-
التكييف و سنينه
انا خلاص التكييف بتاع العربيه يأست منه
الفريون بيسرب منه ببطء و كل ما اروح لحد يضعط فيه هواء بضغط عالي و يسيبه ساعتين تقريبا مينقصش و يكشف بالرغوه مفيش حاجه
و رغم كده في خلال اسبوعين تلاته تكون الشحنه فاضيه الموضوع ده اتكرر حوال 3 مرات مع 3 صنايعيه مش عارف الحل ايه
و حتي مع بدايه الشحنه بيبقي كويس بس مش الكفاءه اللي الواحد منتظرها
اعمل ايه
-
يبقى هما ما بيدوروش كويس......معظم الصنايعية ما بيكشفوش على الوصلات الداخلية او الايكسبانشن و التلاجة.......التسريب شكلو صغير جدا عايز واحد عنده ضمير يدور عليه كويس مش زي معظم الصنايعية عايز يشحن و يخلص...
-
هل فيه حاجه ممكن تسرب في حاله التشغيل بس او مع المشي مثلا الواحد احتار
سؤال تاني العربيه عندي كرولا 97 (الملكه) مكانش ليها ثرموثتات يفصل الكباس و طبعا الكباس شغال علطول فالصنايعي ركب ثرموثتات خارجي
بعد كده عرفت ان فيه عربيات طبيعتها كده زي اللانوس فهل الثرموثتات اللي ركبته ملوش لازمه برضه؟
-
دا حضرتك عرض اكسبنشن كنت قرأت عنه انه تسريبه بيبقى فى خلال 3 اسابيع
-
ربنا يكون في عونك التكييف بالذات لما يفتح بقه بيجر فلوس كتير اوي
-
و الله اخر مره الراجل ساب الضغط محبوس لمده ساعتين المؤشر بتاع العداد متحركش
-
الشحنة مش حتختفي لوحدها كدة...اكيد في تسريب......ارجعله بعد يوم او اتنين و شوف القراية كام عشان التسريب عندك بسيط....هو كشف على التلاجة والايكسبانشن؟؟
-
هو مكشفش برغوه من جوا العربيه
انا فاهم ان الضغط اللي بيضغطه بيكون في الدوره كلها حتي الكباس و التلاجه الداخليه كمان
انا شاكك ان البلف يكون هو اللي بيسرب او حاجه مع التشغيل بس
-
المكثف متثبت صح في صدر العربية
-
السرنتينه شكلها متثبته كويس قدام الرادياتير اهزها كويس و اشوف
بس ايه اللي في فكرك ؟
Content Relevant URLs by
vBSEO 3.6.0 PL2