الموضوع: الانوس وbmw 316i وطريق العين السخنه

المشاركة الأصلية كتبت بواسطة minicooper20

هى فين الشدايه ؟

شوف الى كان فى البى ام كانت معاه واحد ه وانا اتحرجت انى اصور من الاول كل الى حصل انى كنت بجرى معاه وكان بيثبت عند 190 وميعديش سبته يطلع قدام شويه واكلته على 200 ووصلت 210
لو كان لوحدة كنت صورت الموضوع كامل-من الاول -باختصار انا كان معايا خطيبتى وهوة تقريبا معاه واحدة معرفش مين طبعا وكل واحد كان بيثبت نفسه مع الى معاه
والخلاصه ان bmw316i بثبت عند 190

المشاركة الأصلية كتبت بواسطة tarek_2005

هوا سابك بس يا ابو حميد خوفاً من السرعة وخوفاً علي الي معاه بس اعتقد لو كان لوحده مش عايز اقولك كان عمل فيك ايه ياراجل ده معاه فرامل مش هقول ومعاه استبلتي مش هقول الكل عارفها بس هوا محطكش في دماغه قالك سيبك منه دا عايز يم....... اعذرني في التعبير لانوس بالسرعة دي يعني استبلتي مفيش كنترول صعب جداً
واخيراً ربنا يستر طريقكك ويكفيك شر عربيتك ويمتعك بخيرها

منور اولا
شوف لو كنت معايا من الاول كنت عرفت انه مسابنيش اصلا وكان بياخد ملفات تقريبا 190 وكنت بهدى وارجع احرق واحصله -وانا اتحرجت انى اصور من الاول لانى معرفوش
bmw316i عربيه عيانه -انا جريت مع bmw320i وطبعا سابنى وطار
وعلى كل حال كفايه ان لانوس 1500 بتقفل العداد وزيادة حبتيين
وبعدين بالنسبه للفرامل احمدك يارب بقف على اى سرعه--هوة انا كمان مكنتش خايف على الى معايا والله خطيبتى بتخاف من السرعه بس لما شافت الموقف قالت ليا دة هيسبق عربيتك-فكان الرد بطريقه عمليه
بعدين دى 116 حصان على وزن 1300 كيلو وانا 110 حصان على وزن 1100 كيلو-فرق الوزن لصالح الانوس

المشاركة الأصلية كتبت بواسطة tarek_2005

ربنا يبارك لك فيها ويمتعك بخيرها ويكفيك شرها

طب انا هقولك على موقفين مع bmw
مرة على الصحراوى مع bmw530i عادى كنت بجرى معاه بتسلى هوة مكنش بيزود عن 190 فكنت جنبه طول الطريق وكان فيه تهديه وعادى جريت معاه لحد 120 وكنت وراه وفجاءة داس بنزين واتفرج على الى حصل الكاوتش الخلفى بتاع عربيته فرتك الاسفلت -الاسفلت اتفرم تحت الكاوتش وعفر عليا وحصو بيخبط فى زجاج الانوس وطار وطبعا مشفتوش بعدها
الموقف التانى
على كوبرى اكتوبر الفجر وماشى عادى على سرعه ميه -وبى ام كان جنبى فجاءة سمعت صوت ميتوصفش وطار من جنبى كانه لسه بيطلع بالعربيه
انما bmw316i---دى عيانه ومش بتاعت جرى ولا شد

و الله انت جامد قلبي و هتخليني اجرب اشد بالبرنسيسه (انجي) بس انا 1500 اوتوماتيك
المهم مقلتلناش علي اكله السمك احكلنا كانت جامده
اصلي بحترم السمك و اللي ياكلوه جدا

المشاركة الأصلية كتبت بواسطة tarek_2005

الصراحة انا مسوقتش ال 316 بس انا سوقت 318 ومش هقولك لو كنت شفتك علي الطريق كنت هعمل معاك ايه

bmw 318i---تقريبا 130 حصان هوة انا مجنون اجرى معاها
دى عاوزه ماتور ليجانزا مش ماتور لانوس
ولو كنت شوفتنى اكيد كنت هتسلم عليا هوة انا اهون عليك برضه