السلام عليكم
اناكنت محتار بين الفيات ايفو الريو اعلى فئة علما بأنهم تقريبا نفس الاوبشنز وانا ميفرقش معايا الوسع بس يفرق معى الجودة والعمر الافتراضى وهل قطع الغيار متوفرة خارج التوكيل للاتنين
عرض للطباعة
السلام عليكم
اناكنت محتار بين الفيات ايفو الريو اعلى فئة علما بأنهم تقريبا نفس الاوبشنز وانا ميفرقش معايا الوسع بس يفرق معى الجودة والعمر الافتراضى وهل قطع الغيار متوفرة خارج التوكيل للاتنين
لو عمر افتراضي يبقي الفيات
انما لو توفير وراحة فقطع الغيار يبقي الريو
والله اعلم ..
الاتنين كويسين , بس خد في الاعتبار ان البونتو 77 حصان 8 صمام يعني تنسى حاجة اسمها جري وتسارع خالص , الريو موتور اقوى بكتير 107 حصان يعني فرق 30 حصان
اعتقد كعزل وصوت موتور البونتو احسن
اعتمادية وقلة اعطال وسهولة تصليح وتوافر قطع غيار وتوكيل كويس الريو تكسب
عوامل امان الاتنين اعتقد زي بعض ( في اعلى فئة )
كماليات واوبشن الريو تكسب .. معروف عن كيا الكماليات الكتيرة جدا
الباقي تقريبا زي بعض
عارف لو توكيل fiat كان كويس .. كنت قلتلك اوعى تفكر في rio ديه ..
أنا لو مكانك هاجيب الإيفو.. الريو الجديدة قعدت فيها وما عجبتنيش
جودة الايفو تكسب طبعا
المشكلة زي ما باقي الشباب قالوا التوكيل
الايفو : خامات + صناعة + تقفيل + كماليات .. احسن بكتير
- محرك تعبان
- توكيل تعبان
- اعادة بيع تعبانة
- قطع غيار غالية
الريو :
+ محرك ممتاز
+ كماليات جيدة جدا (تنافس الايفو في اعلى فئة)
+ الخامات و التقفيل جيد جدا لكن مش بنفس مستوى الايفو
+ مساحة اوسع من الايفو
+ توكيل جيد جدا
- اعادة بيع برده مش جيدة
- قطع غيار غالية برده
---
انا شخصيا حجيب الريو بس علشان المحرك ... لو الايفو باي محرك تاني ز.. 90 حصان حتى كنتش ترددت.
ممكن تحط الفييستا (126 الف) في اعتباراتك لو عايز.