتكون من تغيير السيور والفلاتر والزيوت والبوجيهات
والاطمئنان على الفرامل والعفشة
موضوع التاجيل دا حضرتك اللى تقرر
شكراً علي أهتمامك أخي الكريماقتباس:
المشاركة الأصلية كتبت بواسطة elpasha1
بس أنا كنت عايز أعرف التكلفه كام وأحسن ميكانيكي أو مركز أعملها عنده !!
روح عند الجندي في شارع دمشق هوا احسن واحد عنده اسعار و حاجته مضمونه و حتعرف اسعار الحجات دي هناك
السرفيس بيعتمد على الكيلو المقطوع او السنوات
دورياً بالاضافة لما ذكر
المفروض
تظبط زوايا = كل 10000
تربط عفشة = كل 10000 او 5000
تغير فلتر بنزين = كل 20000
تغير فلتر هوا = كل 20000 وتنضفه كل 5000
تغير مياة ردياتير = كل سنتين
تغير زيت فرامل وباور = كل سنتين او تاخد هوا من زيت الفرامل حسب حالة العربية
تدور اطارات كل 10000
تكشف على البطارية والدينمو
تغير سير كاتينة من 60 الى 80 الف حسب العربية
تغير بوجيهات كل 20000
اغلب العربيات بتعمل الجدول ده
دى اسمها اول الصيانة الوقائية
بتفيدك فى عدم تعطل السيارة فجاءة فى بعض الاحيان او الحفاظ على حالتها جيدة
فيه حاجات بتبان من الاستعمال
زى الدبرياج والمساعدين
الافضل تشترى اصلى طبعا
مفيش يبقى ماركات كويسة
شوف الجندى اللى فى ش الطيران
ميكانيكى
حسب سكنك اسال الاعضاء انت ساكن فين وهما يدلوك